عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ياأحلى فراشات
ومبارك عليكم مابقى من الشهر
.
.
.
.
.
.
بنااااات بدخل في الموضوع بسررعه بدون مقدمات
أنا عانيت من الحبوب وآثارها من أيام المراهقه وسببت لي أزمه نفسييه خصوصا لمن تروح الحبوب ويبقى أثرها هالشي يجنني على مايروح الأثر أحيانا أقعد بالشهور على مايختفي أثر الحبه ..وجربت أقنعه كثييييييره وزيت زيتون وزيت اللوز المر وكل ماسمعت بشي كويس للحبوب وأثارها رحت حطيته بوجهي إلين جلست فتره كارهه فيها أي شي ينحط في الوجه .. وجا يوم قريت عن السدر وإنه يفتح البشره ويشيل الآثار واللذي منو قلت يابنت ماصارت على السدر وهو متوفر عندك بالهبل ليش ماتجربين …
والله العظيم يابنااات إنه مفعوله يبان معااك يمكن من ثالث أو رابع استخداام لاحظت أول شي نضاره في بشرتي ماشاء الله ماكنت أتوقعها خصوصا إن بشرتي دهنيه وتعرفون البشره الدهنيه والشحوب اللي يكون فيها .. ثاني الشي الحبوب يابناااااات راااااحت ولله الحمد بعد أسبوع من الإستخدام وآثارها بدت تختفي مره بعد مررره والله يابناااااات الحمدلله فرحاااااااااااانه إني لقيت شي شال هالحبوب الكريهه
ماأطول عليكم << كل هذا وماطولت ❗
القناع سهل ومتوفر ومرررررررره مريح بالإستخدام
ملعقه صغيره سدر أصلي مطحون
ملعقه صغيره حليب بودرة
وملعقه صغيره شوفان مطحون
بـــــــــــــس
حطيها في بياله أو صحن صغير واعجنيها بمويه دافيه وعلى طول وزعيها على وجهك ورقبتك
اجلسي حوالي نص ساعه ولو تزيدي شويه مو مشكله وبعدها غسلي وجهك بمويه دافيه برقه ونعومه لأنو السدر إذا نشف يمسك شوي في البشره ويبغى له فرك خفيف ويروح ..
بعدين نشفي وجهك ورشي عليه مويه ورد لو عندك أو مغلي البابونج أنا مسويه في بخاخ صغير وحاطته في الثلاجه اول مااخلص من القناع أرش على وجهي .. وياسلالالام على الإنتعااش اللي راح تحسيه ..
بنااااات لايفوتكم هالقناع عن تجربه رووووعه جربوه قبل العيد بدون تردد ..
في انتظار تجاربكم وأي إستفسار حاضره من عيوني لأحلى فراشات 😛
