عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم يابنات
حدخل في الموضوع بسرعة
اكيد كلكم سمعتوا عن الديرما رولر derma roller
انه مفيد لامراض كتير للبشرة من استرتش مارك او ندبات او سلولولايت او تجاعيد او تفتيح مسام
بندفع فيها الا لاف في عيادات الجلدية
ودورت عليها طبعا في جدة فمالقيت
قلت اجيبه اون لاين من امريكا او المملكة المتحدة على حسب الجودة الافضل
بس السؤال ازا جبته حلاقي ناس بتشتريه مني؟؟؟
اسيبكم مع تجارب بنات من الخليج وبنت من الرياض
ازا شفت جمهور كبير بيشتريه مني حطلب كمية كبيرة
وشكرا
طبعا دي بعض الصور للالة نفسها وصةر لحالات قبل وبعد العلاج
وانصحكم يابنات لااااااااااااااااااااازم تدخلوا اليوتيوب تشوفوا فيديو لانه الوخز بالألم مؤلم شوية وممكن ينزل دم لانه يحفز الكولاجين داخل الجسم اللي متخبي تحت الجلد المريض فيطلع الجديد وكان شيء لم يكون
لازم يابنات تكون عندك كريمات وزيوت فيها فيتامين تدهنيها على المنطقة المصابة بعد كل عملية تمرير
طريقة التمرير :::
خطوط طولية و عرضية على الجلد المصاب
على العموم اسيب لكم تجارب البنات شارحين كل شي احسن مني
بس شوفوا الصور اول
المواضيع منقووووووووووووووولة
بسم الله الرحمن الرحيم
الموضوع هذا يشهد على ربي اني منزلتة بعد تجربتي الشخصية واني والله العظيم ما اقتبست الموضوع انا الي كاتبتة بيدي ((( اقسم بالله))) طبعن انا مثل وايد غيري من البات تعبت وانا ادور حل حق السترج مارك وماخليت عيادة ماخذيت منها كورسات وقطيت فولس وايد على الكريمات والادوية عشان اتخلص من هالمشكلة وما خلصت منها لين على يوم … قاعدة اسوي سيرج عن افضل حل حق المشكلة طبعن لقيت شغلة عجيبة اسمها ديرما رولر وهذى صورة هالمنتج
المهم تقنية هالمنتج
يقوم هالمنتج على تقنية الوخز على المنطقة المصابة وطبعن هالوخز يشغل نظام المناعة الهو عبارة عن رول صغير وفية رؤوس مدببة مكونة من ابر دفيفة مرصوصة على شكل خطوط متساوية على الرول ولها عدة احجام …
المهم قمت اقرى عنة واشوف استخداماتة بنات والله شي مثل السحر ما صدقت عيوني…. تشوقت اكثر واكثر ابي اعرف عن هالمنتج وقمت اقرى واطلع صور الي استخدموة واقرى عن طرق استخدامة المهم … كونت فكرة عندي وايد زينة وقمت وتوكلت على الله وطلبت هالمنتج من امريكا بعدة احجام لاني ابي استخدمة عدة استخدامات …
طبيعية بالجلد (( سبحان الله )) فيقوم الجلد بالدفاع عن نفسة من الجسم الغريب الي دخل فية فيقوم بنتاج الكولاجين وتجديد البشرة تلقائيا … يعني هالمنتج يجدد البشرة ويبني الكولاجين داخل البشرة والكولاجين وظيفتة انة المسؤول عن تماسك البشرة وقوتنها ونشاطها وشبابها وحيوتها …طبعن ياخذ وقت ولكن عدة ايام عشان تشوفين النتايج وتحسين بتغيرها من اول مرة ..يعني هالمنتج اقوى من اقوى ما توصلتله التكنلوجيا في مجال التقشير ولو تلاحظون كثير من الي سوو تقشير حق بشرتهم وخصوص الوية بعد فترة البشررة تترهل ويصير هالشي واضح عليها .. لان التقشير الكيميائي يتلف خلايا البشرة لكن هالمنتج يعمل بشكل طبيعي ويقوم ببناء الخلاياالداخلية
