عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيــم 
تعلمون ان اصعب شي يمر فيه الانسان
عندما يكون متعب وتعجز عينه عن النوم
فيبدأ شريط حياته يمر امام عينيه لتتجلى
بوضوح كل الاحزآن المرسومه في حيـــآته
كلمات احببت انت تشاركوني بها ..
البآرحه عيني حريبٍ لها النوم
تلعبْ بي الافكآر روحه وجيّه
أقضي حياتي في متاهات وحلوم
والوقت مآيرحم ويزداد غيّه
يمه ترى هميّ على القلب مختوم
بالشمع الاحمر ياسم اليوم كيّه
لا مآشكيت الحآل والحزن مرسومْ
فيني وصآرتلي همومي وفيّه
واللي يجيني بالمواقيف مقسوم
برضى علأ هالحآل في حسن نيّه
بيني وبين الحزن ميثآق وسلوم
كني وريثة حزن . والحزن ليّه
خوة شرف بيني وبينه على الدوم
نلزم بعضنا دامت الروح حيّه
ولو صرت في دنياي بالهم محكوم
بصبر مدام الصبر مغروس فيّه
يالله تصبّرني على خوة القومْ
وتجزل ثوابي يا عظيم الجزيّه
العين عافت ماتبقى من النوم
مادامت الافكار روحه وجيّه
هذي طواري البارحه كيفها اليوم
يالله تعين الي همومه وفيّه
