الجقوني قبل لاارتكب بـ أمي مصيبه

السلام عليكم ورحمة الله وبركاته
آولا بدخول بدون اي مقدمات بدخل بالموضوع لان مافيني صبر
والاهم من كذا اللي بتدخل وتقول لي تألف لو صادقه كتبت بيوزرها
بقول موضوعي يتعذرك واللي ماتبي تفيدني لااشوفها بموضوعي رجاااااااء

موضوعي يالغاليات مصيبه بل كااارثه والله اني ادعي عليها بالموت بس عسى ربي لايبلاني بعيالي
ولاوحده تقولي امك وخافي الله هي ماخاافت الله لافينا ولا باابوي الله يرحمه
وبختصر موضوعي قد مقدر عشان اوصل لكم شي من جبروتها
ابوي توفى من فتره االله يرحمه وكان نعم الزوج ونعم الاب ومااافي مثله من طيبه بدون اي مبالغه
مرض بالسرطان وكان توه ببدايته معه ..اخواني من ابوي قوموا الدنيا وقعدوها واللي اخذ قرض واللي باع سيارته بس عشان يسفرونه برا يتعالج …طبعا الست امي قومة الدنياوقعدتها طبعا موووووحب
في ابوي لا غيره من عياله بس على انهم ورب الكون اطيب منهم مافي وعلى قد ماسوت معاهم
وفرقت بينهم وبيين ابوي مازالوا يعاملونها بالحسنه احترامآ لاابوي ولنا حنا اخوانهم
ولاعمره احد تطاول عليها المهم سوت مشاكل وابوي من النوع اللي يحب يشتري راسه
قالت لا انا حرمتك انا اسافر معك وقال هم يروحون عندهم لغه يتخاطبوا مع الدكاتره
لان الحنجره عنده كانت مفتوحه ومايقدر يتكلم مااااافيه صووت ..طبعا مافكرت الا بنفسها
وغيرتها المريضه اللي عاشت معانا سننننيين حتى حنا ياعيالها ماسلمنا منها
فادا لها بكل شي وقال ماني مسافر بتعالج هنا وترك كل شي عشان يفتك من شرها
قعد سنتين بين المستشفيات بين الرياض وجده ومن اسوا لاسوء ورفض اشياء كثير بسببها
وصلت مع اخوي الكبير وتضارب معاها مره بالمستشفى لانها جلست تهاوش وتضارب
قدام ابوي تخيلوا وهو دااااخل عمليه يعني حتى تقدير للمريض ماااااافي اخوي قفلت معاه
وهي زعلت وطلعت ناداه ابوي قال له بالاشاره انا عندي عياااال صغاااااار خلوووها لاغمضت
عيني تربيهم خلوها عشااااني وعشان اخوانكم سكت اخوي وكلنا كاتمين بقلبنا ودخل للعمليه
طبعا هذا اختصااااااار للقصه ماقلت لكم وش قبل حياتنا معاها ووقتها هذا ورب الكون ولا شي
نقطه ببحرر
طبعآ طاح ابوي بيوم زواجي على راسه بالحمام اغمى عليه ولااحد علمنا الا ثاني يوم
بعدها تفاقمت حالته وركبوا له لي ببطنه وصار انسااااااان طاااااايح بفراشه
يبي هنا عون حرمته اللي رفضت الكل يوقف جنبه يوم كان بصحته ويوم طااااح وصار يبي عون
تدرووووووووووون وش سوووت الله لايسامحها ..كان على سريره لازم احد يحط له الحليب من الانبوب اللي ببطنه يبي عنايه مايقدر يخدم نفسه مثل اول صار طريح الفراش خلاص
صارت تبات بالمجلس اللي برا ملحق خارج ببيتنا تجي تكنس عند ابوي وتطلع تتركه
المصيبه سنتين متدربه على جروحه بروحاتها للمستشفى معه كل شي تسويه لها سنه وشي
من الانبوب لتنظيف جهاز الحنجره اشياء مستحيل نسويها لان لانعرف لها ولايقوى قلبنا لها
فتحات بجسمه نفكها تخيلو مابيدنا حيله
ورب الكون تطلع بالساااااعاااات ماتدخل له رحت له وهو مايحب مساعده من عياله
قلت اسوي لك شي ياشر براسه لا شووي رحت له وحاولت اسقيه الحليب بالانبوب
وكان جرحه ذايبه تخيلو ادخل الحليب يطلع لي من جرحه الذايب هو بدم تخيلوا اول مره
اشوف كذا وسااااااااااكته ماسكه نفسي بالقووووووووووووه ابي انهار بس عشانه تقويت
ومره دخلت عليها وكانت معطيتني ظهرها ماشافتني وتكلم ابوي تدرون وش تقول له وهو بهلحال
ورب الكون مااكذب واللي يفقدلي اغلى ماعندي تقول له خيرررر لاتخليني اطلع وانتحر لك الحين
من السطح فاهم يكفي ادمنت بسببك وسرت اشرب المروفين علاجك
هو حتى يده مايقدر يرفعها !!!طررررررريح فراش مايحرك الا عيونه!!!!!
