الحمل بعد الأجهاض مباشرة

بصوا بقي عايزة رأيكم و خبراتكم

انا أجهضت يوم 12/8 و عملت عملية تنضيف كنت حامل في شهر الحمد لله علي كل شيء
كان حمل ضعيف لدرجة ان الدم كان بينزل عليا بعد 5 أيام فقط من الأخصاب و عملت تحليل هرموني بالدم رقمي و طلعت حامل في الأسبوع التاني

المهم

ارحت للدكتور بعد أسبوعين أعمل سونار أطمن علي نفسي
قال كله تمام و الحمد لله:) و قلت له يكتب لي دوا عشان اصلا انا هرموناتي كانت مش متظبطة شوية
رفض تماما و قال ممكن يحصل حمل الشهر ده لما تنزل الدورة نبقي نتكلم

لحد كده تمام

هو حدد موعد نزول الدورة بعد أسبوعين يعني يوم السبت القادم ان شاء الله
انا بقي حاسة بدواااااااااااااااااار شديد
و كسل
و صدري كبيررررررررررررررررررررررررررررررر لدرجة اني اشتريت ملابس داخلية جديدة;)
و طبعا قربت أبيت في الحمام أعزكم الله 💡
بس
وجهي طلعت فيه حبوب زي الدورة
حاسة بجوع شديد زي الدورة بالظبط
ضهري بيوجعني جدااااااااااااااااااااا

الجديد بقي عليا تماما
توقف الافرازات تماما
أشعر بنغزات شديدة في المبايض كأنها نار

المشكلة بقي
أو السؤال

هل فعلا ممكن يحصل حمل بعد الأجهاض مباشرة؟
ولو حصل ده هيبقي حمل سليم و الا مهدد يعني لازم أعرف بدري عشان أخلي بالي؟

انا سايباها علي الله بس قلقانة من امكانية حدوث اجهاض اخر لو عرفت متأخر و انا بصراحة مش مستعدة نفسيا أمر بالتجربة دي تاني