عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخواني وخواتي
اسمحولي بتكلم باللهجه العاميه وحدة من صاحباتي كويته نقول
………………………………………….. ………….
يوم السبت إلي طاف كان في محاضرة في مجمع المهلب ألقاها الشيخ د. محمد العوضي وهاذي المحاضر وهي بعنوان يدي تلامس يديه
ومن ضمن المحاضرة تطرق إلى مشكلة البلوتوث …البلوتوث إلي مسبب أزمه بالكويت
وذكر على هالموضوع قصة قال إن في داعية كانت تلقي محاضرة في مركز إسلامي بالجهراء وأثناء إلقاءها للمحاضره قامت وحدة من ضعيفات النفوس وصورت هالداعيه المسكينه واهي قاطه نقابها وبعدين قامت ونشرت صورتها
قال قصة ثانيه عن وحده صورت نفسها بالتلفون وقامت ودزت صورتها حق ريلها (زوجها)
والزوج كان قاعد بالدوانيه مع ربعه وكان الكل مشغل البلوتوث والقطت كل الاجهزه الموجودة بالدوانيه صورة مرته وسيده ما قعد الريال راح وطلق مرته
والموقف الثالث إلي يقره الجرايد راح ايعرفه الي اهو البنت السعوديه الي قامو شابين سعوديين مع واحد نيجيري بتصويرها وهم يهتكون عرضها
شفتو المصايب الي تيي من وره هالبلوتوث الخبيث إلي دمر بيوت وخرب الشباب والبنات
وترى مشكلة البلوتوث انتشرت وايد كل الجرايد والمجلات تتكلم عن هالمشكله حتى اليوم وانا اقره مجلة شباب واهي مجلة سعوديه ولا في مقاله كاتبين فيها (كاميرات الجوال تسبب أزمة في الكويت)
وانا ما عرضت هالموضوع الى لاني ابي الكل يشارك فيه ويعطيني وجهة نظره اتجاه البلوتوث نفسه كتقنيه هل هو مفيد لنا والا الضرر أكثر من الفائدة؟؟؟؟؟
وشنو رايكم هل الحل يكون بمنع بيع أي تلفون في بلوتوث؟؟؟؟؟
بس أنا أقول انه انتشر وااايد وما راح يقدروون يمنعونه
انزين اذا ما يقدروون يمنعونه تتوقعون شنو الحل إلي ممكن يقلل من الفضايح إلي قاعده تصير من البلوتوث؟؟؟؟
أبي الكل يشارك ويعطيني رايه