تبي تقتله !!! تبي تهمه الله يهمها بدنيتها واخرتهاا
انا وراها وهي تضرب لي حساب لاني مااسكت لهااا طبعا ماقدرت اتكلم قدامه!!
سكت مصدومه ودموعي نزلت لو الموت بيدي ماقصرت فيها !
يوم لمحتني قامت تقلب الموضوع قالت شفت بنتك تتهمني بشرررفي ومدري ايشششش انا لاتعليق سكت ارتبكت مني مررره ويوم تطلع وانا امسكها صاحيه انتي ؟؟؟وش سوا لك الحين يوم تكلمينه كذااا
وششش دخل سالفتك معاااي يوم اتهمتك بشرررفك بانتحارك وتهديدك له؟خااافي الله فيه ياشيخه واتقي ربك وصرت زي المجنونه اتكلم عليها وقلت لها اي اتهمتك بشررفك بس لايصدق شكي وضعك مرريب للكل اصلا ولافي حرمه صاحيه زوجها يبيها بكل ثانيه جنبه تطلع تسكن بغرفه برا البيت
في حرمه صاحيه زوجها بالمستشفى وتاخذ استشوار معاها وتتمكيج وهي بعمرها لااستشورت ولاتمكيجت بس لاتصدق ظنوني وربي ماارحمك وطنشتها ومشيت
لان حتى اختي يوم سافرت معاهم قالت امك تمسك الجوال وتقعد تتكلم بصوت واطي وتروح بعيد
وترجع لنا …المهم طاح الغالي لين نقلوه على الرياض صارت اختي اللي شايلته بحكم ساكنه
بالرياض تركت مدرستها ولدها ترك المدرسه عشان كل يوم يروحون له زياره وهو مايدري من حوله
امي طبعا رفعت يدها قالت شلته سنتين دوركم تشيلونه مالي شغل فيه ورمته على اخواني الكبار مسؤوليته وسحبت يدها حتى يوم سافرت قالوا لها خواني يوم ابوي فاق يبي يشووفك راجت طيران
تدرون كيف زارته؟ دقت على اختي قالت انا بفندق وماعندي فلوس سياره تعالوا خذوني ولابرجع
ولا ارسلولي فلوس السياره اختي فاضي فيها وقالت امك تحملنها كثيرررر خلاص مانقدر
بدل ماتقعد عند رجوله تبي زوجي سواق لها وباسلوب مرره وقح
مابي اكمل واغثكم بجي لزبده,,, بعدها بشهر مات الله يرحمه ويسكنه فسيح جناته
وبدت حياتنا بدونه طبعا امي بعده وحالي مو عاجبني ماشفت شي بسسسس قلبي ماكلني
تخيلوا ياعالم جات اختي اللي اصغر مني قالت يفلانه شاكه ان امي عندها احد؟
قلت وشششووو؟؟؟مجنونه انتي ادري ان امك يجي منها مااستبعدها بس هي بعده يتهيئلك
قالت وربي وطردتني من الصاله اليوم وانتي نايمه قلت اذا انعادت هالحركه تعالي عندي جري وعلميني
ثاني يوم وانا نايمه وتجي اختي تقول قومي قومي طردتني ادخل الغرفه واقوم اجري بقميصي
قصير والحمام اللي عند باب الشارع اندس وراه واسمع صوت امي تطرد خواتي تدخلهم غرفتهم
تقوول السباك حق الحمام بيدخل شوي طرد اخواني العيال الصغار وانا قافله بابي كأني نايمه
تتوقعون وش صار؟ اسمع خططوات ولا خطوات بالثوب صوت ثوب يمشي بسرعه
طلعت رجولي ترررجف مو قادره اوقف من هول الصدمه وطلعت بسرعه اشووف بعيوني
الا على طلعتي إلا ذاك اللي يخبط بكتفي صرت اصااااااااااارخ وانعت امي بااسفل الشتايم
واقول لها عشان هالكلب رميتي ابوي ؟؟؟واسب فيهم واخواتي طلعوا على صريخي وصاروا يحذفونه
بالجزم ياااااااعالم ابوي ماله شهر وهي بعده وش اقل شي اسويه فيها غير اذبحها
وطلع الكلب اللي عندها ولد جارتنا حرمه كبيره تقيه مرريضه اطيب ماخلق ربي
خفت اقول لها تموووت ياعالم بعد مامات ابوي وجيت لاامي انفس عندها يوم ولدت
وربي كانها مربيه حيوان ماطالعت فيني وكنت قيصري وخربت عمليتي وجلست فوق الاربعين مريضه
وبكريه مااعرف شي ورب الكون ماطالعت بوجهي ولااكل ولاااي شي اول اسبوع وطنشتني بعدهاوماشالني ولايطالع فيني لاتعبت الا هالحرمه المسكينه
انا نسيت لها موضوعها طبعا مستحيل انساه بس سكت قلت تربي الايتام هالصغار من بيشيلهم
