التحليل الهرموني (الرقمي)

و الله اني اكتب لكم و انا حالي النفسيه و لله الحمد تمام و عال العال

طبعا قبل ساعتين انتابتني موجة بكاء عارمه اول ما عرفت نتيجة التحليل الهرموني

السالفه يا طويلات العمر ((انا دورتي متأخره لها اسبوعين و قبل خمس ايام رحت للمستشفى و سوولي تحليل دم و قالو لي مبروك حامل 😆 🙄

و الله يابنات شوي و يغما علي من الفرحه مدري وشلون مسكت نفسي
وقلت اللهم لك الحمد و الشكر و رحت بشرت امي و بكيت و انا اكلمها و هي تهديني و تقول لي الحمد لله

الله عوضك و صبرتي و نلتي و انا يابنات و الله مو مصدقه لأني لي ست سنوات انتظر الحمل و ما كتبه لي ربي(( انا عندي بنتين و لله الحمد بس بعد بنتي الاخيره توقفت لمدة ست سنوات)) كان عمري يوم جبت الاولى 19 و يوم جبت الثانيه 22

طبعا انا قبل خمس شهور كنت اتعالج عن التكيس و اعطتني الدكتوره كلوميد و ابر تفجير و سوت لي جدول

ثلاث شهور على هالحال و ما كتب ربي لي الحمل و الله اني راضيه و صابره و شاكره ولله الحمد

بعد كذا قالت لي جارتي روحي لحرمه تمرخ و رفضت و قلت انا متوكله على ربي وش بتسوي لي الحرمه خصوصا ان لي ثلاث شهور هلى الابر و الكلوميد بالشهر الرابع قالت لي الدكتوره خليك ترتاحين من الابر الشهر ذا
و من بعد كذا تعالي خامس يوم نسوي لك تلقيح مجهري

انا بالشهر الرابع ارتحت ما سويت شي و يوم جتني الدوره بعد هالشهر اخذتني جارتي لحرمه تمرخ و رحت معها

المهم الحرمه عطتني دوا و خفت اخذه بس جارتي غصبتني و قالت لعل و عسى ربي يكتب لك الحمل

طبعا انا ما كملت الدوا عارفين ليش لأن بالعاده الادويه الشعبيه يجي طعمها مر

الدوا حق الحرمه كان حالي و طعمه غير مستساغ و بصراحه خفت ما استمريت اخذته بس عشر ايام و خليته

المهم ان قبل خمس ايام سويت تحليل عادي قالو حمل و اليوم سوت لي الدكتوره التحليل الرقمي و ليتها ما سوته

بصراحه صدموني يوم قالو ما فيه حمل

انا وقتها انكسرت نفسي و حسيت بخيبة امل كبيره و خصوصا بعد ما شفت الفرحه على وجه زوجي يوم عرف بحملي

و الله يابنات انا ما اقول هالكلام لأني معترضه لا و الله بالعكس انا اللي زعلني التلاعب بمشاعر المرضى

يعني مو هين بعد ما يبشرونك و يفرحون قلبك يتقومين تعدين الايام وتتخيليت انك حامل و توقفين قدام المرايه و و و

خلوها على الله

حتى زوجي من الفرحه ما خلاني اسوي شي و بس يقول لي ارتاحي انتبهي على نفسك

انتو حاسين باللي انا احس فيه؟؟؟؟

يعني غصب عني و ربي صدموني الله يهديهم

المفروض ما يسوون كذا

سؤالي لكم من تعرف التحليل الرقمي و هل هو ادق من العادي و الا كيف