عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته…..
كيف حالكم بنات؟
انا شفت ردودكم وتفاعلكم معي وهذا الشي حمسني بزياده وشجعني اكتب لكم عن تجاربي والدال على
الخير كفاعله حنا نبي نتعاون مع بعض باسلوب ا لاقناع وليس المنع لان انا يوم انمنعت عن هالاشياء
وانا مو مقتنعه رجعت لها واستمريت فيها بس يوم اقتنعت بستخدامي الخاطئ للنت تركتها بقناعه مني
نفس ما واعدتكم بموضوعي السابق أني بنزل لكم مواضيع تتكلم عن قضايا هامه بعضها أنا عشتها
شخصيا والبعض منها أعتمدت على تجارب بنات …..
اليوم موضوعي مشووووق جدا ومهم كثييييييير فوق ما تتصورون أنا بتكلم لكم عن تجربه أنا عشتها
والحمدلله أنه ربي هداني منها بعد رمضان أسأل الله العظيم أن يثبتني ويهدي البنات الى لازالوا
مستمرين فيها…..
موضوعنا اليوم عن
$$الشـــــــــــــــــــــــــــــــــــــــــــــ ـات وغرف الدردشه$$
اول شي بطرح لكم تجربتي:
أنا بنت ذبحها الفراااااااغ يعني من الجامعه للبيت وتوفر عندي كل شي تلفزيون ونت وجوال
وخصوصا مع دي اس ال اربع وعشرين ساعه مفتووووووووووح والنت بمتناول يدي مافي رقيب
ولا حسيب ومحمولي عندي صرت مدمنه انترنت
بداية بالمنتديات شوي شوي سويت لي ايمييل شوي شوي قلت انا بجرب هالشات الى الكل يحذر
منها أبعرف وش هي وليه كل هالتحذير منها شي جديد وأبغى أعرفه بعديين قلت يابنت أنتي واثقة من نفسك وتربيتك وأتحدى أحد يلعب بعقلك
وكنت حاطة ببالي أني بدخل بسولف وبضحك وبطلع ولا بعطي أي معلومه صحيحه عن نفسي…
أخترت اسم مستعار ودخلت… وهذي البدااايه….
عجبني الوضع الكل علي وحسيت بأهتمام مو طبيعي والشاشه كلها تطلبني خاااص إلى صرت مدمنة
طول وقتي عليها
أحيانا أروح للجامعه مواصله والسبب هي,,, وحتى الطلعات كرهتها…
طبعا انعزلت على نفسي وقل مستواي الدراسي بشكل فظييييع مع اني كنت قبل الشات من المتفوقات
والحريصات على الدراسه…
بالبدايه كنت أرفض التواصل بالإيميل أو الجوال نتواعد على الشات بساعه معينه
وكنت أشوف أنواع وأشكال من الكلام بعضة أفهمه والباقي ما أفهمه بس أحس انة كلام مخزي
كان الكل يتسااابق أنه يتعرف علي مع أختلاف اغراضهم وطبعا الشباب اذا دخلت بنت جديده
يتركوني ويروحون لها عشان كذا كنت أحاول أجذب إنتباهم….
وماأخفى عليكم الكلام كان كله كذب بكذب يعني كلام الشات ينشات
هذا غير الكلام المعسول وكلا م الحب والغرام مستغلين فراغ البنات العاطفي وحرامنهم من هالكلام في
البيت وانجراف البنات بعاطفتهم
وربي كلهم كذابين يعني كل واحد يدخل يغير اسمه ومنطقته وجنسيته ويطلع لك بسالفه جديده وكل بنت
يتعرف عليها يقولها حبيتك وارتحت لك وأنتي غير عن البنات يعني نسخ لصق من بنت لبنت….
