عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يعاني منها من المجتمع رجال نساء اطفال خصوصا النساء حوالي 90%
نبذه بسيطه عنها تتكون من اهم عاملين :
تمدد الجلد وتقلصه يسبب تمزق للالياف النسيجيه
وتأثير الكورتزون يسبب ضمور وترقق للبشره
واهم اسبابها :
***الحمل خصوصا من الحمل الثاني
*** البلوغ والمراهقه بسبب زيادة تغير الهرمونات يترافق معها ضغط شديد على الجلد بسبب زيادة حجم الصدر والأرداف والفخذين خصوصا لدى النساء وكلما كان التمدد سريعا كلما ازدادت احتمالية ظهور التشققات
*** السمنه زيادة الوزن وانخفاضه
*** المشاكل الهرمونيه خصوصا الغده الكظريه
*** الادويه خصوصا ادوية الهرمونات
*** جفاف الجلد والاكزيما والصدفيه تسبب تغيرات خارجيه للبشره ومنها تصير التشققات
طرق العلاج :
***استخدام المرطبات والكريمات اللي تحتوي على فيتامين A _C_E وزيت الزيتون وزبده الكاكاو
*** خلال فترة البلوغ والمراهقة نهتم بنوعية الغذاء وتجنب زيادة الوزن السريع وانخفاضه
*** نظيم عملية تنقيص الوزن و معالجة المشاكل الهرمونية في بداياتها وعدم إهمالها
طلعت لي من السمنه بعد الولاده بكتكوتي والا قبلها بشرتي صااااااااافيه
طبيعة جسمي مجرد ما اسمن تطلع لي هالخطوط لكن مع هالخلطه شي خياااااااااال من دون مبالغه وبتشوفون بأنفسكم
الطريقه ماهي من مخيلتي ولا من اختراعي قريتها لبنت يسعدها ربي وجربتها والنتائج فتاكه
نجي لمكوناتها والطريقه
1/ الاهم فالخلطه كلها هالشي الخوقاقي سواء بتستخدمينه عشان التشققات اللي بتكلم عنها فموضوعي او السليولايت وهي مختلفه عن التشققات لان البعض يفكر ان هي نفسه التشققات او يستخدم كمساج وراحه لجسمك
موجود فمحلات الرياضه اخذته بـ125 ريال
2/ زبدة الشياء الخام اللي لونها اصفر تاجرات كثير يبيعونه المطلوب ربع العلبه والاسعار تختلف
3/ مره مذوبه فربع كاسة مويه
4/ كريم كولاجين من ستيفز تلاقونه بالصيدليات الكبيره نص العلبه سعره حدود الـ20 ريال
5/ زيت جنين القمح الاصلي من محلات وادي النحل كامل العلبه سعره حدود الـ50 ريال
6/ زبدة الكااكاو من باالمرز كامل العلبه ناسيه سعرها
6/ ربع كاسه خل
كلهم تحطينهم فالخلاط وبيصير قوامها كريمي وتحطينه فعلبه زجاجيه فالثلاجه وقبل استخدامها بوقت تطلعينه عشان تروح البروده
نبدا الجلسه الاولى ندلك المكان بجهاز المساج عكس عقارب الساعه وتخلينه اعلى اهتزاز بيعور بس تحملو تستمرين الين يحمـــــــــر المكان
وبيصير داااااااافي مايل للحراره وماتقدرين تتحملين الالم هنا توقفين وتحطين من الخلطه وتدلكين المكان الين تتشربها بشرتك
بيورم المكان وبيئلمك شي بسيط اذا خف الالم تبدين بالجلسه الثانيه وتستمرين تحطين من الكريم مرتين او 3 موبس وقت الجلسات يعني يصير شي روتيني الين تختفي الخطوط وتقل
انا استمريت 5 جلسات والحمدلله اختفت تقريبا 90% وكل وحده حسب استجابة جسمها ممكن اكثر جلسات ممكن اقل
بتلاحظون لمعة الخطوط بتخف كثيـــــــــر والاحمرار والبياض بيخف تدريجيا بأذن الله
هنا انتهينا من الخلطه وعليكم التطبيق
**** نجي لأروع مرطبين لبشرة الجسم نصحتني فيهم زميلتي ربي يسعدها
ما استغني عنهم ابداااااااااا
تغيرت معهم بشرتي بالحيــــــــل
ولهم دور كبيــــــــر فتخفيف التشققات وتجديد البشره وانصحكم فيهم من قلــــــــــــــب
نهاية الفخذ عند الركبه كان فيني 3 خطوط بيضا مع الاستخدام للكريمين اختفت نهااااااائيا
*** كريم زبدة الشيا والكاكاو العلبه المدوره 8 ريال تقريبا احطها فالنهار لكامل جسمي ولاتتعرضون لاشعة الشمس بتسمركم مع الكريم
*** وقبل النوم كريم رينيوول لتجديد البشره بالكولاجين لمقاومة علامات الشيخوخه 27 ريال خطيــــــــــــــــر)))
حطوا في بالكم ان مافي شي مستحيل بأذن الله كل ماعلينا الاهتمام والاستمرار
ولاتقولون تو طلعت فينيي التشققات ماتبين مع الايام تكثر ووتعمق فالبشره وكل ماتعمقت وطالت المده تطول مدة علاجها
