عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
الحــــب ذروه كل شـــيء ومنتهاه ..
وماأحلى من وضــوحه إلا مكايـده
ارحب فيكم جميعا اولا ..
وطبعا المكتوب مبين من عنوانه ..
بهالموضوع حبيت نتكلم عن الحـــــب
واللي خلاني اكتب عنه ..
موضوع لوحده من البنات مايحضرني اسمها كان عن اكثر المواضيع اللي يحبون البنات يطلعون عليها (( كان موضوع مرره حلوو الف شكر لكاتبته))
المهم لفت نظري ان كثير من البنات كان ” الحـــــــــب ” من اهم المواضيع اللي تقرا عنها !!
طبعا انا هنا اتكلم عن الحب العذري الطاهر الشريف ..!!!
ماهو حب ” التيليفونات ” ومواعيد اخر الليل هذا على افترض أن فيه احد يعتبر هالـ ” انحطاط ” نوع من انواع “الحــــب”
اهم شي
قلت بما انو هالموضوع مهم عند الصبايا حلو لو تناقشنا فيه ..
لأنو معروف انو ” صعب ” جدا جدا جدا تلقين احد على استعداد يتكلم معك باريحه و ” صراحه ” عن هالموضوع الحساس ..
انا من وجه نظري المتواضعه ..
اشوف انه هم ووجع راس ..
خصوصا بمجتمعاتنا ..!!!
واشوف من الأفضل ان الواحد يتجنبه ..
لأنه ممكن يتعبك بعدين بحياتك …
خصوصا اني لاحظت اغلب المتزوجات يقارنون ” لاشعوريا ” بين ازواجهم والإنسان اللي كانت تحبه
مع ان الأغلبيه تكون علاقتها فيه (( حبيبها)) سطحيه !!
يعني تقارن بين حياتها مع زوجها
وحياه ” مثاليه ” من نتاج افكارها وخيالاتها
لان الحب حتى ولو ماكان بقمه ” عنفوانه ” وحتى لو ماكان ” اسطوري ” يترك اثار و جروح صعب تندمل ..!!
هذا عدا عن اني اشوف ان حب هالزمن مالك منه إلا الهم ووجع الراس لأن الحياه غير صارت ” اصعب ” ومتطالباتها ” اكثر ” !!
و بهالزمن ماحد بيضحي عشان احد ولا احد يعيش بذكرى احد !!
وبصراحه اكثر او بالـ ” مشرمحي ” على قوله اخونا السوريين
هالوقـــت مافيه ” رجــال ” او هم قله إن صح التعبير
وإذا لقيتي إنسان يستاهل كـ ” شخص ” تلقين مئه عقبه وعقبه بطريقك ..!!
…
وإذا لاحظتوا كل القصص اللي تعرفنا على الحب من خلالها كانت بالزمن ” الغابر” ..
” عنتر وعبله ” و ” مجنون ليلى ” و “نمر و وضحى ” حتى ” روميو وجولييت ” …
اما قصص اليوم فهي على شاكله ” بنات الرياض “
مو بس هذا اللي اختلف
لو جينا نشوف مجتمعنا الصغير او العائله ..
هذي اتوقع الاغلبيه تعرفها ومايحتاج و خليها بالقلب ” تجرح ” ولا تطلع لبرا و ” تفضح “
<<<< يحلفووون ان فيها عرق سووري:036:
احب اشددّ بقوه و ” عنف ” اني اتكلم عن الحب اللي مافي ” خدش للحياء ” او ” تفريط بثقه ” واهم شي مافيه مخالفه لديننا الحنيف ..
واستدل بحديث النبي صلى الله عليه وسلم بما معناه }لا ارى للمتحابين إلا الزواج{
والرسول صلى الله عليه وسلم هنا ما ” انكره “..
لأنه ” خارج ” عن اراده الشخص ولأنه ” وارد ” الحدوث ..
لكن فيه من يتمادى فيه ..
اويسعى له وإن اختلفت الوسائل من ” تليفون ” ” شات ” ” ماسنجر ” او حتى ” مسجات ” جوال!!
لأن هذا من تتبع خطوات الشيطان ..
وهنا اتدخل اراده الإنسان وتكون حاضره
طبعا ماعتقد اني غطيت الموضوع من كافه جوانبه لأن الحـــب له ” الف ” جانب وجانب
على غرار ” الف ” ليله وليله
لكني اشوف هالبيت اختصر جانب من هالجوانب
اللي يحب احد(ن) ماهو بمستواه
يبطي وعينه بالمــدامع جــــايده
ابي اشوف الحب من خلالكم ..
وابي اعرف نظرتكم له
هل تؤمنين بوجود الحب ؟
هل تعتبرين الحب كتجربه مثري للإنسان او بطريقه اخرى هل ترين الحب تجربه ” حلو ” الإنسان يمر بها ؟
مامدى موافقتك على مقوله ” مالحب إلا للحبيب الأولي” ؟
لأي مدى ترين تأثير الحب على الإنسان ؟ ولأي مدى ترين الإنسان قادر على تجاوز جروحه ؟
هل سبق ومريتي بهالتجربه او هل تمرين بها حاليا ؟
مامدى نجاح الزواج عن حب بنظرك ؟ وهل يختلف عن الزواج التقليدي ؟
هل من الممكن تتزوجين بشخص ” رغم العقبات ” لمجرد انه يحبك ؟
اخيرا .. اجمل بيت يصف الحب؟
اخــــــــــيرا وليس اخرا هذي مساحه حره تقدرين تعلقين فيها عن أي شي بخصوص هالموضوع او سؤال تحبي تستشيري البنات بخصوصه ..
