الدكتورة غادة في البترجي حسبي الله عليها تجربتي معاها

السلام عليكم ..
صباحكمـ…/مسااءكم ..
نرجس وفل …
حبيباتي يارب تكون اخباركم كلكم تماااااااااااااااام
اليوم جايهـ…. انقلكم تجربتي بعد مافشلت فيها فشل ذريع والسبب دكتورة /غادة في البترجي
يابنات انتبهوا منها
والله العظيم اني صادقة في كل حرف اقولو
وحبيت احذركم منها
حكايتي تبدأ كالتاالي
اول ماتزوجت بشهرين نزلت مني الدورة لونها بني
رحتلها قالتلي هرمون الحليب مرتفع وكان ارتفاع خياااااااااااااااااااااااااااااااالي
المهم اعطتني حبوب وكانت جدا غااليه اللي تاخديها كل تلاته ايام
استمريت عليها اسبوعين وكل يوم اشرب بردقوش تلاته اكواب فاليوم
جيت بعد اسبوعين حللت لقيتو جدااااااااااااااااااااا طبيعي
فدا اول شئ شككني فيها مستحيل ينزل بدي السرعهـ وهو عنيد زي ما كلنا عاارفين
رحلتها كانت قالتلي انا خايفهـ من التبويض ودا الكلام بعد زواجي ب3 شهور
مع العلم اني قلتلها مابدي حمل اهم شئ صحتي تكون تمام
قالتلي البويضات صغيره عندك كان وقتها حجمها 17
اعطتني كلوميد وما ادراك ماكلوميد
اول شئ سواه سمنت سمنه غير طبيعيه زدت معاه 10 كيلو بالمحافظه الشديدة
وغير كدا يوم رحت وصورت
طلعت البويضات كبرت لدرجة صارت اكياس مائيهـ…
ودا تاني دليل تحولها لكيس معناها انو ماكانت اساسا صغيره الصغر اللي يحوج
المهم اعطتني حبوب تنزل الدورة عشان تنزل الاكياس
رحلتها بعدها قالتلي تمام نزلت الاكياس
يالله نشوف التكيس
قلتلها مابدي طبعا رفضت وقالت انو دا لمصلحتي
المهم قالتلي عندك تكيس فوق المبايض
استخدمي جلوكفاج
وخليته استعمله 4 شهور
فالاخير بابا يشتغل في مستشفي سال دكتور
قالو ماينفع استخدامو كتير لانو بعد مدة يعطل وظيفه البنكرياس وتتحول لمريضه سكر
ووقفتها وقتها
بعدها قالتلي اعطيكي حبوب منع حمل
هنا انا خلاااااااااااااااااااااص
كرهتها وقلتلها لا والف لا مايحوج مافيا شئ لدي الدرجة وحبوب منع الحمل لتنظيم الدورة
وانا يابنات دورتي باليووم ماشاء الله مايوم اختلفت
بعدها حلفت ما اروح لدكاتره ولو مهما يصير فيااااا
اقنعتني امي وام زوجي ورحت لدايه
طبعا الحرمه الجاهله الكبيره في السن
هززززززززززززززززئتني ليه اخد كلوميد وانا لسه عروسه
مرختني كم مره
بعدها الحمد لله رحت حللت وصورت كل شئ تمام البويضه حجمها 24 والهرمون مزبووط
دي حكاااااااايتي الاولي
التانيه وهي المهمه
امس كنت في مستشفي الولادة بازور واحدة
وبالصدفه لقيت استشاري نساء وولادة
اسمو نبيل يماني
دخلتلو بس بدي اسالو عن اللي فيا
لما حكيتو والله يابنات الدكتور كبير فالسن صار جالس قدامو حاطط يدو ع راسو
قالي دي لعبت فيكي وبهدلت هرموناتك
وجلس يسب فيا ويلووومني اني رحلتلها
وصدمني لما قالي غير انها طبيبه عامة
كمان بس معاها بكالوريس يعني حتى ماجستير لا
وجالسه تلعب فينا وفي فلوسنا
خليها تاخد كل شئ بس مو تسوي فينا كدا
ما اابغا ادعي عليها
بس حسبي الله عليها في اللي سوتو فيا الله لا يسامحها
والدكتور كان جدا متعاون ماعندي ملف طلب مني تحاليل وتصوير قالي اشوف
هيا ايش خبصت فيكي
وبعدين ابدا اعالجك
لمرحله تصورو كانت تقولي صوري حجم البويضه اليوم العاشر لما رحت مرة في دكتور خاصمني قالي مايصير تطلع مره صغيره ماصدقتو
امس بيقولي الدكتور نبيل انو لالازم اليوم 12 ولا حجمها مايبان ابدا هو ايش
وهرمون الحليب والتبويض كانت تاخدو في اي وقت
طلع لازم 2 يوم في الدورة ودا كلام الدكتور نبيل والدايه كمان
والله يابنات كل ما اتذكر ايش سوت فيا
لعبت فيني لعب
وهبلت فيا كل شوي تتطلعي بمرض جديد
لمرحله اني يسئت من الحمل اساسا وانا لسه دوبي متزوجة
انصحكم لو تعرفو احد يروحلها لايروووووووووووووووووووووووووووووووووووووووح
والله خوفي عليكم خلاني اكتبلكم دا الكلام
دحين باخرج اروح اسوي التحليل والتصوير ادعوووولي مايكون فيا شئ كمان غير اللي فيه