الخادمات المجرمـات

بدش بالموضوع على طول وانا كلي حزن

الخادمات وما ادراكم ما الخادمــات

بعطيكم هالسالفة مهب منقولـه الا والله عشناها بمرارة قلب مع بنت خالــي المسكينة اليتيمة
عندهم خادمـة سيرلانكيه تتظاهر بالصلاح
واثرها مهبله بأهل البيــت

تسحرهم بمصحف دايم تشيله تهينه عشان تحضر الشياطين (عياذا بالله )
القصة

البيت يسكنه بنت خالي وزوجها وام زوجها

كانوا في عيشة حلوة بالمرة

ومستانسين والحمدللـه

جابت بنت حلوة بنت خالـي
وكانت مشغولـة بالتحفيظ وبالجامعة
وام الزوج مشغوله برضوا بالتحفيظ وبيتهم ماشاء الله بيت ديـن وطاعة
المهم جابوا لهم خادمة سيرلانكية وليتهم ماجابو
البنت بعد 6 شهور بدت تتغير أحوالها بنت خالي صارت ما احد يكلمها تركت التحفيظ والجامعة وكانت حامـــل وصارت ماتبي زوجها ولا أمـه حسبي الله وكفى
المهم طلعت لهم مشكلة حديقة البيت يسقونها وهي كل يوم تجف تطور الوضع حتى تفاجأت بنت خالي بريحه كريهه في البيت , وفي يوم من الأيام صارت بالبيت كاره الحمدلله نجت منها بنت خالي كانت غرفتها فوق بالدور الثاني شمت ريحة حريق وبالفعل فتحت باب الغرفة الا البيت كله دخان يشب حريـقة على طول دخلت الحمام وسكرت على نفسها الباب وفتحت صنابير المويه صارت المويه تطلع بخار من الحرارة ومعها بنتها في يدها وهي حامل ياقلبي (حسبي الله وكفـى ) وتنادي مع دريشة الحمام طلعوني وتصيح وام زوجها تحاول تقنع الاطفاء يطلعونها يوم طلعوها وهم يقولون ياخالة لو فيه احد فهو ميت اصبري لين تخمد النار وهم خايفن الله لايبارك فيهم حتى دخل واحد شجاع الله يجزاه خيـر يارب .. ودخل وشالها هي وبنتها …انتهى الحريق ولا جاهم حروق والحمدلله والمنجي رب العالميـن وزينوا بيتهم والحالة تزداد سوء فسوء
المهم اقترحوا اقتراح وهو ان يقرون عليها عند شيخ وبالفعل يوم قروا عليها نطق اللي فيها قال البنت مسحوره واللي ساحرتها الخادمة حتى الجني (بسم الله علي وعليكم ) يسب الخادمة ويلعن فيها يقول الحقوده الحسودة تراها هي اللي شابه حريقه بالبيت (حسبي الله وكفى )المشكلة ما قروا عليها الا يوم سفروا الشغالة ,, وابشركم اللحين طابت والحمدلله وفكوا عقدها ويالله لك الشكر
نصيحه يابنات انتبهوا من الخادمات الشعر عقب التمشيط عقب الحمام الأظافر , الملابس الداخليه إذا فقدتوها ابحثوا عنها, الستاير , الخادمة هذي اللي سحرت بنت خالي والله العظيم الدولاب المكتبة كلها راشتها بموية مخلوطة (أجلكم الله !!!! الدم !!! ) ,, راقبوهن في غرفهن فتشوا ملابسهن , اقروا في الغرفة اللي تنوم فيها الخادمه , تحصنوا بالاذكار
كم فيه من بنت ما تزوجت بسبب السحر والعيـن , وكم بيت خرب بسبب السحر
وسبحان ربي يوم قال ( ولا يفلح الساحر حيث اتى )
كتبت هالقصة الحقيقية اللي صايره لأعز بنت عرفتها من طفولتي للعضة (وذكر فإن الذكرى تنفع المؤمنين )