تمكنت اني اييب المنتج من امريكا وبخلال 10 ايام وصلني سميت بسم الله وبديت استخدمة الا الاة الاه الله والله العظيم ان بشرتي بدت تتغير وبدت الخطوط تنكمش وخصوصن الخرايط الي في بطني من بعد ولادتين يعني جسمي كان متشوة شوي علية والله يا بنات اني كنت متعقدة من كثر الخطوط الي فيني بكل مكان بجسمي بمنطقة الزنود والخواصر وفوق الركب وهم فبطات ريولي والمؤخرة واسفل الظهر هذول بس قبل الحمال فمابالكم بعد الحمل لمرتين شلون رح تصير بشرتي غير الترهل خلوها على الله المهم سويتلي نظام معين وبكل يوم قمت اعالج مكان معين فبشرتي …
طريقة الاستخدام .. بنات مهم جدا تتبعون الطريقة مالتي وديرو بالكم من باجي الطرق الي حابة تستعملة لا تصدق الحجي الي مكتوب بمنتديات دول ثانية بدول ثانية بنات اول شي مشيت على كلامهم وماستفدت الي تبي الخلاصة والله العظيم عندي انا …
اولا : خلي عندج كريمات ترطيب وايد وايد وبانواع زينة ويقضل انج تشترين من بودي شوب سيروم فيتامين سي واي او كريمات مرطبات بزبدة الشيا مع الكوكو البرازيلية هذول انا استخدمتهم مفعولهم حلو وايد …او اذا كانت الميزانية عندج ما تساعد فاشتري جرجنز بخلاصة فيتامين اي وسي الخاص بشد البشرة بالاضافة الا الكوكو بوتر من بالمرز او مرطبات فازلين هم زينة .. ظروري تهتمين بترطيب بشرتج
ثانيا : هم اذا تقدرين تييبين فيتامينات من الصيدلية عشان يصير علاجج من برا وداخل واهمها حبوب الكولاجين .. بنات هذي تجربتي انا والي انا سويتة مو ظروري تلتزمون بهالاشياء بس انا الدمار كان شامل عندي ففرق بين بشرة وبشرة ..
ثالثا:: توكلت على اللة وبديت استخدم الجهاز اول شي تغسلين المكان الي تبين تعالجينة وذا تقدرين مسحية بكحول وعقب ابتدي بالوخر بشكل خطوط مستقيمة اما بالطول او بالعرض او مائلة بشرط انج ما تستخدمينة بطريقة دائرية ابدا ابدا طبعن بلطف لان اول مرة رح تحسيت بالم فلا تهلكين بشرتج . بعد الاستخدام بجم دقيقة رح تحمر البشرة ورح تحسين ان شكل بشرتج صار جنة زولية موكيت عادي لا تخافين وعقب اذا تحبين حطي كريم الفا كورت هذا مضاد حيوي يصرفونة بالطبيب على المطقة الي عالجتيها ومن ثاني يوم حطي عليها فيتامين السي مع فيتامين اي او كريماتج المرطبة.
رح تحسين بالم بعدها بعدة ايام بس عادي تحملو والله النتايج تستاهل عالاقل احسن من علاجات الليزر الي تتلف البشرة بعد فترة ..
رابعا:: ريحيي بشرتج وكرري العملية عقي اسبوع او عشر ايام وسويها بشكل جلسات علاجية بس اهم شي لا تهملين الترطيب والفيتامينات وحسني من عاداتج الغذائية .. كثري من عصير البرتقال الطبيعي واكلبي وايد تبولة لانها غنية بالبقدونس الي فية فيتامين سي بشكل كبير وهم فية مضادات حيوية وهم مادة الكبريت المعقمة للبشرة وهم الجلوتاثيون المبيض الطبيعي تصدقون ..
