الحمد لله رجعت مها لأهلها سالمة…طيب وبعدين؟؟؟؟

السلام عليكم ورحمة الله وبركاته

اولا الحمد لله على رجوع الطفلة مها الى اهلها سالمة


اختطاف مها من قبل خادمة اندونيسية هزت الشارع السعودي في الايام الماضية


واطمأنينا على رجوعها والحمد لله


طيب وبعدين ؟؟


سؤالي بصراحه فسروه على اي شكل تحبونه بصراحه انا مقهورة طيب وبعدين هل راح نتعظ من الحادثة وننتبه لأبنائنا من الخدم وخصوصا الاندونيسيات اللي مافي بيت سعودي وخليجي الا وغزوه


هل راح نحافظ على الامانه اللي في اعناقنا ونربيها ونتقي الله في فلذات اكبادنا ولا راح نرجع بعد ماتبرد السالفة ونرميهم مرة ثانية لل (الأندونيسية)


بصراحه انا ماكنت ناوية اتكلم عن الموضوع بتاتا ابدا من يأسي اني راح القى لموضوعى صدى ولو بسيط


تدرون ليش لسبب بسيط لأن ( السعودية ) ماتقدر تعيش من غير (اندونيسية) صارت بنت الاحرار الاصيلة مطية سهلة للعجمية تاخذ منها ماتحب وهي تضحك لا وتثني عليها ياحسافة يابنات السعودية كنت أظن انكم اقوى من كذا


ليه ؟؟ الله أعلم في اللي تقول بيتي كبير ومااقدر اشتغل وفي اللي تقول الأندونيسية نظيفة وفي اللي تقول وفي اللي تقول وفي اللي تقول الخ الخ الخ


طيب والحل


نظافة بيتي أهم ولا اولادي؟


راحتي من شغل البيت أهم ولا مشاركة الاندونيسية لي في زوجي ؟؟


منظري قدام الناس أهم ولا السحر اللي تحطه لي ولعائلتي؟؟


بصراحه من كثر ماأنا متضايقة ماادري ويش اكتب حاسه ان الموضوع ماله داعي من اصله ينفتح عارفة آخرتها


الأندونيسية جالسه يعني جالسه مالي أمل >>>>>>>> على فكرة انا ماعلي منهن لاكن الموضوع صار خطير وبزيادة خلاص

زنى وسكتنا وقلبي يعورني على بناتنا اللي كل وحده مابقت من الزين شي وتجي اندونيسية تشاركها في زوجها حبيبها على ايش


وعشرات المواضيع تفتح لمعرفة سر الاندونيسيات وخرابيطهن وسر انجذاب الرجال لهم وصارت هاجس هالاندونيسية مع انها………… ولا تدرون ماراح اقول كل وحده عندها في بيتها مرايه تشوف نفسها

وسحر وسكتنا ونشوف كيف حال المملكة والخليج قبلهم وبعد غزوهم امراض نفسية وتفكك اسري وكل شوي سحر في المكان الفلاني وسحر في المكان العلاني


والمصيبة ان الكل عارف انهن ساحرات وراضي !!!!!!!


طيب اللحين الموضوع تعدى السحر والزنى والحسد والحقد الموضوع وصل للخطف والهروب من البيوت وغيره

طيب وبعدين ؟؟؟

متى راح ننتبه ونقرر


بناتنا في سن مراهقة ومن معها في البيت تعاشر وتخالط وتسولف وتتعلم منه اندونيسية؟؟؟


طيبة هالاندونيسية حبيبه تحب عيالي وبناتي وتسمع كلامي ونظيفة وانا بصراحه عيني عليها عشرة على عشرة انا وحده مفتحة ومنتبهة لبيتي ولزوجي ولعيالي ياخي هههههاي صدق