أنا احسك حلوة وأنتي متربيه وصفي لي شكلك أنتي نفس أختي وربي مابضرك وأصابعك مو
سوى وضيفيني أذا عجبتك خليني وإن ماعجبتك أحذفني بس أيمييل والإ يميل نفس الشات… ويترجى
ويذل نفسه غير الحلوووف والقسم وأنتي ماشيه وطبعا كله ** بياعة كلام**
وإن مارضيتي يغير نكه ويدخل مره مرتين ثلاث إلى يصيدك
مع كل هذا كنت صامده وأرفض أتواصل مع أي شخص بغير الشات وكانوا يقدمون العرووض
عشان أرضى
مثل أعطيك إيميل خاص ضيفيني بس أنا فيه ,,, عطيني إيميلك وأشحن لك…
ورويدا رويدا تخليت عن مبااادئ الى هي ماحد يعرف شي عني وتواصلي بس بالشات
وجاء ذاك اليوم الى كنت واصله حدي من الطفش دخل علي واحد كان نكه $$ثلاثيني حكيم$$
دخلت معه وسولفت معه ولفت نظري أسلوبة وعجبني كلامه وطريقة تفكيره كان يسمع لمشاكلي
ويخفف علي ويقدم لي الحلول إلى صار مقرب لي أعتزلت صديقاتي وأهلي وصرت أشكي له هو ,
كنت أنتظر الوقت إلى أتلاقى فيه معه بالشات على أحر من الجمر شوي شوي طلب إيميلي ,, رفضت
بالبداية إلى اقترح علي يسوي لي ايميل واتواصل معه فيه وهذي البدايه
**
مع اني ما خفى عليكم من دخلت عالم الشات وأموري متعسرة وقل التوفيق ملازم دربي وربي حتى
الجدول تبعي يتعسر سبحان الله كل شي متعسر وكل شي مو ضابط غيرضيقه الصدر ما تفك مني
حتى ضميري كان يأنبني كثثيير يعني حتى أذا ضحك بالشات وانبسطت يكون أنبساط محدود
وبعدها احس بضيقه وكدر مو طبيعي يعني من جد ونااسه زايفه واكتشفت انه الشات مليااانه ناس
شاذين ومعقدين غير عن أغراضهم الوقحه
وكل الى يدخلون له فاشلين دراسيا وفاسديين أخلاقيا وأساليبهم وقحه حتى أذا جاء وقت الصلاة
ماحد منهم يقوم يصلي وكانت بينهم أساليب تحدي على البنات الى يحصل على ايميلها او رقمها
يوزعه بينهم بعد مايخلص منها ويحصل على فلووووووس منهم
يالله ما أكتشفت هذا الشي الى متأخر لانه مافيه احد ينصحني ويوجهني ….
هذي كانت تجربتي……
وعن قريب …بقولكم عن سلبياتها ؟؟
والأخطاء الى تعلمتها ؟؟
وكيف بدايه الشات جرفتني الى اني اتعرف على الكثير من الشباب منهم المتزوج ومنهم العزوبي؟؟؟
وكيف تبت منها ؟؟
وكيف صارت نظرتي لها وبعلمكم عن نظرة المجتمع؟؟
ونظرة الشباب للبنت الى تدخل الشات وكيف يحتقرها؟؟
وكيف تدمرت اسر وانفصلت زوجات وتشرد اطفال بسبتها,,,وغير البنات الي فقدو ثقت اهلهم
فيهم بسب معرفتهم انه بناتهم يدخلون مثل هالمواقع الي قد تكون بدايتها الشات الكتابي الى الشات الصوتي بعدها الى غرف
البالتوك يعرضون أجسامهم ؟؟
أعترافات للشباب والبنات عن المشاكل الى حصلت لهم بسبب الشات ؟؟
وغيرها الكثيير….
أرجو من كل بنت تدخل وعندها تجربه مع الشات عاشتها بنفسها أو سمعتها وتأثرت فيها تذكرها مع السلبيات الى حصلت لها ترسلها لي على الخاص أصيغها بأسلوبي وأطرحها لكم
كما يسعدني تفاعلكم وتعليقاتكم ومشاركاتكم ويشجعني على كتابة المزيد…
**أنتظروني**
