عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات تكفون ابي رايكم بدون اي مقدمات نفسيتي ما تسمح وما لقيت غيركم افضفضله
انا متزوجه من خمس سنوات واحب زوجي واموت فيه مع ان عمره ما فرحني بهديه او كلمه حلوه بدون ما يكون يبي شي المهم انو قبل اسبوعين تقريبا تهاوشت انا وياه وقالي اني اخذتك حسنه فيكم وانتو عايله ماتعرف تربي احد وفيكم فيكم وسبنا وانو صدقه فيك اني متزوجك مع ان احنا من اكفاء العايلات مافينا شي بالعكس وهو يصير ولد عم ابوي انا انقهرت وما رديت عليه وما فكر يراضيني
ومر اسبوعين واليوم عاد نفس الكلام وقال اني ماخذك حسنه فيك وان ما عندك اي مؤهلات
والله يا بنات انا ميته قهر وما قدرت ارد عليه اخذت بنتي من غرفة النوم وطلعت نمت بالغرفه الثانيه وجلست ابكي واناظر وجهي بالمرايه والله يا بنات انا جميله والكل يقوله بس مدري وشفيه تغير وصار يقول لي هالكلام
مع انو يقول انو يحبني بس انا خلاص ما صرت اصدقه وحسيت اني انخدعت فيه وابي اتطلق ولو رحت زعلت ببيت اهلي ابو عصبي وما راح يرجعني لو اموت والله مقهوره وش اسوي تكفون يا بنلات والله ما لي غيركم انجدوني
