عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
بعد محاولات واضرب واطرح بخصوص التسجيل بالمنتدى سجلنا على خير ويارب نرسي على بر
كل ماسجل يتكنسل عذبنا الياهو ➡
العذاب موب بالياهو العذاب اللي راح تقرونه اخواتي بين سطور قصتي
اولا انا من المتابعات لكم بهذا القسم واحبه موووت.. لكن الموت بقصتي 
ثانيآآاخواتي من تجيد النصيحه فحياها ربي انا اختكم وماجيت اشكي الا لكم
لاني بعرف الحكمه والرشد بردودكم .. من لاتجيد الحوار ولا النصيحه من غير تجريح فالتلتزم الصمت..
اكتب لكم قصتي بتفاصيلها وكلي اسى وندم وحرقه على مافعلته..
انا بكتب لكم لاني ضايقه فيني ومن زمان ودي افضفض لكم لكن ماكنت اعرف اسجل هنا
اليوم بالصدفه ضبط معي …
لكن خلوني من كل هذي الامور .. بدخل بصلب الموضوع .. لاني لا اجيد المقدمااات
بنات انا بنت عمري 27 سنه تقريبا كان اخر همي الحب وخرابيطه
كنت قويه شخصيه وعنيده بشكل ماتتصورونه ..
قريت قصه مشابهه لقصتي هنا لكن ضيعت محتواهااا..
دخلت عالم الانترنت عام 2008 بديتها بشات وبعده اهتميت بالمنتديات وتركت الشات
دخلت منتدى ليتني مادخلته كنت مهووسه لعب قميزر وقتي كله فيها كان عضو معنا بالموقع قالي تلعبين قميزر قلت ايه قال نلعب قيم قلت اوك < الشيطان 😐
المهم بنات صار شغلنا الشاغل القميزر بعد شهور من اللعب طلب ايميلي رفضت بقوه
وقلت له من البدايه حركات الحب وخرابيطه لاتطريها قدامي.. لكن بعد فتره اعطاني ايميل قال هذا ايميل لك خاص سويته لك مادام موب معطيتني ايميلك قلت خلاص لاني وقتها ملّت له
المهم دخلنا بالمسن لكن مادخله كثير يعني ماخليت كل وقتي معه مسن بيدخل قميزر اول شي
واذا له شي بالمسن يقولي .. جلسنا مع بعض اوقات كثيره .. بيوم من الايام اعترف بحبه لي ومادري ايش.. كان وقتها هو مؤدب معي واخلاق انا سويت نفسي الثقيله لما قال احبك قلت له حبتك العافيه
بعد فتره اذا طول بالغياب اعتب عليه وازعل مره قالي ليه تعاتبيني دامك ماتحبيني بلحظه قلت له انا عزيتك.. يابنات مابي اطول بتفاصيل الموضوع لكن قد ماقدر اكتب قصتي ..
المهم اجتمعنا ونزعل ونتراضى وعلى الموال ذا بنات فجاءه قعد يسوي حركات مش ولابد معي
انا كنت البنت الثقيله الناصحه له لكن فججاءه ماقلبت لبنت غراميه مجنونه هبلا سموني زي ماتحبون
لكن من جد طلعت سخييييفه مره قعدت اسايره يابنات وحبيته من قلب قلبي وكنت ازعل عليه واعاتبه ويراضيني ودايم اقول خلاص برتكك والله يابنات انه يبكي لما يقولي احبك يقول افهي اني احبك
لكن تعمقت علاقتنا لشي اكبر حسبي الله ونعم الوكيل ➡
انتم اعرف بالحال ماكان 2 الا الشيطان ثالثهم.. كان يرسل صور واشياء مقززه وكنت اقوله اتقرف من الاشياء هذي مابي اتعمق اكثر لانكم اكيد عرفتو عن ايش اتكلم..
لكن بالنهايه انا بعرفه وهو بيعرف اهلي وقال بخطبك لان مافكر بغيرك.. لان من جد مستحقره نفسي على اشياء سويتها ورب الكعبه من غير شعور صدق من قال الحب بيذل ..
وربي يالغااااااااااااليات اني ابكي الف مره على حالي وانا بصلي واقرا قران لكن مو مداومه ولا هايته وقتها واذكاري بقرا اللي يحضر على لساني وربي اعلم بحالي .. انا قصتي اكثر من كذا لكن اكتفي بهذا القدر لاني مو قادره اكتب اكثر …
ودي اكتب قصتي بحذافيرها لكن انا ضايقه مستحيل اكملها او اجمع افكاري
ابي اخوات لي ناصحااااااااااات يحبون لي الخير انا ياما تبت لربي لكن ارجع لهذا الشي
مابي اذكر كمان محاسني لان اشوف اغلاطي تغطي على محاسني كوني بالبيت الكبيره الناصحه اللي الكل يشاورها ويسمع رايها بكل شي اتذكر حاااالي ابكي مليون مره ولا احد داري ايش وضعي
بفكر بيني وبين نفسي اقول هذي العاقل اللي الكل يشاورها وياخذ برايها تلعب من ورا اهلها بتصرفات توصل للشرف تسوي الغلط من وراهم .. والمصيبه احس ايماني ضعيف بالله ولا اخشع بالصلاه دايم تفكيري فيه انفث في صلاتي مانام الا انا على وضوء اطلب الله يفرج همي ويبعد هذا البلاء .. استغفر الله كثيررر اقول يااارب اذا هذا الشخص خير لي فقربه لي واذا كان فيه شي فابعده عن حياااتي ..
بنات انا في هم لايعلم فيه الا الله مخنوووووقه بشكل ماتتخيلوووه ابي غاليات مثلكم وشرواكم يساعدوني على ترك المعاااصي انا ماعندي صاحبات ابد ولا اطلع ولا اروح ولا اجي احس بعزله عن العالم لكن النت دمرررررررررني ابحث عن المغريات والاهواء فيه .. واحس بنفسي الخير لكن الشيطان يغويني ويبعدني عن الخير .. كل طرق شقيته وربي بمنكر من محادثات من مكالمات من ومن .. وادعي ربي يستر علي احيانا اقول جهازي مخترق اكيد صوروني واكيد بينشرونها… فبستر على نفسي لعل ربي يستر علي بالدنيا والاخره .. انا افكر لما يجي يخطبني ارفضه لاني بخاف بعدين يشك فيني هو يقول كثير ناس تزوجت عن طريق التعارف من الانترنت وربي احس نفسي ممممممممذلوله
بنااااااات قصتي اعمق من كذا بكثير لكن حبيت اوضح لكن بعض المضمون لمسااااااعدتي انا هنا انتظركم
ويااااااااارب معرفي مايطير زي كل مره …
بنات لو ماقدرت ادخل بمعرفي هذا راح اسجل بثاني وثالث ورابع لين تساعدوووني
وربي محتاااااااجه لكم
بانتظااااااااار كل وحده تخاف على اختها من الحررررررررررررام
