عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
اشلونكم خواتي الفراشات انشالله بخير ( عسى دوم)
بصراحة انا عايشة طول عمري عالرجيم إلا في الأعياد والعزايم
طبعا الرجيم اللي اسويه هو الرجيم الصحي
واذا في مناسبة يكون قاسي او اغيره باي رجيم ثاني
ادري اني طولت عليكم
المهم اني سمعت ودايما اسمع عن رجيم الدشتي لكن ما اعرف اشلون
وبالصدفة وقبل اسبوع شفت لقاء معاه مع الدكتور حسين الدشتي
في قناة البحرين 0 شرح كل شي عن الرجيم
ومن ثاني يوم طبقته اي يوم الأحد واليوم السبت يعني 7 ايام
نزلت 3 كيلو
وصدقوني الوزن شوي لكن وايد يبين عالجسم والكل لاحظ
المهم
ما راح اطول عليكم اكثر00 لأني ادري ان في فراشات ناطريني
وانا وعدتهم اني اليوم اكتبه
احين اكتب لكم كل اللي سمعته من الدكتور
الممنوعات
لالالالالا
ابدا بالمسموحات احسن عشان تستانسون
المسموحات
اللحوم بأنواعها اللحم والدجاج والسمك والروبيان والهمبرجر والنقانق الخ
وعلى كيفج تبين تقلينها ولا تشوينها ولا تسلقينها
ولا تقولين اني اكل المشوي احسن عشان انزل بالوزن اسرع
لا هالكلام ما ينفع وغير صحيح مع الدشتي
المقلي والشوي والمسلوق نفس الشي
الخضروات كلها ما عدا البطاطس
الجبن ولازم يكون كامل الدسم
الميونيز
المكسرات من بيذان وفستق والحب الخ
قللي القهوة وكثري من الشاي الأخضر
المشروبات الغازية الدايت
وفي شي انا اكله ومادري اذا مسموح ولا لا
البفك تعرفونه ؟ اللي في اكياس حق الأطفال
لأن يتكون من الجبن والزيت , فأعتقد انه عادي ناكله
الممنوعات
الخبز والرز والمعكرونة والبسكويت وكورن فلكس ….الخ
الحليب ومشتقاته من لبن وزبادي ولبنة .. الخ
المشروبات الغازية كلها
العصائر بجميع انواعها ( مع اني أشرب عالريق كريب فروت )
الفواكه ومعها التمر
البقول والعدس ممنوع منعا باتا
عاد انا مادري اذا العدس من البقو ولا لا
معجون الطماطم والكتشب
اي شي فيه ذرة سكر ممنوع
هذا الرجيم يكون على مراحل وهذي المرحلة الأولى
اقل شي يكون لمدة اسبوعين
ولا تنسين المشي العادي مثل ما قال الدكتور ( مشي الأسواق)
كل يوم 20 دقيقة
ويييييييي نسيت 15 حبة زيتونة في اليوم يعني من المسموحات
والحين انتهينا من المرحلة الأولى
وبعد اسبوعين اكتب لكم المرحلة الثانية اللي كلها دلع
وخاصة في رمضان
مع السلامة يا كتاكيت
وكل عام وانتو بخير
مبارك عليكم الشهر
😡
