عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم و رحمة الله و بركاته
نظرا لكل الطلبات من الاخوات الخليجيات عشان اطرشلهم زيت شما
سرت و دورت على شركة شحن رخيصه..و الحمدلله لقيت شركه ترسل لدول الخليج نص الكيلو ب 35 درهم
طبعا شروط الطلب حق دول الخليج
1. اقل طلب غرشتين
2. من غرشتين الى اربع سعر التوصيل 35 درهم
3. من خمس غراش الى عشر سعر التوصيل 60 درهم
4. تحويل الفلوس ( سعر الزيت+ قيمة الشحن) مقدما على الويسترن يونيون..و على الويسترن يونيون فقط مش اي صراف ثاني…و اي اخت ترسل على صراف ثاني سامحوني بس ما بقدر استلم فلوسها..فمنعا للاحراج من البدايه اوضح ان التحويل فقط على الويسترن يونيون
5. توضيح نقطه مهمه لو اخت طلبت 2 زيت بتدفع 140 سعر الزيت + 35 سعر الشحن…يعني تحول لي 175 درهم كامل..هي تدفع رسوم التحويل ما تنقصها من فلوسي
6. باخذ طلبات البنات طول الاسبوع و يوم السبت من كل اسبوع برسل الطلبيات..طبعا بتاخذلها من 3 ايام الى اسبوع و توصل للزبونه
طبعا الشروط اللي فوق ضمان لحقوق الزبونه و لحقوقي
و اي اخت تحب تطلب ترسل لي عنوانها و الاسم و الرقم و كم عدد الغراش المطلوبه
و انا بطرشلها معلومات المندوب للتحويل
ان شاء الله وضحتلكم كل المعلومات
و اليكم دهان شما
يابتلكم اليوم هاك الدهان الغاوي..يغلظ الشعر و يطوله..طبعا هو اييبونه لي من الهند طلبيه خاصه..و انا استخدمه من زمان والله يمكن من سنه..و شعري ماشاء الله تمام
بالنسبه للدهان هو طبيعي 100% و هو خلطة زيوت يدخل جوز الهند بينهم..و فيه اعشاب داخله..لازم تخلون الاعشاب في الغرشه..احسن للزيت..طبعا مافيه كيماويات و لا غش..
هو بالدرجه الاولى يغلظ الشعر..و يوم بتستخدمونه بانتظام يعني على الاقل ثلاث مرات في الاسبوع و بتشوفون النتايج بأذن الله و بيظهر البيبي هير اليديد خلال اسبوع او اسبوعين بس يباله انتظام…مب تستخدمونه مره و تون تقولون والله ما نفع..لالا الموضوع يباله اهتمام و عنايه..انا عن نفسي يوم احيد عمري بتسبح..احطه قبل و اتم نص ساعه..و بس..يعني حتى ما يحتاي تباتون فيه..
طبعا في اول ايام الاستخدام في تساقط خفيف في الشعر..عشان الشعر الجديم يطيح و تبتدي دورة الشعر اليديد..يوم تستخدمون اي دهان للمره الاولى هالشي يستوي يعني مافي خوف..
بالنسبه لريحته هي ريحة جوز هند خفيف شرات الباونتي من داخل…مافي ريحه خايسه مثل دابر املا و ريحته مب قويه ابدا..تروحينها اول ما تحطينه في الشعر و عقب تنسينها…
طريقة الاستخدام: تحطين شويه في كف يدج..مقدار غطاه يعني او غطاتين و دلكي به فروة الرأس..و خليه من نص ساعه لين 3 ساعات..عقب هالوقت خلاص الشعر يوصل لحالة التشبع..مب لازم تباتين فيه..و اغسلي شعرج و شوفي الشعر كيف يصير.
هذي صورة الغرشه..عدال الموبايل عشان تعرفون حجمها
سعر الغرشه : 70 درهم << ادري انه غالي بالنسبه لباقي الزيوت الموجوده في السوق و في النت..و لكن هذا يوم بتستلمونه بتتعجبون من الاعشاب اللي داخله و تنوعهم..لانهم وايد مب شويه..و ايضا يطول الدهان عندج..لان كمية الاستخدام تكون قليله..مقدار غطاه يعني..فيتم الدهان اذا تستخدمينه ثلاث مرات في اليوم..عادي يطول ثلاث شهور ما يخلص
يصلح للبنات و ايضا للشباب اللي يعانون من خفة الشعر..بس عاد ما يعالج الصلعه << لا يصلح العطار ما افسده الزمن << لوووول
و الطلب على الخاص
الرجاء عدم تبخيس البضاعه..و تقليل قيمتها..
ملحوظه : الكميه الموجوده الحين محدوده جدا..و اذا في طلب ان شاء الله بطلب من الهند
نقطه اخيره: اللي تعاني من التساقط تسوي حمام زيت بدهان شما و ان شاء الله يتوقف التساقط
