عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير على كل الفراشات
بصراحه مافكرت اكتب تجربتي هذي الا من مبدا حب لاخيك ماتحب لنفسك والشي الثاني اللي خلاني اكتب هوالدكتوره الله يوفقها ويسعدها دنيا واخره وحسيت انها تستاهل اني اقول فيها للكل كلمة حق
انا ياعزيزاتي توني والده لي شهرين ونص ثالث طفل طبعن انا من اهل الرياض ولما جيت اولد رحت عند اهلي بالشرقيه الخبر تحديدا عشان اولد عندهم يازعم ان شايفه مستشفيات الخبراحسن من الرياض<<اخلصي
لما وصلت التاسع رحت مستشفى المانع<<صارت تكره اسمه واخذت موعد مع دكتوره وقالت: فيكي التهاب قلت لها عالجيه قالت لامره وحده اولدي وبعدين نعالجه بعد الولاده 😆 idea: حمدلله والشكر فيه منطق يخلي التهاب مايتعالج وش هاالاهمال المهم قالت:تعالي بعد اسبوع انا رحت مافيني ولاده خلتني الين عديت التاسع اسبوعين رحت لها سوت لي كشف سريري قالت:لازم اولدك عطتني طلق صناعي وطلبت ابرة الظهر<<بالمناسبه ابي احب راس اللي اخترع ابرة الظهر
😆 🙂
مالكم بالطويله لما ولدت خيطتني قابله واقولها خيطيني كويس والله اعطيك اللي تبين وتخيط وتضحك المهم خلصت وقامت00 بعد اسبوع تعبت رحت مستوصف خاص قالت انتي خياطتك انفتحت استغربت مع اني ماامشي كثير ابدن لما رحت لنفس الدكتوره قلت لها مستعده تعيدين الخياط قالت لا مفيش((حسبي الله نعم الوكيل تراه على حساب التامين مو حكومي والاخلاق زفت))قالت مره وحد عدليه بعد الولاده الجايه المهم خليته لما طلعت من الاربعين زوجي ماعلق شكل الاوضاع ماتبشر بالخير 💡 رجعت لبيتي بالرياض وكنت مو مرتاحه حتى المنطقه عندي شكلها مو حلو مرره متوسع وضاق صدري ونويت اسوي التجميلي وحده من صديقاتي الله يسخر لها زوجها دلتني على دكتوره مصباح عبدالخالق بالحبيب قالت روحي لها وخذي رايها انا جيتها وشافتني قالت ماتحتاجين يعني انسانه ماتهمها الفلوس قد مصلحة المريضه المهم سمعت كلام صديقتي ورحت لها يابنات والله ام وكلمة ام قليله بحقها انسانه حنووووونه لابعد درجه ويعلم الله اني اقول هالكلام لانها تستاهله وربي رحت قالت لازم اشوفك والله يابنات يوم كشفت قالت حرام عليها مين اللي مخيطتك هذي ماعندها ذمه تخيلو يابنات شفتو فتحة المهبل الله يكرمكم مخيطه من داخل من النص يعني لو احط اصبعي من داخل احس بفتحتين جهتين مفتوحه 😐 يعني مشوهتني قلت وش الحل يادكتوره قالت لازم اسويلك ترميم لمنطقة العجان المفتوحه وافك الخياط وارجع اسويه من جديد وبالمره اسوي لك شي بيرضيك حرام يابنتي انتي صغيره 00
عطتني موعد وقالت تخدير كامل العمليه بخمس الاف وميه تنويم كامل رحت لابو الشباب وقلت له خياطتي مو عدله متعبتني ولازم الدكتوره تعيدها بتنويم كامل وقالت لي بالمره بنرضي زوجك << مابيه يحس اني مو مضبوطه هنا عاد ابو الشباب انتفخ وتحمس رحت موعد العمليه_العمليه والتنويم كلها يوم واحد_الساعه عشر الصباح خذوا تحاليل وجهزوني لغرفة العمليات جتني الله يوفقها ويسعدها قالت لي تطمني يابنتي راح اسويها بس تبين ضيق مره والا عادي قلت مو مره يالم عادي وجلست يابنات تقرا قران عند راسي ربع ساعه قبل لاادخل غرفة العمليات والله يابنات انها ريحتني من التوتر وهي تقرا على فكره قبل العمليه اعطتني رقم جوالها وقالت اذا تبين اي شي دقي علي او غيرتي رايك ماتبين العمليه دقي وبلغيني00
دخلت العمليه ونمت وماصحيت الا انا بغرفتي خلصتها صح كان فيه الم بس هي جت وهدتني وقالت خليتك بكر يابنتي وعطتني كريمات ومضاد للالتهاب وكريم موضعي وقالت تعالي بعد اسبوع امس رحت لها خلصت عشر ايام من العمليه طبعن كانت جايتني عقده ان الخياط ينفتح وطول هالفتر مسكر رجولي بس للامانه كنت امشي كثير لاني ببيتي وخفت ان الخياط انفتح رحت لها قالت حمدلله كل شي تمام افتحي رجولك ومارسي حياتك طبيعي وحطت لي تعقيم من داخل دخلت اصبعين من اصابعها يابنات والله بغيت امووت من كثر ماهو ضيق اقولها خلاص قالت يابنتي التئم وبعدين لازم تتحملين وش بتسوين اذا جاك ابو الشباب ❗
قلت لها متى الجماع قالت بعد اسبوعين بس انا راح اخليه لما اكمل شهر انا حمدت الله عالاقل رجعتلي الثقه لنفسي جلست اشكرها على اخلاقها قبل شغلها قالت يابنتي صعبه اشوفكم تتعذبون وتحصل لكم مشاكل مع ازواجكم دام الحل بيدينا لازم نسعدكم والله ان اخلاقها هي اللي خلتني اتكلم عنها وطيبة قلبها وحنانها اللي تحسينه من نظرت عينها لك وللامانه قالت لي اي حاجه او استشاره تبينها دقي علي بجوالي..
مااقول الا الله يفرج عنها كرب الدنيا والاخره مثل مافرجت عني ويسعدها ويوفقها ويبارك لها 00
على فكره يابنات سالتها قلت لها لو اتابع عندك حمل على خير بعد سنوات تسوينها لي قالت:اساسا هالعمليه اسويها انا لكل مريضاتي مع كل ولاده00
هذي تجربتي حبيت الكل يستفيد منها وبعد مااخلص شهر اقولكم الاخبار ادعوا لي ان الله يسخر زوجي ويصلح عيالي واي سؤال انا حاضره00
