عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اتمنى ان اي وحده اشترت من الاخت ديزيرت فلولر ترد على كلامي واي وحده صار لها اللي صار معي امانه عليها تكتب برد بالموضوع عن اللي صار معها مع ديزيرت فلور
لانه للاسف لما واجهتها باسلوبها السيئ بالبيع زعلت واتهمتني اني اشب النيران بين الينات واسوي مشاكل وانا ما ارضى ينقال عني هالشي وخاصه من شخص قاعد يستغل الاخرين ويتهم الثانين بالكذب والظاهر ملف الاخت مليان اخطاء على الناس بس للاسف لما اتواجهة حطت اللوم علي وهذا الكلام اللي رديت عليها فيه واتهمتني بكل شي شين واتمنى ما اغثكم باعادة السالفه للي يتقراها بمواضيع الاخت المصون
بس اول ابيكم تعرفون ليش انا ادافع عن ام دانيا
البنت مسكينه ما تدخل نت ولا تدري وش قاعده ديزيرت فلور تقول عنها بالرسائل الخاصه اللي ترسلها للبنات وانا اولهم
ولما قلت لها قالت ادري بنات كثير قبلك قالوا لي بس كلن يعمل بأصله ومحد ياخذ حق احد واذا هي بهالمستوى انا ما انزل نفسي لها
وهذا الكلام اللي كتبته بموضوعها وخلاها تطرطش يمين ويسار :
رعاية الرياض التامينات سابقا, الوطني ,المملكه ,الحبيب ,مستوصف الشبلان,مستوصف مركز الرياض الطبي ,وعيادة ديرما ,الحمادي وحتى رحت للوحده الصحيه اللي عندنا بالربوه ورفضوا يعطون اي ابره الا بوصفه من طبيب يعني بعد كل هالاتصالات تاكدت من انه محد يعطيها الابوصفه طبيب وعلشان كذا بطلت اشتريها
وشي ثاني احب اقوله لك البيع يا قلبي شطاره مو تشويه بالاخرين وهذا شي الصراحه نفرني منك وحسيت انك ما لقيتي احد يشتري منك فقاعده تشوهين سمعة ام دانيا اللي من طرف دلوعة قلبي لانك قلتي لي لما سالتك عنها لا تشترين منها وسبيتيها وسبيتي الحبوب اللي تبيعها وانتي عارضه نفس الحبوب بس ما ندري من امريكا ولا من الفلبين وللاسف قلتي انها تبيع علب بيضاء ما عليها شي ولا كتابه وانا اليوم قابلتها واستلمت حبوبي منها الكرتون زي ما هو وعليه كل المعلومات وكل شي يعني ما سوت مثل ما قلتي لي
وانا والله ماشفت منك ولا منها اي شي ولا لي علاقه باي وحده منكم بس اخذت موقف من اسلوبك بالبيع وكيف تبين تبيعين باي طريقه حتى لو تشوهين سمعه اللي يبيع زيك
اكيد بتقولين انا تبع البنت بس والله اللي خلاني ادافع عنها انه مسكينه ما تدخل نت ولا تدري عن الكلام اللي قاعده ترسلينه انتي للبنات عنها ولا اللي تقوليه للي يتصلون بك ويسالونك عنها بس حبيت اكسب الاجر ولانها خدمتني بحبوب التبييض الله يجزاها الجنه واتمنى من اي بنت قالت لها ديزيرت فلو عن ام دانيا او سبتها تكتب هالكلام تاكيد لكلامي
واتمنى انك ما تزعلين من صراحتي بس ما يجوز التكسب من ورا الاخرين وذكر المسلم بما يسيؤه ومحد بياخذ رزق احد الله يوزع الارزاق كما يشاء
وتظل وجهة نظر
………………………………………….. ………………………………………….. .
والبنت زعلت لاني قلت رايي بالكلام اللي قالته وتحولت لشي غريب اسلوب جديد مره تتمسكن ومره تخترع اسلوب وتحطه بي ومره تقول وين البنات اللي اشتروا يردون همن قالت يابنات لا تردون عليها
يعني بالعربي خبصت ولاتدري انها غلطت على وحده ممكن تتقعد لها
لانيييي محترمه وذوق واخاف ربي مع الناس العدله اما اللي نص ونص واسهل شي الغلط عنده على الناس ويتعدى ويغلط علي اقول علي وعلى اعدائي هههه واحطه براسي ولا اخليه الا بعد ما اطيح اللي براسي منه
ويالله يا زبوناتها ردوا علي ودافعوا عنها واي وحده كلمت desertflour او ارسلت لها رساله وسبت فيها ام دانيا وحبوبها وقالت لا تشترين منها امانه عليها انها تكتب هالشي بالموضوع هذا
لانه موتي ولا احد يكذب علي ولو بشي تافه لان اللي يكذب بشي يكذب باشياء
وترا الساكت عن الحق شيطان اخرس وهذا اللي خلاني ما اسكت
