البارحــــــــه

البارحة كنت أحس بنبرتك لمعه
وتعبت أفكّر بلمع الصوت.. وش يعني؟!
إثرك امكلّم وعينك تذرف الدمعه
حزنٍ علي ياحبيبي يوم تسمعني..
أقول : أنا بإنتظارك ليلة الجمعه
واقول : معقول معك الحب يجمعني؟!
واحكيلك حكاية الكبريت والشمعه
واوّلع الشمع لك حتّى توّلعني
واقول : سولف.. شموع القلب مستمعه
عطني وخذني وشتتني وجمّعني
ياللي على حسنك الأذواق مجتمعه
ماكنت أفكّر بشيٍ عنْك يمنعني
كنت آتكلم وأحلم لين في رمعه
صوتك لمَع دمْع في سمعي وقاطعني
أثرك مسافر وانا احكيلك عن الجَمْعه
أواعدك وأثرك امكلّم توادعني !!

منقــــــول للشاعر رشيد الدهام..