صوري نفسج من اسبوع لي اسبوع وشوفي الفرق وباذن الله رح توصلين حق النتيجة الي ترضيج بنات شهادة لله انا صارلي الحين جريب الشهر ونص من استخدمتها والحمد الله احس نفسيتي قامت تتحسن وثقتي بنفسي قامت تزيد..كفاية اني تخلصت للابد من الخطوط الب فبطة ريولي والي بصدري راحو وبدون اي اثر اقسم بالله اني صاجة بكلامي هذا
طريقة استخدامة للشعر :::
هم نفس الشي قمت امشي بالرول على فروة راسي النظيفة بخطوط مستقيمة بالطول والعرض هم نفس الشي اول شي عورتني ومع تكرار الاستخدام قام يخف الالم .. المهم بعد اول استخدام وبعد اسبوع تقريبن رح تلقين قشور كبيرة بفروة راسج هذي مو قشرة بنات لا تخافون ترى هذى الجلد الي تجدد سوي فوقة بالرولر رح يطيح كلا … عشان تاخذين المفعول الاكيد ييبي شامبو صحي من الصيدلية حسب نوع شعرج وهم حبوب فيتامينات مقوية للشعر وسيروم او امبولات تكسرينهم على فروة راسج بعد كل استخدام للرولر والله العظيم الي الا الاة الا هو ان سبحان الله نبتلي شعر وايد وايد الحمد الله والله اني راضية على كل النتايج الي وصلتلها احمدك يارب ,,
بنات الحين بكتبلكم الاحجام وكل حجم شنو استخدامة واحطلكم صور حق الي استخدموة عبر العالم والله لو اقدر احطلكم صوري جان حطيتها
حجم الربع ميلي والنص ميلي حق بشرة الوية تشيل التجاعيد وتصفي الوية وتشيل اثار الحبوب والندوب وتقدرين تستخدمينها يوم وترك او يوميا حسب تحملج وظروري بعد الاستخدام تحطين كبسولة فيتامين سي الخاصة للوية من بودي شوب يوميا معاها…
اما حجم واحد ونص اهي مخصصة حق السترج مارك الصغار وفروة الراس وتستخدمينها مرة اسبوعيا او مرة كل 10 اعايم مع العناية بالبشرة والشعر من داخل وبرا
بنات ملاحظة الي ماتستحمل الالم خلال الجلسة تحط مخدر على المنطقة الي تبي تستخدمها على سبيل المثال مخدر املا وتلفها بنايلون تغليف الطعام مدة نص ساعة وعقب تستخدم الجهاز ومرح تحس بشي الا الام العادي مال التام الوخز … بالنسبة حق التعقيم تييبين ديتول الرش وترشين الجهاز بعد كل استخدام وعقب ترشين علية ماي وتهدينها لين تنشف تغطينها بالكفر مالها وتخشينها عندج حق الاستخدام الي بعدة زاتمنى التوفقيق للجميع طبعن انا نزلت موضوعي هذا حتى افيد واستفيد
وهادا موضوع ثاني
أسئلة وأجوبة
وش صناعة الرولر ؟ أصلي والا تقليد ؟
من حق كل بنت تعرف كل تفاصيل المنتج اللي تفكر تشتريه عشان تقرر على اقتناع وانا هذه سياستي بكل شئ اقدم عليه بحياتي وراح اقدّم لكم نفس السياسه اللي احبها [ لا يؤمن احدكم حتى يحب لأخيه ما يحب لنفسه ]
وهو نفس اللي استخدمته من 10 شهور مضت .. لا خفت حدة الابر ولا تفككت ابرها ولا صدت ماشاء الله تبارك الله ..
وصديقتي برضو استخدامها للرولر دائم .. وما زالت محتفظه بجودتها ماشاء الله ..
اشتريه من امريكا من شركة امريكية بولاية فلوريدا .. لكن مصنعهم في الصين لرخص الأيدي العاملة بضوابط ومواصفات امريكية ..
وهذه معلومها فادتني فيها الأخت ( ذا بيوتي ) الله يسعدها
المشاركة الأصلية كتبت بواسطة ذا بيوتي
على فكره اغلب البضاعه الامريكية و ماركات عالمية مثل نايكي و اديداس اصبح مصانعهم في الصين و لكنها تعتبر امريكية بالرغم انه بيكتب عليها صنع في الصين لان دي سياسة الصين ان اي شئ يصنع علي ارضها يكتب صنع في الصين حتي لو كانت الخامات اصلية و الشركة الام هي اللي بتصنعها
وتمت مراسلة الشركة للتفصيل بهذا الخصوص وقالوا :
ان الأداة متوافقة مع قوانين هيئة الغذاء و الدوا الامريكية fda و خضعت لاختبارات الجودة و السلامة .
هل الرولر قطعه وحده بمقاس واحد والا يجي معه قطع غيار بباقي المقاسات ؟
الرولر قطعه وحده بمقاس واحد
ولا يجي معه قطع غيار ابدا
اما انك تشترين 1,5mm أو 0,5mm أو 1,0mm أو أو 2,0mm
كل رولر منفصله عن الثانيه وكل رولر لها سعرها لوحدها ..
وين القى هذه الأداة الديرما رولر ؟
الأداة ما توجد بالصيدلية ولا بأي محل بالسعودية ( على حسب علمي ) ما فيه الا انك تطلبينها من امريكا عن طريق النت .. والحمدلله اني قدرت اوفرها لكم هنا في السعودية وفي دول الخليج .. لكل البنات اللي ما عندهم بريد امريكي + فيزا + التعامل مع المواقع الأجنبية + ما عندك صبر تستنين طلبك من هناك ..
