عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سامحونى ما سأقوله سيؤلم الجميع
ولكن لا بد من ذلك
فالدواء دائما طعمه مر
ولى سؤال قبل أن أبدأ بالموضوع
ماذا تفعل الدول العربيه بكل كم السلاح الرهيب الذى تكتنزه وتخزنه عندها حتى علاه الصدأ؟؟
معلومه قابلتها:
الشرق الاوسط أكثر منطقه فى العالم شراءً للسلاح
ومره أخرى سامحونى
واحد اتنين .. الجيش العربى فين
واحد اتنين .. الجيش العربى فين
واحد اتنين .. الجيش العربى فين
الجيش العربى فين .. الجيش العربى فين
الجيش العربى فين؟؟!!!
الجيش العربى فى مصر
ساكن فى مدينة نصر
يصحى من النوم العصر
و بياكل شاى و منين
واحد اتنين
الجيش العربى فين
الجيش العربى فى سوريا
حالق ع الموضة كابوريا
و على طريقة فيكتوريا
خلى الترماى بدورين
واحد اتنين
الجيش العربى فين
الجيش العربى الليبى
زى الفن التكعيبى
كله بتنجان يا حبيبى
و الظاهر و اخد عين
واحد اتنين
الجيش العربى فين
الجيش العربى خليجى
لا فيه حيل يروح و لا ييجى
يقولك هذا صمت استراتيجى
ايش فيك يا غراب البين
واحد اتنين
الجيش العربى فين
الجيش العربى فى تونس
أخضر مثل البقدونس
و عزيزة بتعشق يونس
تبقى الحُرُبات بعدين
واحد اتنين
الجيش العربى فين
الجيش العربو سودانى
سامع خطوته بودانى
عاوزنى أهجم فردانى؟!!
يالله اجرى يابو حسين
واحد اتنين
الجيش العربى فين
واحد اتنين ….الجيش العربى فين ؟
الجيش العربى اتهان يوم ما انضربوا الأفغان
وسكت فى البوسنة زمان وقِبِل ياكل بالدِّين
واحد اتنين الجيش العربى فين ؟ الجيش العربى فين ؟
النص الشعرى من كلمات الشاعر المصرى محمد بهجت
—————————————————–
