عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اليوم حابه اعرض عليكم مشكلتي والحل الي توصلت له بعد تفكير طويييييييييييييييييل وتعب نفسي
وابي منكم مناقشة هالحل معي هل هو صحيح او ممكن يضر صحتي او علاقتي الزوجيه
انا متزوجه من سنتين ونص واسوي لرجلي كل الي يبيه وما اقصر معه بشي وهو كمان ىيعاملني احسن بس المشكله مو في تعامله
المشكله ان زوجي ما ينتبه لي يعني ( ما يركز وش لابسه ووش حاطه ولا ايش مغيره )
وكمان كثير ما يسهر برا طبعا هذي كانت مشكله بالنسبه لي بس استسلمت وخليته على راحته
المهم اني مهتمه فيه لدرجه بااااايخه حتى اهلي لاحظوا هالشي ودايم يقولون لي خفي شوي عشان ما يشوف نفسه بس انا ما سمعت كلامهم
وفعلا الي حذروني منه صار صار بعيد عني مو بجسمه لا باحساسه دايم برا ما يقعد في البيت الا كم ساعه حتى ابوه دايم يهاوشه لكن بدون فايده
يقول لي كل شوي ليش ما تروحين لاهلك …. ليش ما تمرحين عندهم ( اذا ماله خلق يرجعني)
وانا كنت احرم نفسي من جمعات خواتي ومراحهم عشان ما اخليه لحاله واطلع الزوجه المهمله
لاننا كنا دايم نسمع ان الزوجه الذكيه والمثاليه هي الي ما تخلي زوجها وتكون معه في كل مكان عشان يفقدها ولا تطفشه بكثرة المشاكل
وانا مشيت على هالكلام بس ما بين بعينه
وقررت اني اسحببببببببببببببببببببب عليه سيييييييييييييييييييييييفون (الله يكرمكم)
يعني حاولت اني اخفف اهتمامي فيه واحاول امحي مشاعري وابرد اعصابي واعيش لنفسي فقط
تخيلوا ايش حصل
صار هو الي يدورني ويهتم فيني ويقول ليش انتي بعدتي عني وكلام زي كذا
وانا على بالي اقوله لا ما في شي بس يمكن انت يتهيا لك
المهم انا بسوطه من حركاته بس مو قادره اعيش الفرحه لاني كاتمه نفسي ومشاعري وامثل طول الوقت
علموني وش اسوي الحين
اخليه كذا مع اني مو على راحتي وانا اتصنع الجفا
او اعلمه الصراحه واقوله ان اسلوبه خلاني اوصل لهذي الدرجه
او ارجع زي ما كنت واتحمل اهماله لي وعلى فكره بعد ما غيرت اسلوبي صار يدقق بلبسي وبمكياجي وكل شي اسويه وهذا معناه انه يلاحظ من الاول بس مطنش صححححح؟
المهم عشان ما اطول معكم انا احترت من هالرجال يعني نهتم فيهم ولا نطنشهمممممممم؟؟!!
