عالم البنات النسائي كل ما يخص المرأة العربية من ازياء وجمال والحياة الزوجية والمطبخ
طبعا لكثرة ماقريت من الروايات احب استعرض اللي قريت كله واشوف احلى شي اعجبني في كل وحده من هذي الروايات V
وبعد اللي ماعجبني فيها L
وطبعا مرتبه من اول وحده لاخر وحده قريتها
اسم الروايه
أفضل وأسوأ ماقرأت فيها
افضل بطل وبطله
لعبة الاقدار
(سعودية)
وصف عام:
حبي الأول للرواياتJ
احلى شي مواقف العنود وفواز يوم افترقو وبعد قصة هيفاء روعة من البداية للنهاية اسوا شي يوم شافت العنود سارة مع فواز ويوم هيفاء يستفزها تركي ومايوضح حبه للاسفL
ونهايتها كانت رووعه وحبيتها
أفضل الابطال :: أكيد العنود وهيفاء وفواز وتركي
__________________________________________________ ___________
ولد العم
(كويتيه)
وصف عام: تجنن وتخقق
كلها حلوه بس احلى شي من بعد ما طلعت سمر من البيت والى نهايتها الروعة ويوم بدت تحب يعقوب أسوا شي يوم سمر ترد على يعقوب يوم جا بيسافر وسفرة يعقوب مالها داعي ابدا ابدا
افضل الابطال ::يعقوب وسمر وحمد ماهضمته هو وساره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
آسفه شوفلك غيري
(اماراتيه)
وصف عام:
عــاديه
صراحة الروايه عاديه وما اذكرها زين لاني من زمان قاريتها بس اذكر الحلو فيها يوم ان البطل<<نسيت اسمه ..مرض فراحت له حبيبته وأشين شي انها مباشره يعني مافيها احداث وغموض يعني تعرف الاحداث قبل ماتخلص
___________________________________________
روايه بدون اسم* للكاتبه حصيصه ام قصيصه
(سعودية)
وصف عام:
مره روعه
الروايه رووعه واكثر بعد طبعا هي فيها نوع من الفلة والوناسه ولا تخلو من العبره طبعا احلى شي يوم ساره رجعت لبدر وبعد يوم جاء وخطبها الروايه حلوه ونهايتها غير متوقعه ابدا وهذا الحلو فيها بس ياليت النهايه كانت سعيده كان طلعت احلى بس هي حلاتها بنهايتها *_^
أتمنى تقرونها جدا رائعه
افضل الابطال:: اكيد سويره المهستره وبدر وبنات وخالات ساره المهسترات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
بدون اسم *للكاتبه ظنون
(اماراتيه)
وصف عام:
تبكـــLــــي
طبعا قصه جدا جدا رائعه وصراحه مؤثره يعني بكيت بهالرواية لين قلت بس وهذا الحلو فيها تتميز بالغموض وقليل من الشفافيه احلى شي يوم كانت ساره: ضايعه كنت احس بالتشويق وبعد يوم ليلى ضربت ماجد كف واسوا شي يوم عمهم بدا يحب بس عيبها انها طويله وموكامله عندي
افضل الابطال ::اكيد ليلى وماجد ومحمد ببعض المواقف يقهرني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
قصة بندر وخالد قصه واقعيه (سعوديه)
جدا مؤثره
طبعا هذي قصه واقعيه جدا مؤثره وبكيت فيها الين خلصت دموعي وهذي الروايه احلى شي فيها قوة صداقة بندر وخالد والي استمرت 14 سنه واكثر بعد اسوا شي هوشتهم وفراقهم الابدي الي ابكاني حيل حيل وقريتها 4 مرات وكل مره ابكي فيها عليهم… بس هذي الدنيا L
بندر قهرني يوم رفض اعتذار خالد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
رساله ضائعه في الصحراء
(سعوديه)
وصف عام:
بايخه
هذي انا ماعجبتني يعني احسها عاديه صدق فيها حرب وطراخ طيخ طوخ بس مهيب ذاك الزود واللي يميزها انها قصيره حيل يعني بربع نص ساعه بالكثير وانتو مخلصينها بس فيه ناس عجبتهم اما انا لا وللاسف ما انصح بقرايتها تضيييييع وقتك ع الفااضي ..
