عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
صباحكمـ / مساؤكمـ عسل
جبتلكم القصيدة الثانيه للأعجوبه / خلف الكريع
أســــــــــطــــــــــورة الــــــــــحـــســــن
حبيبـتـي حسنـهـا متـمـرّد وصـابــي
يتكلـم الحسـن فيـهـا كنّـهـا لسـانـه !
لـو اختصـر وصفهـا واحـيّـد اعجـابـي:
هي الجمـال انخلـق فـي صـورة انسانـه !
.
.
فـي حسنهـا يلتقـون ( اعـداي واحبابـي )
اخـاف غـدره .. ومانـي قــد نسيـانـه !
تعبـان فـي قربـي ! وتعـبـان بغيـابـي !
مـن يهجـر احبابـه ؟ او يامـن لعدوانـه ؟
.
.
ياعـم .. لا شفتهـا مـا ترمـش اهـدابـي
كـأن مـن شافهـا تتخـاصـم اجفـانـه !
فـي وجههـا كـل مـا يطـري علـى نابـي
مـن خوخـه .. لتوتـه .. لحبـات رمـانـه
مزيونـة ٍ كـل مـا لاحـت لـي القـى بـي
قصايـد ٍ فـي بـحـور العـشـق غرقـانـه
.
.
ياعـم .. لمّـا تسولـف تحـرق اعصابـي !
مخـارج حروفـهـا : ثمـلـى ونعسـانـه !
تحكي – وانا من غنجهـا سايـل لعابـي ! –
وبصوتهـا ( رعشـه ) ولا هيـب بردانـه !
في طيّب انفاسهـا / ضـاع أنفـس اطيابـي
وبشفاههـا / ضـاع طعـم التـوت والوانـه
.
.
يـا عـم .. بعيونهـا ( غـي ) يْتسـلابـي
بعيونها ( طهر طفـل ) و ( كيـد شيطانـه )
فيها ( صباح الحمام ) و ( ليـل الارهابـي )
بـراءةٍ تشتـكـي مــن ظـلـم وخيـانـه
ليـل يْتربّـص بـي / وصبـح يْتعـزوا بـي
وبـدر ٍ طعنـه الظـلام وحاصـر اركـانـه !
.
.
كأننـي مـع شعرهـا ( شيـخ : متصابـي )
وكن الهوى معه ( طفـل ٍ : عـز سلطانـه )
له : رغبة السـادي / ولـي : نيـة السابـي
وان فرّعـت كـل مـنّـا جـنـت جنـانـه !
نسيمـه يصيـح بـي : لا تلمـس العـابـي
وانــا اتعـمـد مغابشـتـه وعصـيـانـه
اللـي – نـوى ياخـذه – باقـنّـه ثيـابـي
وانـا مـع ثايبـي اتهـاوش علـى شـانـه
.
.
ياعم .. لـو شفـت منظـر صدرهـا النابـي
( نونيـن كوفيتيـن ) وبينهـن ( خـانـه )
او هن ( صدفتين ) لبسـن ( تـاج عنابـي )
( ومحارة ٍ – كـل فلقـه – وسطهـا دانـه )
متزاعـلاتٍ وهــن جـيـران واقـرابـي !
واليا مشـت .. كـل ٍ يدافـع عـن اوطانـه
لهفي على / سَحْرهـا لـو كـان : مشرابـي
ولهفي على / حجرها لـو : نمـت باحضانـه
في جسمها لبعضهـا عـن بعضهـا تحابـي
أجـزاء جوعـا بهـا .. وأجـزاء شبعانـه !
خصر ٍ ( مسيكين ) تحته عجـز ٍ( مرابـي ) !
وساقيـن عطشانـه .. وفخذيـن ريّـانـه !
مـن ويـن مـا شفتهـا يبلغنـي مصـابـي
مـا فيـه شبـر ٍ بهـا مـا طحـت بادمانـه
نقـص ٍ – مهـو زود فيهـا – عنّهـا هابـي
وزودٍ – يُرى نقـص – مـا تتقبّـل احسانـه
.
.
يا عم .. شف حسنهـا وشلـون سوّابـي ؟!
شف كيف صـدع الجبـل لا ثـار بركانـه ؟!
شفني – ليا من طرت – كيف اترك اصحابي ؟!
شف كم لها عيني مـن الشـوق سهرانـه ؟!
ياليتنـي – يومهـا دقـت علـى ابـوابـي-
عيّيـت لا افتـح لـهـا قلـبـي وبيبـانـه
ولا اعطيتهـا واجـب اسلامـي وترحـابـي
وسكّـرت حتـى قبـل مـا اقـول غلطـانـه
وصديت عنهـا وهـي مـا تعـرف اسبابـي
صـدة كريـم ٍ حشـم عــورات جيـرانـه
مـا عـاد تنفعنـي امجـادي .. ولا القابـي
غـادرت عـز القصـور / لـذل زنـزانـه !
جتنـي وانـا .. شيـخ قـوم بعيـن شيابـي
وراحت وانا .. طفل بعيون اصغـر اخوانـه !
*********
وهذي قصيد بصوته اسمها (( ياللي حرمت الطفل))
******
وهذا مقطع فديو يوم كان ملقي القصيده عند الملك عبدالله
http://file9.9q9q.net/Download/92492…video.zip.html
****
بنت الأكابر
بنت الأكابر : في الجناح الخاص ( حـق الاثريـا )
غرفـه رقـم (7) وتحويلتهـا أربــع اربـعـات
مغرورة ومن عائلـة مرموقـة وتُدعـى ( هَيَـا )
ولا بْها مرض .. لكن نقاهة عن مشاكل هالحيـاة !
