عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم ياحبايب انا وضعت الموضوع هذا عشان الكل يستفيد واللي عندها شي في رحمها تلحقه وتروح للمرخه 😛
بتقولون كيف يعني مافهمنا ➡
يعني اللي كانت تعاني من ان رحمها مايل او نازل تقول الاعراض اللي تحس فيها قبل ماتتعالج وكيف تعالجة وكيف بعد العلاج وبالترتيب وهل حدث حمل بعد ذلك
يعني اللي كان عندها ميلان او انقلاب او نازل او مرتفع اوعندها قرنية الرحم (التابعه) تقول لنا
واولكم انا راح ابد واقولكم ايش كنت احس فيه وكيف تعالجت وايش صارلي 😳
1الاعراض قبل التداوي ؟
كنت لما يجامعني زوجي ماتحمل من الالم وكنت احس مثل طعن السكاكين في ارحامي من جوا وكنت اموت علي مايخلص واحيان احس بحراره مع الجماع وكان اذا زوجي طلبني للفراش اموت واتعذر لاني ماكنت اتحمل الالم والوجع 😛
2طريقة التداوي؟
زوجة اخوي جابت لي رقم ممرخه وقالتي لي روحيلها عشان تحملين لاني طولت ماحملت قالت خليها تشوفك ويمكن الله يكرمك بالحمل علي ايديها واتصلت وقالت تعالي ثاني يوم للدورة عشان افحصك المهم رحت لها اول مامسكت بطني جهة اليسار صحت قالت لي رحمك رايحك لجهة اليسار ولازم تتمرخين وعندك سدد انهبلت وقامت تسالني اساله عن الجماع وعن الام الدورة وقلت لها عن كل شي المهم امرختني وكنت اصيح من الالم واعطتني اعشاب وتحاميل استخدمها وطبعا مرختني ثلاث ايام متتالية ورا بعض وانا كنت باموت من الالم 😈
3نتائج التداوي ؟
خفت الاعراض وصرت وقت الجماع مااحس بالم ابد ولاحرارة الحمدلله 😉
بالنسبة للحمل حملت علي طول لكن ماطول واجهضت بااخر الشهر الثالث الله يعوض علينا يارب
واللحين ياحلويين انا ماكتبت هذا الموضوع الا عشان نستفيد من بعض واللي ماتعرف تستفيد من اللي عرفت واللحقت عمرها واحملت وتتمم ربي لها
واللحين انا مستمرة يوميا علي الرقية الشرعيه صارلي اسبوع وناوية اجلس عليها اللين يكرمني ربي بطفل احضنه والمه بصدري واشمة
(ربي لاتذرني فردا وانت خير الوارثيين)
