عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم فراشات
اليوم حبيت اكتب لكم طريقه الرز بالشعيريه للي يحبونه
ورح اكتب المقادير لشخصين
المقادير
كوب رز مغسول انا استخدم رز ابو كاس
ملعقتين من الزيت
وملعقتين من السمن مثل فارم او اي نوع وممكن قطعه زبده
شعيريه مثلا شعيريه قودي ثنتين من اللفائف وتكسرينها
وملح ملعقه وربع الى ملعقه ونص ملح
وملعقتين خل عشان يصير الرز ناصع البياض(قلبتها دعايه صابون ):(
والبهارات عودين قرفه و4حبات هيل
الطريقه
تسخني الزيت وتضيفي له السمنه وتحمري فيه الشعيريه الى ان يتغير لونها ويصير لونها بني فاتح او غامق حسب رغبتكم
ثم تضيفين لها الرز المغسول
وتحركينه وتقلبينه ثم تضيفي الخل والبهارات والملح وتضيفين كوبين ونص مويه مغليه
وتخفضين النار وتغطين القدر
تجنبوا التحريك للرز لانه يتعجن وكمان ما يستوي بسرعه
وبعد 25دقيقه الى 30دقيقه بيكون الرز استوى وصار جاهز للتقديم
وتقدمونه مع ايدام خضار او مشاوي او ايدام هندي
وعلى ذووقكم
وبالهناء والعافيه
😆
ان شاء الله يارب يعجبكم