___________________________________________
مذكرات مراهق كويتي
وصف عاام:
كلها تشويق واثاره
طبعا هذي الروايه رووووعه واحلى مافيها انها جدا مشوقه وفيها اثاره واكشن احلى شي عندي يوم راح للعزيمه مع مديره والمواقف اللي صارت هناك وبعد يوم يجيه (عدل) واسوا شي مافيها شين كاملة والكامل الله وطبعا الروايه اروع من الروعه بس اقروها بالليل Jعشان ماتنامون هع
افضل الابطال ::مافيه الا خالد أكيد!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
بدون اسم وبدون كاتب (اماراتيه)
وصف عام:
مشوقه
بدايتها التقط جون نفسا عميقا طبعا الروايه حلوه ومشوقه جداجدا واحلى مافيها يوم بغوا يموتون بس نجوا الروايه رائعه جدا وغريبه يعني ماعمري قريت روايه بمثل هذا النوع وماننسى نقول انها مشوقه وحــلوه . J
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
اذا تحبيني قلبك شاريني لاتخليني ولالحظه سعوديه
وصف عام:
ماكملتها
طبعا الروايه حلوه حيل بس فيها جرأة شوي الروايه انا وصلت للجزء الرابع تقريبا بس للاسف صارت ظروف خلتني ما أكملها والله اني ندمانه اني ماكملتها بس الحين خلاص مالي نفس اقرا وهي طويله شوي احلا شي يوم انعمى ثامر وتاثرت حلا اسوا شي عدم تبادل الحب مع الطرف الثاني وفيها شوي هستره بس مو حيل
افضل الابطال ::حلا وبيان وثامر ونسيت الباقي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
في الغربه التقينا
(سعوديه)
وصف عام:
حلوه ومشوقه
روايه رووعه طبعا انا قريت ومشيت مع الكاتبه حبه حبه بس هي للاسف قطعت فتره طويله فما حبيت اكملها احلا شي يوم فيصل: تزوج دانه و يوم عطت نوره دانه كف ويوم فيصل: جاء للسعوديه بالسر وبهذلوه هههه ويوم ام فييصل راحت لدانه بشقتها هذي شي خطيير
افضل الابطال:: فيصل ودانه بالبدايه بس بعدين لا ونوره كرهتها ثمن حبيتها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
أحلا ماخلق ربي
(سعوديه)
وصف عام:
اعتياديه
روايه حلوه يعني اسلوبها اعتيادي بمعنى اصح مكرر ونفس الروايات الثانيه حب وفراق ثمن عوده بس احلا شي يوم ضرب نواف ع ما اظن البطله<<نسيتها ..كف هذي حلوه وقويه بعد وحلو يوم شكت فيه بس ماعليها حليوه
الابطال :: نوااف وحبيبته
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
بلا رقيب (سعوديه)
وصف عام:
حلوه وفله
طبعا هذي الروايه موضوعها غريب يعني بنات بدون اهل ولا احد ترعاهن اختهم الكبيره بنات صايعات دايم يسوون مواقف حلوه وتضحك عايشين حياتهم على كيفهم بس للاسف ماكملتها لاني مافظيت لها هي شوي طويله
افضل الابطال :كــــــلــــــهـــم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
بنات البدو وشباب الرياض
(سعوديه)
وصف عام:
خقااااق وفلله وبنات باايعاااااتهااا
روايه يقاال انها واقعيه على اني احسها من خيال ع العموم الروايه حلوه وفلله يعني بنات بايعاتها احلى شي يوم خطف مشهور البنات هذا احلى شي وبعد يوم فرقت بينه وبين شيهانه هذيك صديقته القديمه حسيت باثارة حقيقيه واخيس شي يوم تفرق هو وشيهانه حسيت ان مشهور مال امه داعي بس للاسف ماكملت الروايه لاني انتظرت الكاتبه لين قلت بس ثمن مليت وقريت غيرها
افضل الابطال ::شيهانه ومشهور والبنات كلهم عدا دانه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
بشره اني ابرحل
(سعوديه)
وصف عام:
مـؤثره
روايه روووعه واكثر بعد حلاتها موضوعها حلوو وفيها اكثر من قصه بنفس الوقت جدا مؤثره وتبكي احلا شي بداية حياه فيصل: ومها واسوا شي ان مها ماتفهمت وضع فيصل: وما سامحته والنهايه المبكيه بشده
الابطال ::فيصـل ومها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
غصب عني
(قطريه)
لكن من الاسلوب واللهجه واضح انها (سعوديه)
وصف عام:
مقدر اقول شي الروايه تجنن وتهبل وتخبل وتخقق وتونس وفله وتشويق واثاره واكثر
وكل بارت احلى من الي بعده
كله مغامرات وتشويق بعد البنات بايعاتها شعارهم الوناسه اولا