وين انتي رايحه تدرين وين رايحه محدره وادي الله يخلف على عقولنا من حريم


تدرون ماراح اكثر كلام لأني بديت اغلط وماراح اقول سامحوني


لا بالعكس ازعلوا مني


لأن كلمة الحق دايم تزعل

قبل لااكتب الموضوع فكرت انسقه وارغب البنات والفراشات واوعظهم لاكن قلت يابنت خلي العيش لخبازه بكره تجي وحده احسن منكي وتفتح الموضوع بأسلوب حلو ومنمق


لأننا في الاخير فراشات احساسنا مرهف ومانحب احد يغلط علينا

لاكن تدرون ويش خلاني اكتب الموضوع وعقلي مو قادر يستوعب انا ويش قاعده اكتب


لأني وانا اتصفح صحيفة الحياد قريت خبر عن الطفلة مها ومكتوب في نص الخبر تصريح الوالد ( والد مها )


يقول بالنص (كما أكد والد الطفلة أن ما حصل له خلال 42 ساعة كان درساً له ولكل رب أسرة، وأنه في الوقت الراهن من الاستحالة أن يلجأ للخادمة، لكنه لا يعلم ما الذي سيفعله إن أجبرته الظروف في المستقبل على إعادة التفكير في استقدام الخادمة)

ياالله ياربي للدرجة هاذي وصلنا مو قادرين نستغنى عن الاندونيسيات


اجل تدون ماالوم الاندونيسيات واشكالهم على استغلالنا بالعكس وضع طبيعي انهم كذا اذا رب الاسرة ماعنده مانع ولاقرار والام ماعندها مانع كل سعودي وسعودية عندهم ايزي يدخلون هالجنس بيتهم


يازين زمان وايام زمان يوم كانت بيوتنا لنا


نظيفة وطاهرة


اولادنا مع عيال عمهم وخالهم وبرائتهم


ايام ماكانت البنت مع بنات عمها وخالاتها


ايام ماكانت الجده والجد نور البيت وبركته


ايام ماكان الزوج ماله الا زوجته حبيبته


اللحين الاولاد مع الاندونيسية ياقدام الشاشات يافي الملاهي دايرين واكلهم وشربهم ونومهم على امهم الاندونيسية


اللحين البنت بدال ماتكون وسط بنات عمها لحمها ودمها صار الجلسة مع الاندونيسية في البيت اضمن قدام مهند ونور ولميس وخليل وكواريه وبلاوي وانترنت


اللحين صار الزوج اذا دخل انقسم نصين بين زوجته وبين الخادمة اللعوب اللي تشغله وتسحبه لجهتها (لو ماكنت قدام عينه مافكر يخونك)


اللحين صارت الجده والجد خدمتهم على الخادمة تسحب فيهم وهم ياالله حسن الخاتمة لا احد يدري عنهم ولايخدمهم لاحول ولاقوة الابالله

انا واهلي حتى زوجات اخواني (بدون تدخل مني) استبدلوا الخادمات الاندونيسيات بجنسيات ثانية انا عن نفسي جبت حبشية ويازينها ويازين كسلها جنب بلاوي هذيك المهم انها تكون امينة

ماادري كيف انهي الموضوع لاكن اتمنى اتمنى تنبهون لبيوتكم لأن احنا المجتمع لاتنتظرون من الجهات المسؤوله تمنع استقدامهم زي ماسوت الكويت الحبيبة


لا مادام في اقبال عليهم اجل ابشروا بعد كم سنة راح تكون السعودية غير السعودية ويالله السلامه


انتم قاطعوهم خافوا احرصوا على حلالكم وعلى ازواجكم وعلى عيالكم


انا عارفة ان في ناس مضطرين زي الموظفات والناس اللي بيوتهم كبيرة وعزايمهم كثيرة


لاكن أكيد في حل


عن dalia Rana

شاهد أيضاً

•·.·`¯°·.·• ( لا تصدقي عبارة أن الطيب لا يعيش في هذا الزمان) •·.·°¯`·.·•

..السلام عليكم ورحمه اللهـ ..كيفكم صبايا؟..ان شاء بصحه . و عآفيه.. / / / عيشي …