السلام عليكمورحمة الة وبركاتة

مرحبا فراشات كيف حالكم .. 😉
هاذي تقريبا ثالث مررةم اكتب فيها موضوع …. بتقولون شوي معليش لان الولى والثانية كانت فاشلة وكالعاده مافي ردود
عشان كذا تعقدة ولا صرت اكتب 😆 🙄
بس هال المرة محتاجة تجارب ونصايح لان الموضوع يمسني على المدى الطويل 💡
بقولكم السالفة
مرة من الايام قررت اني اعزم وحدة من صديقاتي من زمان ما شفتها على الملاهي وكانت للغاية عزيزة
المهم اني عزمتها على اليوم الفلاني العصر اوكي خلاص ماشي
جاء اليوم الفلاني وانا قاعده على اعصابي طول ذيك الفترة وانا تراودني افكار مثل لو ما حصل تجي وش بيصير وين اودي وجهي قدام اهلي ومن هالتفكير السوداوي وغير وش ممكن احتاج وش ابجيب وش البس
اتصلت على زميلتي في الصباح ابتاكد من موعد قالوا
نايمه
أي والله من بيقوم الصباح في الصيفية الناس كلهم سهرانه
الضهر نايمه
البعد الضهر نايمة
العصر نايمة وانا على اعصابي
طيب وموعدي وش اسوي به
اتصلت المغرب الو اهلين هاه اخيرا قمتي بتروحين الملاهي ؟
يوه معليش اوركيدا ابوي لسى ما رجع من العمل ما ني متاكدة اني باجي للملاهي
طيب مو مشكلة يوم العلاني يوافقك
ايه بيوافقني
بس ارجوك حصل أي شي اتصلي تاخير تاجيل مو تعلقيني مثل اليوم الي الفلاني
اوكي ولا يهمك بوح
اسمعي قدامك تقريبا 3 ايام ارجوك خذي الموعد من والديك خلاص
خلاص
جا اليوم العلاني ارسلت الصباح رسالة :هاه احنا على الموعدنا؟
جاتني الرساله في العصر
: معليش اسفة اوركيدا ابوي ما وافق
النهاية
استنتج من ردة الفعل هاذي انها ما سالت الا وقت الما ارسلت الرسالة يعني نا سيتني تماااااااااااام في كلا المرتين
واكيد الابو ماراح يوافق اذا قالة احد بروح الحين الملاهي
وغيرة من المواقف مع بنات خلاتي وغيرهم بس قليلة
الزبده حسية اني بطيبتي الغبية هاذي طلعتني ساذجة جداااااا وانا كلمة اسفة كثيرة علي
انا اعلرف ان صداقت واحد ساذج جدا استغلالية
سوالي وش ردة االفعل المناسبة له الموقف عشان ما اخسر هيبتي وقدري قدام احد؟ واستردها قدام صديقتي؟
والسوال الاخر هل اصير قاسية مع الناس عشان يقدروني ويمشون صح ؟