وهي فيها تحدي وحب وفراق وسعاده وانتقام وهذا اكثر شي يعني لو بانصحكم تقرون اقرو هذي الروايه صراحه اشكر كاتبتها شكر عظيم لاني اذا تضايقت ادخل واقراها لو اني حافظه الروايه صم قريتها 3 مرات لانها شوي طويله ولو بيدي كان قريتها الف مره بس حيل الله اقوى واتمنى تقرونها وتعطوني رايكم عنها
طبعا هذي الروايه اروع من الروعه احلا من الحلا قريتها الا ادمنتها كلها وناسه ومواقف وفله مافيها حب وخرابيط من الاول لا كلها مواقف بنت مع واحد من عيال عمانها تصير غصب عنها فهو يضنها تحبه روايه تخقق احلا شي يوم ليلى تبتز طلال وبعد يوم ندى تحب فارس وفارس مطنشها وبعد يوم راحو للبر الحالهم واسوا شي يوم طلال ماتزوج ليلى ويوم فارس ماتزوج ندى والنهايه ابد ماتوقعتها كذا كنت اتوقعها احلى بس عيبها طويله بس ممتعه نصيحه اقروها هي احلى شي قريته
وملاحظه صراحه انا بكيت يوم قريت النهايه ماكنت ابيها كذا بس صراحه حبيتهم وعشقتهم وحبيت واحد في الروايه اسمه(طلال) ياويل حالي عليه شخصيته تجنن وبعد كتبت فيهم قصيده هع واقول فيها:(إذا اعجبتكم لاتنسون تقولون ماشاء الله))
في مرتن من المرات
فتحت على احد المنتديات
ومن حوبي للروايات
فتحت قسم عطر الكلمات
لقيت آلاف من الروايات
لكن شدني وحده بها مئات الصفحات
وموضوعها عن الضحكات
يعني ادخل واضحك واكتب توقعات
دخلت لقيت البنات فرحانات
ويقولون ليه طولتي بالبارتات
قلت اكيد انها حلوة دام فيها كل هالتفاعلات
دخلت وبديت اضحك لي ضحكات
حبيتهم وتعلقت بحركات البنات
ليلى وندوي ومهوي ورنود وماننسى باقي البنات
وشيخوه فديتها الدبه الي تحب كل الهنديات
وماتنسى تسال كل هندي عن جون ابراهام وابطال المسلسلات
اما الشباب اه ع الشباب الحلوين نواف وخلود ورشود ولايزعلون باقي شباب العايلات
وطلال حبيب قلبي وحبيته وصرت اكتبله ابيات
واتخيل انه فارسي وفارس احلامي بكل الاوقات
وياكرهي لبعض الحركات اللي تجي من فويرس ابو الهوشات
حبيتهم وكتبت لعيونهم احلى واجمل ابيات
حبيتهم وصرت ارسم واكتب عنهم بكل المنتديات
وماننسى نشكر شوق اللي نزلت احلى الروايات
مدري ويش اسوي لاخلصت اكيد برجع اقراها ولو عشر مرات JJ
هذا وتقبلو حبي عاشقه طلال بن ناصر واحلى بايات
((طلال بن ناصر اللي بالروايه))وحبي عذري جدا لانه من الخيال والى الخيال بالتاكيييدJ
وفيه ابيات شعر ثانيه انا كاتبتها بطلال وماله داعي اكتبها واثقه ان الشعر اعجبكم هع امحق اعجاابJ وعطوني رايكم عن طلو هعهعهع
كلهم من الجد الى اصغر واحد بالعايله بس اكيد فيه ناس دخلو القلب *_^ مثل طلال وليلى وفارس كنت اكرهه بس بالنهايه حبيته مووت وبعد ناصر ابو طلال احسه رااقي ونواف وفواز وشيخوه والكل ع العمووم يعني احبهم كلهم مووت وابو خلي صراحه خطييير تعجبني مقالبه وندى تعجبني رومنسيتها
وماننسى نقول ان فيها مواقف شبه حقيقيه ولا طلعو هم وبزارينهم يذكروني بخواالي هعهع
وطبعا تفطس ضحك يعني انا عطيتها خالتي تقراها وقرتها بالليل وكل شوي وهي فاطسه ضحك تقل مجنونه هع وبعدها اخذتها خالتي الثانيه وكلنا ع السراير وميتين ضحك الاسلووب روووووعه ويخلي اللي متضايق حيل يمووووت ضحك وانصحكم بشده اقرووها ولاتقرون غيرها نصيحة مجرب
طبعا اتمنى اني ماثقلت عليكم وانكم استفدتم من تجاربي في قرايه الروايات واتمنى افيدكم
والحين ابي منكم تجاربكم في قرايه الروايات بنفس طريقتي اللي كاتبه فيها لاجل نتعرف على مزيد من الروايات وما نتعب انفسنا ونقراها وتطلع بايخه ..
وبليييييييز اذا انتي مسجله هينا ومسجله الدخول ولا عليك امر ارفعي الموضوع بأي شي بكلمه UP or any thing
او أي شي اهم حاجه نستفيد ونفيد..؟..V
واتمنى من المشرفات يثبتون الموضوع
والله لا يحلل اللي تلطش الموضووع
♥هذا مع خالص حبي::♥
أنسام الروح:0150:
Jـــــــــــــــــــــــــــــــــــــــــــــــــ ــــــــJ
ملاحظـــــه::
*بدون اسم يعني عندي بالجوال بدت على طول بدون اسم لها ..
ويمكن لها أسم بس والله مدري!!
