عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اول شي انا اول مرة بحياتي اسجل بمنتدى واشارك بس حاسه بالي يعانون من هالمشكله وايد والوصفات وايد ماندري شنو الزين وشنو الشين :
اقسم بالله العلي العظيم والله على ماقول شهيدا انا من يوم عمري 15 سنه والحين عمري 25 سنه وانا اقرا عن الخلطات والكريمات وتخيلو ماكو شي ماجربته حتى كريمات من فرنسا وتايلند جبت وقبل لا اشتري اي كريم اقرا عنه حتى كريمات الخلطات اقرا عن كريم كريم فيهم وانا وحده مغامره سواء خلطات كيميائية كرتزون وزئبق وهالسوالف او طبيعيه المهم من اول يوم حفيت فيه بحياتي مكان الحف يتحسس ويقب حبوب وبلاوي وصلت لمرحله اخاف احف واقعد 6 او 7 شهور ماحف ويوم توظفت رحت عيادات للراس وقلت خلاص بطق ليزر جسمي كله بس كان هم يطلع بس اخف من الحلاوة والخيط وليزر الجسم كامل يكسر الظهر غالي المهم كل تجاربي كانت تخفف من هالحبوب او يكون حل مؤقت ماكو حل يعالج هالمشكله خير شر
قريت قبل جم سنه عن حبوب مضاد حيوي يقتل البكتيريا الي داخل الجسم المسببه للحبوب واكيد اغلبكم تعرفونهم اسمهم دايلاسين بس ولا احد قال ناكلهم كانو يقولون استخدامها بوصفات ثانية نكسرهم ونذوبعم ومادري شنو وانا بقرة اشتريه من سنين اسوي وصفاتهم وخرطي
وفي كريم هم للحبوب بس كنت استخدمه بعد ما تطلع الحبة المهم
صدفه على يوم جتنا حفافه للبيت قلت يالله خل احف لان عندي مناسبة قريبة والله يعافي المكياج وطبقات الفونديشن الجسم كامل هههههههههه
بعد الحف مباشرة غسلت جسمي وقلت خل احط الكريم مكان الحف واكل حبة دام هذا مضاد ولو اني فاقده الامل بس شي احسن من لاشي
واستمريت 3 ايام اكل حبة قبل النوم واحط الكريم وانام
انا بنفسي انصعقت من النتيجه ماطلعتلي حتى نفرة صغيرة ولا شي نهائيا والملمس ناعم وبعدين قلت بستمر دام جذي النتيجه واو وخلصت الحبوب والكريم استعملته شهرين ووقفت حتى احطه للاماكن الحساسة ووجهي عادي بس لا تتعرض اي منطقة تحطين الكريم فيها للشمس او الليت بس فتره ماتحطين الكريم ومن يوم وقفته قبل 4 شهور للحين ولا حبة ولا شي حتى يوم حفيت قبل جم يوم ماحطيت شي والحمدلله كل شي صافي لا نفر ولا حبوب
ورب البيت قسما بالله كل حرف قلته لازودت ولا نقصت وهذي اول مرة بحياتي اكتب شي بمنتدى بحياتي ماكتبت شي بس قلت افيدكم ادري الكثير يعاني هالمعاناه
اسم الحبوب (Dalacin 300)
الكريم (Benzac AC 2.5)
الي تبي صورهم تدخل قوقل وتكتب اسمهم وتشوف صورهم لان ماعرف شلون احط ههههههههه
المهم ادعولي بالدعوه الصالحه والي عندها سؤال انا حاضرة
