عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أخواتي الفراشات أرجوكم تساعدوني في حل مشكلة أعز صديقة على قلبي..
صديقتي هذي مخطوبة من فترة طويلة لشاب ظروفه شوي صعبة بس إنه طيب وحبوب وراعي مسؤولية لأنه هو
المسؤول عن أهله بعد وفاة أبوه. وهي تحب خطيبها بجنون ولا تتخيل إنه ممكن يحصل بينهم أي خلاف في
يوم من الأيام وهو يحبها نفس الشي لكن المشكلة بدت تظهر من فترة بسيطة يمكن لأن موعد الزواج قرب وبدوا
يخافون من مشاكل الحياة الزوجية.. المهم إنهم بدوا يتكلمون في الأشياء الأساسية في حياتهم وهنا بدت الحيرة
والصعوبة فالبنت متعلمة ومرت عليها فترة كانت تشتغل فيها ( امرأة عاملة) وطموحة وماتقدر تتخيل إنها ممكن
تعيش بدون عمل وترمي كل تعبها ودراستها عشان تقعد بالبيت ، أما خطيبها مو مقتنع ولا راضي يقتنع إنها
تشتغل بيوم من الأيام وهي زوجة له مع إن ظروفه صعبة وهو اللي يصرف على أهله و هي عاشت حياة دلع نوعا
ما في بيت أهلها وحلمها طول عمرها هي وأهلها إنها تدرس وتشتغل وتوصل لشي كبير بالرغم من إن أوضاع
الوظايف لها مو مضمون لأنها أجنبية في البلد اللي هي عايشة فيه ومو مضمون وصولها لشي كبير زي ماهي تحلم
البنت محتارة تترك خطيبها اللي تحبه وماتقدر تكون مع غيره ولا تضمن إنها تلاقي شخص في طيبته ولا تتنازل
عن حلم حياتها للأبد مع العلم إن قرارها لازم يكون نهائي وماتغيره يعني لو وافقت ما تشتغل لازم تلتزم بهالشي
طول ماهي معاه.
عذرا على الإطالة .. ردودكم مهمة لها يابناااااااات
