عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عزيزتي ام باسل ….
انا شفت في منامي اليوم العصر اني نايمه في بيت اهلي القديم على سرير الوالد الله يرحمه وفي غرفته اللي كان ينام فيها …وانا لما قمت من نومي في الحلم لقيت حماتي وسلفي اللي هو اخو زوجي وسلفتي وبعض من بناتهم الصغار في بيت اهلي (مع العلم انو بيت اهلي مش سا كنين فيه الحين وكان اجار وسابوه وفي بلد غير البلد اللي انا فيه الحين )وحماتي كانت بتسالني وبتلمح الي في الكلام اني حامل وانها عرفت من حد تاني وانا استغربت من الكلام لاني في الحلم ما فحصت ولا اعملت اختبار حمل وصرت اقول حسبي الله ونعم الوكيل وان زعلانه كتير …فحكالي سلفي انو مو زوجي اللي حكالهم اني حامل …انا قلت الهم انو زوجي المفروض انو عمل اختبار بس ما حكالي نتيجتو وانا ما بعرف اني حامل ولا لا ..
وحسيتهم بيطلعو الي بنظرات استغراب ..لاني لسه ولدت جديد واني انا حاطه مانع(يعني باخد حبوب لمنع الحمل ) ..وكيف صار معي حمل ….
وانتهى حلمي لاني صحيت
انا في الحقيقه ام لولدين وبنت ..ولدت البنت قبل ثمان اشهر ..واهل زوجي بيعرفو اني با اخد حبوب منع الحمل بس انا بطلت اخدهم بس هم ما بيعرفو اني بطلت اخدهم …وانا دايما بين اولادي بعمل تنظيم كل اربع سنين برفع المانع ….والدي متوفى من ثمان سنوات …وهم كانو في بلد غير البلد اللي انا متزوجه فيها
انا اسفه طولت عليكي عزيزتي ام باسل بس حبيت اذكر التفاصيل علشان تساعدك ….
ومشكوره على مجهوك الجميل يا ام باسل في المنتدى ….تحياتي الك