ولو شفتيها الأداة وطلبتيها للسعوديه بتجيك بقيمة تقارب 240 ريال ..
هل ينفع للتصبغات ؟
هل ينفع لترهلات الوجه ؟
اصلا عمل الاداة تحفيز الكولاجين في الجلد .. فالابر الموجوده حسب مقاسها راح تغزز ببشرتك ويبدأ الكولاجين يدافع عن نفسه ويبدأ بالبناء والتجديد .. وطبعا معروف عمل الكولاجين الطبيعي اللي ربي خلقه .. انتي فقط تظهرينه على سطح بشرتك ويعمل طبيعي ..
وعمل الكولاجين ( للفائده ) يعالج التصبغات ويشد البشره ويملا الفراغات ويشيل الخشونه والبهتان والشحوب بالبشره ويعالج بإذن الله كل عيوب البشره السطحية ..
كيف استخدامها الرولر بالتفصيل ؟
بعد ما تنظفين وجهك او تعقمينه وتعقمين الرولر تمررين الرولر برفق على المنطقه اللي تبينها بشكل افقي 10 مرات وبشكل عمودي 10 مرات وبشكل مائل 10 مرات .. يعني تمررينها بكل الاتجاهات رايحه جايه .. بس كل اتجاه بسهم محدد ..
وش الكريمات اللي استخدمها وهل لازم كريم الكولاجين اللي انا استخدمته لوجهي ؟
ببداية استخدامك للرولر تستخدمين كريمات مضادة للإلتهاب .. زي مومينتا ودكسبان وفيسودين وغيرها من الكريمات ..
لأن وجهك يتلهب ساعة واحيانا ساعتين بعد ما تسوين الرولر ..
بعدين بعد الاستخدام الرابع او الخامس للرولر تقدرين تستخدمين اي كريم تحبينه ( مدعم بالكولاجين او بالفيتامينات ) بدل كريمات مضادة للإلتهاب لأنك خلاص ماراح تحتاجينها ..
اما تحطين الكريم بعد استخدامك للرولر مباشره او قبل ما تبدين تستخدمين الرولر .. كلها واحد واللي تحبين سويه .. كل بروفسور له وجهة نظر بهالطريقة ..
ومو ضروري ابدا تستخدمين نفس الكريم اللي حطيته انا هنا بالموضوع .. البنات بس سألوني وذكرته لهم وطلبوا احط صورته .. وهو موجود بأي صيدلية ب175 ريال ..
بس تقدرين تستخدمين اي كريم .. اي كريم فيه نسبة كولاجين وفيتامين هـ عشان يساعد على بناء وتجديد الكولاجين وتستفيد منه بشرتك ..او كريمات ترطيب .. او كريمات تساعد على معالجة السترتش مارك او تحت العين او السلولايت او بهتان البشره ..
متى حصلت على النتيجه لمعالجة الندبات بوجهي .؟؟ وهل صحيح نفعت معك ياتاعبني ؟؟
التجربة شخصية للعضوه( ياتاعبني ) محدثتكم الآن ..
واستخدامي لها اقل من المتوسط ومع ذلك شفت نتيجه حلوه .. والنتيجه قريب 70 % او تزيد الحمدلله .. وهو معدل جدا رائع اني اوصل له .. لأن الندبات مالها علاج نهائي بكل العالم .. حتى الفراكشل ليزر ترجع الندبات بعد فتره من جلسات الليزر رغم ان الجلسة حوالي 1800 ريـال ..وراح استمر عليها لأني اثق اني بحصل نتيجة 100% ..
ولا خليتها للحين عشان اقدر احكم هل يرجع بعد ما اتركه او لأ ..
ولا راح اخليها لأني مستفيده منها بكل الأحوال .. للنضاره وتخفيف التجاعيد واحس اني وجهي منتفخ نوعاً .. راح استعملها لو بالشهر مره احافظ على نضارتي ..
اي مقاس ينفع لي ؟
من جد يحرجني هالسؤال .. ما ودي افرض عليك مقاس معين ..
كل وحده حسب حاجتها ..
انتي شوفي المقاسات ووش تعالج .. وحددي مشكلتك بالضبط وحددي المقاس اللي تبينه ..
