عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا فراشات
أخيرا بنت خالتي قررت تشترك في بازار
من زمان وأنا أزن عليها لأن حرام موهبتها تضيع ومااحد يستفيد منها خاصة الناس اللي يحبون يتميزون وخاصة اننا صرنا أي شي نلبسه أو أي شي نقدمه للضيوف نلقى كل الناس عندها مثله ….
لكن ابداعات بنت خالتي خيااااااااال لدرجة يوم ولدت أمها صياني التقديم هي اللي مسويتها وتغليف السكر
وحتى اذا كنا معزومين عند احد تلقينها متميزه باكسسواراتها ولما نسألها من وين تقول انا اللي مسويتها وتحاول تشرح لنا كيف نصلح زيها لكن لا حياة لمن تنادي … المبدع مبدع
عموما ما أطول عليكم هي مشتركه في بازار مركز الأمير سلمان .. أول ماتدخلين المركز الرئيسي تلقينها في الوجه على اليسار عندها مانيكان عليه عقود اللولو ….. وطاولتها رخام مثل طاولة مركز الصرح للسفر والسياحة ×(موجود هناك) وعلى فكره اسمها أسماء ومعها ثنتين مساعدينها
الأغراض اللي بتعرضها:
خواتم مناديل السفره – كاسات عليها رسم يجننننن أحلى من اللي بسيتي بلازا و أرخص – اكسسوارات تنلف على كاسات العصير – صياني بغطاء عليها زخرفة وكريستال ..
عقود لولو كبيره _أساور يد مختلفه بالجلد والشرايط والكريستال – خلخال مخمل بالكريستال – أساور لتعليق الجوال – تعليقات شنطه و جوال باللولو والكريستال .. وان شاء الله ما اكون نسيت شي لأن أغراضها كثيره
