عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبـــآآ .. لكل الصبايا..
ابدخل بصلب الموضوع <<
طبعا كبنات بسن الزواج!”عدي القطار ودعسنا”! ولسى ماتزوجنا كفايه علينا نظرات الناس ولاتقولو تتخيلي
لانهم دائما يجو لعندي ويسألوني ليه ماتزوجتي .. والله العظيم ومااحلف كذب
اكثر من وحده سألتني وبكل وقاحه .. يعني بباله انتظر الحبيب يرجع من السفر << ويش تبي
المشكله اذا فيه حد عندك يجرحك وكأنه ذنبك لانك ماتزوجتي
يابنات ابوي اعز الناس قالي كلام عمري ماتوقعته يطلع منه
كان دائما طيب معي.. وكأنه زهق مني
جرحني بقووه عمري ماراح انسي كلامه .. والله ايام وانا ابكي
حرقه .. غصـــه بقلبي
ولو بيدي كنت تركت له البيت وريحته مني
حسسني اني حمل ثقيل ومو مصدق متي يتخلص منه
يمكنه قال للحين ماانخطبت يعني راح تجلس سنه زياده بعد
قالها صريحه .. صرت ابغضك مااطيقك ولو فيك خير كنتي تزوجتي
هذا من قعداتك طول الليل ع الكمبيوتر قال كلام كثير لمح اني قليلة ادب وغيره
تركته وانا امشي ابكي واررد الله يستر علي ويرزقني الزوج الصالح
قعد يصارخ ماخلي كلمه ماجرحني فيها
انا سكرت اذني بقوه ع شان مااسمعه
ماقدرت اتحمل ..وقعدت اردد الله ياخذني ,,الله ياخذني ويريحني منك
من بكرا كنت جالسه بالزاويه بعيده شوي قبل يجي ماكنت ابدا حابه اشوفه
وهو لانه مايطيق جلستي
امي فيه قال وش فيها هذي ,, يقصدني
قالت لا بس انت لازم كل ماجيت من برا تعصب عليها وتصارخ
قال تحمد ربه غيري يضرب بناته !!
قالت ماطول عمرك تضربهم قال يضربو وهم كبار بعد
قالي من قبل ماانتي بكفو تتزوجي ولا انتي راعية زواج من غير سبب
بس مريت من عنده وكان معصب يدور علي حاجه ولا لقاها وانا مالقيتها وكنت رايحه
وانا والله محترمه كثير وهو يعرف عمره ماشاف مني اي غلطه
يمكن لو اغلط يقتلني
والكمبيوتر مااشغله الابعد صلاة العشاء ومااطول عليه
وبقية الوقت اقرا كتاب احوس بغرفتي .. يعني شسوي بعمري اسلي نفسي امضي الوقت
كنت اقول يبي اقعد معه لكن كذا مره يعصب مني اذا مريت من عنده
حتي امي قالت انه يتضايق اذا شافك رايحه جايه من عنده اذا عندك شغل بالمطبخ خلصيه قبل
وصرت بعد صلاة العشاء او اذا سمعته جاى ادخل غرفتي ومااطلع الا ع 11ونص او 12
مااطلع الا لدورة المياه (وانتو بكرامه) وبعد اتسحب ع شان مايحس فيني
حتي اني مو متطلبه كثير.. ودائما بالبيت طلعاتي معدوده
تمر اشهر مااطلع .. العطله اللي راحت شهرين متواصلين ماطلعت من البيت ,, ولاحتي اشتكيت
وانا ضايق خلقي وحسيت اني راح انفجر
غير همي من جسمي
فيني أثار حروق من فترة صارت لي بمناطق كبيره بجسمي ولما قلته ياخذني للجلديه مارضي
قال انا ابقعد طول عمري اخدمك
ولا اهتميت لهذا .. زعلت بس قلت بكيفه
لكن انه يجرحني ويعايرني ليه ماتزوجت.. يعني انا كثير حابه اقعيد بالبيت
ليه يقول كذا حتي لو عصب ماله حق يجرحني
ومن فتره قالي انتي فاشله بالحرف الواحد وماازيد عليه
يقول اي شئ تسويه تفشلي فيه
والله كل اللي يعرفوني يحبووني كثير ويمدحو بأخلاقي
حتي وحده قالت لي ياليتك بنتي .. بحلف
انا مجرووحه كثير .. ابكي طوول الوقت مدري كيف افكر او ايش اسوي
اذا ابوي قالي هالكلام كيف الوم الغريب
ماكان كذا كان حنوون .. صاير يجرحني كثير
كل ماقعدت معه او طلعت مشوار لازم يقول كم كلمه
هذي لازم تضحككم وانا اكتبها والله وانا ابكي
من اسبوع طلعنا للسوق كلها ساعتين ولما جينا نرجع للبيت
كان فيه غبار وعواصف وشوية مطر
قلنا خلينا بالسوق لين يهداء الجو مارضي الا تطلعو انا برا واقف
والمشكله انه واقف بعيد شوي عن البوابه
تخيلو الجو كيف كان ماصدقنا وصلنا السياره لما ركبنا بهدلنا وصارخ علينا بشكل مو طبيعي
وقالي هذا ذنوب منك انتي.. من عمايلك بالسوق !!