لو سويت لها شي كنت ببلغ عنها لان وجودها مثل عدمه,,,
طبعا الحاصل الآن …تعاملهم معاملة مرت الاب
يقعدون بالايام بدون اكل , قافله بابها عليها 24 ساعه تطلع وي وترجع تنزوي بغرفتها
اخوي بالروضه تصحيه الصبح يجي مسكين البيت كله نايم يجلس لحاله ولا عند الجيران
عند كلبها اللي تعرفه على عين امه المسكينه.,,وكان ودي اقول لاامه بس خاايفه تموت ياكثر امراضها ومالها ذنب بوصخ ولدها مثل حنا مالنا ذنب بوصخ امنا
يدق التلفون واحد يطلبني باسمي ولابدلع اسمي بعد بالاخير اكتشفت انه نفس هالشخص
يبي يوصلي انا بالذات عشان يفضحها عندي تدرون بوشو والكلام ماله اسبوع
طبعا كنت اقفل الخط ومدري منهو اللي يدق, لين مره دق قال انا فلان ابيك بموضوع ضروري
صراحه هم محترمين وماعمرنا شفنا منهم العيبه ولاعمر واحد فيهم تطاول عليناا
بس عارفه ان البلا بأمي مو فيهم ..قلت له خيرررررررررر؟ قالي ترا امك انا احبها ووو الخ
قلت يعني وش اوي لكم قالي هي تخوني مع اخوي ضضضضضضضضضحكت من قهري
وكانت ضحكت صراااخ بداخلي قلت له ماصانت زوجها تبيها تصونك انت ياللي ماتسوى؟
قالي والله ادري ان ابوك طيب مافي مثله وكان يعطيني فلوس لو اطلب منه200 عطاني 500
ولايجيب لي طاريها(هذا هو ابوي فديته وياكثر اللي قالوا كذا بعد موته الله يرحمك يارب ويعوض صبرك على امي البلا خير يارب)
قلت وليته فاد فيك الطيب و طيب لاتكثر هرج ولاعاد تدق ولا والله لااجي لاامك واكب عندها العشا واللي يصير يصير
قهرتني هرررجته ومره الصباح كنت طالعه رايحه اشتري فطور لااخواني من محل قدام البيت
وعلى طلعتي الا هو صاحي من النوم وشكله مبعثر وباين معصب قالي امك بالبيت؟؟
قلت نعمممم خيرررر؟؟ احترم نفسك مابقى الا تجي وتجلس وتسولف معاي قالي على فكره
امك مع اخوي امي طلعت الصبح قالت عندها موعد بالمستشفى هنا كانه عطاني كف
قلت له اجل انتظرهم لين يجوون ودخلت البيت بعد ساعتين نسمع صياح وصراخ هو واخوه
تشابكوا وبغوا يذبحوا بعض وامهم طلعت مثل المجنونه ويقذفونها ويسبونها مسكينه عادي
وهذا يبي اخوه يدخل والثاني رافض يدخل ينتظر امي ناوي يشرشحها وهذا يدافع بشراسه
عشان يحميها مسوين روميو وجولييت الله يمحيهم كلهم عن وجه الارض

خلاص يكفي هالقدر من القصه وعطيتكم فكره وش هي امي وهذا يكفي عشان لاتلوموني باي كلمه
اقولها ولادعوه
وش الحل برايكم فكرت ابلغ قلت سمعت خواني طيب حق ابوي اللي ضيعناه وحقنا اللي قاعده
تشوهه بسمعته وسمعتنا وش اسوي ياعالم شوروا علي اخاف اذبحها لافاض فيني
حتى اخوي الصغير ترسله ويعرف كل شي يوم حشرته اخوفه اعترف بكل شي
هي بالله بزررررر اسوي هالاشياء قدامه ؟؟ تربي لنا ديوث بالبيت؟؟؟
ياااااااااااااابشرررررر اي حل تشرون علي فيه قبل لااتهور واخربها لان مالي صبر
حتى بيت ابوي تطردني منه اقول لها انتي الطالعه وهذا بيتنا وبحلال ابونا وبفلوسه محد
يقدر يقول لنا اطلعوا غيرررره تخليني اكرهها اكثررررر ماتبي تشوف وجهي عشان تاخذ حريتها
آآآه ياعالم قلبي ينزف كل يوم مااعرف وش معنى امومه ورب الكون امي وابوي واختي وصديقتي
مات الله يرحمه كان لي كل شي كان وهو مريض ومايشوفني اكلت يجيني وهو بحاله زفت
يطبخ لنا وياكلنا آآآآآآآآآآآآه ياااااااااااعالم خلاص مافيني حيل وربي
والله يسعدكم ماني متحمله وحده تجي تقسى علي بالكلام لشخصي انا ترا ماني نااقصه
وهذاموضوعي بين يديكم وانتظر منكم حلول تحط كل شي بمكانه الصحيح بدون تهور
وافكار تهدم جات براسي