عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخباركم صبايا
خير الكلام ماقل ودل 😉
الزبده يابنات
انا لي سنين اعاني من سواد داكن في بعض مناطق جسمي بس انا ماني سمراء مايله للبياض
المهم جربت اشياء كثير وتعالجت بمستشفى خاص وراحت فلوسي على الفاضي
المهم قلت بتعالج بمستشفى حكومي بالرياض
ورحت لدكتوره جلديه وكشفت علي وصرفت لي 3 كريمات
الي هي خلطة الدكتور جابر القحطاني زي ماسمعت
الدوكين وافالون ورتن A
وخلطتها مع بعض وقالت استمري عليها شهرين
الي ابيه منكم يابنات من الي جربت الخلطه وكيف نتيجتها وكم المده الي قعدت عليها ووين جربتها باي منطقه بجسمها
كل واحد تقول تجربتها وبذمتها الكلام الي تقوله
وسؤال اخير عادي لو احطها على وجهي لانه فيه حبوب واثار حب الشباب اتمنى بحياتي اشوف بشرتي صافيه
والله يابنات اذا نفعت الخلطه معي وفتحتني اني لاكتب تجربتي هنا عشان تستفيدون
يلا همتكم وارفعو الموضوع رفع الله قدركم
انتظركم