ولما خلص صراخ قال انزلو ماراح نمشي الا اذا هداء الجو
ونزلنا مره ثانيه بالغبره ماتتخيلو كيف كانت عباتي وشكلي لما دخلت عالمول
شكلي وبهدلتي مايعبر عن اللي جواتي
لو تشوفو بالسوق وهو معنا كيف يصارخ علي قدام الناس خاصة عند الرجال وكأنه يبي يهيني
يعني قصده اذا كنت اتكشخ لهم او ارز نفسي عندهم
لانه مره قالها كنت واقفه مع البايع كنت مع امي
وجاء لعني يقول الله يلعنك والله انك قليلة حيا ياحبكم للرجال!! ويتمتم بأشياء
وكل اللي حولي يسمعو ويطالعو يحسبوني مسويه شئ حتي بياعين المحل بعدو
واللي كان واقف يعطيني الكريم راح بسرعه بعد.,, طيب ليه تفضحني كذا
انا كثيير اتألم مجرووحه من كلامه دائما وحركاته وتلميحاته
قلبي يوجعني فيني ضيقه,,
ما احس الا وانا متنهده بقووه وانا امشي وانا اطبخ من دون مااحس
صرت مهمومه طول الوقت .. لو بيدي ماكنت اهتميت واحتسبت وصبرت لكنه يذكرني كل مانسيت
حتي الضحكه حرمت حالي منها ..اضحك ثانيه واتذكر الموضوع وبسرعه يكون مكان الضحكه دمعه
وافكر ليه اضحك مااستحق اني ابتسم حتي..
استغفر الله العظيم ..
اعوذ بالله من الشيطان الرجيم “
{وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ }
مسامحته والله يسامحه..
ياآآآرب سخر لي من وليته امري ,,
ياآآآرب سخر لي من وليته امري
ياآآآرب سخر لي من وليته امري
اللهم اشفني ممافيني وأعني وبدل حزني فرحا
اللهم اشفني ممافيني وأعني وبدل حزني فرحا
اللهم اشفني ممافيني وأعني وبدل حزني فرحا
اللهم اني أسألك بأسمك الأعظم الذي إذا سالك به احد اجبته واذا أستغاثك به
احد اغثته وأذا أستنصرك به احد أستنصرته ان زوجني يا رب يا رب يارب يا أرحم
الراحمين يا أرحم الراحمين يا أرحم الراحمين يا ذا الجلال والإكرام يا ذا
الجلال والإكرام يا ذا الجلال والإكرام اللهم اني اسالك بدعاء ذي النون يوم
دعاك في ظلمات ثلاث، ظلمة الليل وظلمة البحر وظلمة بطن الحوت فاستجبت له
وأنجيته لا إله إلا أنت أني كنت من الظالمين , لا إله إلا أنت أني كنت من
الظالمين , لا إله إلا أنت أني كنت من الظالمين اللهم وارزقني الزوج الذي
يخافك ولا يعذبني برحمتك يا ارحم الراحمين”
اللهم ارزقني الزوج الصالح الهيــن اللين اللي يسعدني ويهنيني ويفرح قلبي في القريب العالج
ياحليــم ياعليم..
اللهم وارزق جميع بنات المسلمين الزوج الصالح اللهم آمين..
.. دعواتكم ..
