الخدامه ومصيبتها في ولدي “ساعدوني”

السلام عليكم ورحمة الله وبركاته
انا مالي غير الله ثم انتوا ساعدوني
بدخل في الموضوع على طول
انا ولدي عمره 16 سنه يته مده بس تعبان وخملان وبس طايح في الفراش مايدري عن اللي حوليه
الخدامه طلعت ساحرته والسحر موجود في عيونها المهم الحمدالله فكينا السحر وسفرنا الخدامه تقريبا هذي سالفه قبل 5 شهور
قبل مده يت بيتنا نفس الخدامه اللي سفرناها انا خفت منها ومن ييتها زوجي لما طردهاا قالت انا يايه بقول لكم اني حامل في شهر 6 تقريبا انا توقعت من سايق
جان تقول لا من ولدكم انا ماتوقعت ولدي يسوي الحرام ولا مع هذي اللي عمرها فوق 40 جان تقول لا انا كنت اخدره واسوي معاه فعلتها الشينه
انا وزوجي ماصدقناها جان نوديها نسوي لها تحليل DNA ولاتطلع حامل من ولدي الحقيره
الحين شنو اسوي لان اللي في بطنها كبير ماينزل اصلا مارضى ينزل لان زوجي طقاها لما تاكد وثبت الطفل وماطاح وخايفين نقول للشرطه توقف معاها وتحط السبه على ولدي وانا ادري انه سوتها مو برضاه لان كان روح من غير جسد لما كان مريض
ياليت تساعدوني وتقولون لي شنو اسوي لان زوجي قايل لاتعلمين احد يقول فضيحه وانا وياه خايفين على ولدي لان ماقلنا له السالفه
سااعدوني وقولوا لي شنو يمكن اسوي انا وزوجي جزاكم الله خير