وتدرون .. ما يحتاجون الغطوة ( بنـات الاغنيـا )
كأنهن – حتـى بشـرع الله – يجـن مُستثنيـات !
أشي عيون ناعسة ، واشي شعـر ، واشـي ضيـا
يالله دخيلـك مـن ( هَيَـا ) ورموشهـا المتثنيـات
قابلتها في ( صالة المرضـى ) ومـا كنـا اخويـا
لكـن مجـرّد نظرتـيـن ٍ حـايـرات ٍعـابـرات
تناظر وتضحك – وأنا جنبـي صديقيـن اغبيـا –
قالو : يا حسره مـا الله مملحنـا بعيـون البنـات
وقمت اتميلح عندها – رغم الوفا ، رغـم الحيـا –
وسمعتهـا عشريـن بيـت ٍ كـامـلات ٍ وافـيـات
قالت لي : اسمع يا مؤدب ياللي مدري من أنت يا ..
بينـي وبينـك ليلـة ٍ حمـرا وغيـره لا تحـات !
اثر الغلا فـي شرعهـم مثـل الدجـل مثـل الريـا
يوم الغلا فـي شرعنـا فيـه المشاعـر ساميـات
الحب مع حضـرة ( هَيَـا ) مـا يستسيـغ الانقيـا
وأنا اعرف إن الهـوى لهفـة وشـوق وتضحيـات
لا يـا خلـف لا تخـذل أهالـي الشمـال ولا تغيـا
ولا تضحك اهل العاصمة عليك واوقـف فـي ثبـات
وش عاد يا ( بنـت الأكابـر ) حتـى حنّـا أغنيـا
وغنانـا مصـدره الوفـا وانْ مـا تغيرنـا
********
أما هذي موثررره مررره
طفلة غزة
آخر الأخبار .. قبل اسبوع مدري يمكن اكثر !!
بالضبط .. مدري ما اتذكّر !!
يكفي اتذكر مواعيد التداول ..
موعد الراتب ،، وموعد سهرتي مع اصدقائي ..
موعد الحفل الغنائي ..
وباقي اشيائي الغبيّة ، وشي باقي من غبائي !!
– وحنّا العرب ، عشنا في هالدنيا ثلاث انواع :
• بعضنا الآفل : عزيز ٌ ومُطاع .
• وبعضنا الحاضر : رخيص الدم ، ملوّي الذراع !
• وبعضنا اللي ما بعد جا : ضاع !!!
المهم / الهم ، إنه ذات ظهر .. أو ذات عهر .. أو ذات موت لما بقى من طُهر !!
كانت الأخبار تعرض : وجبة الذل المسائي !
– وحنا على فكره .. من فضل ( بوش ) المُقتضى شكره !
نفطر / على مشهد من دماء الضحايا ( بالعراق ) !!
ونتغدى / مع زود الدسم سماً ( فلسطيني ) المذاق !!
ونتعشى / ( بالشيشان ، أو الأفغان ) أو أيّة أرض فيها دم للمُسلم يُراق !!
نحب أو نكره .. ونفس الحكي بكره !! –
ركيت راسي فوق قطن وسادتي ..
وقعدت افتش بالمحطات الغبيّة في ترف / كعادتي ..
يا سادتي هذا وكان القصف في غزه بدا :
وكانت ( هدى ) ..
تصرخ ويخذلها الصدى .. تركض وينفيها المدى ..
كانت هدى .. تنكث تراب الشاطئ المقصوف ..
يراودك ذلك تصد .. وتصيح بك نخوتك شوووف ..
شوف ، واستمتع بنكهة وجبة الذل المسائي ..
– العرض متواصل بفضل القنوات اللي حكومات العرب تصرف عليها بالملايين !!
والمشهد المُخزي عُرض مصحوب مع لحن ٍ حزين !! –
كانت هدى .. تتمرّغ بتربة قبور الفاتحين ..
تندب سيوف المسلمين ..
تندب صلاح الدين !!
وتصيح : يابه ..
آه يابه ..
آآآه ياابه ..
آآه من لدموع الاطفال البرئيه والغلابه !!
آآه من للصرخه اللي ترفض اليُتم وعذابه !!
آآه يابه ..
آآه من لي بعد موتك ..
من يوصلني لباب المدرسه بعدك يا يابه ..
من يدفيني بعز البرد في حضنه وفي ريحة ثيابه ..
من يناديني بعد موتك: يا بنتي ؟؟
من بعد موتك ليا مني سألته من أحب الناس عندك ؟؟
جاوب : انتي !!
آآه يابه .. آآه يابه ..
آآه وين القى بعد صدرك آمان ليا علا صوت القنابل وارتعبت ..
آآه وين القى بعد وجهك أمل إذا منعوا عنا اليهود المدرسة يابه .. وتعبت !!
آآه وين القى بعد فمك صباح الخير ، في اليوم الجديد ..
آآه وين القى بعد زولك فرح في يوم عيد !!
آآه يابه .. آآه يابه ..
هو بقى حاكم أبي ؟؟
في وطنّا العربي !!
وانا اعرف أني لو اوزّع صرختي من كل فم ..
ما سمعني – لو سمعني – حاكم ٍ كالمعتصم ..
واعرف أني لو بكيت اللي بقى لي من سنين ..
ما سمعني – لو سمعني – ناصر ٍ يشبه صلاح الدين ..
نام يابه ..
نام وانا ما رجيت الا الله الواحد ، ويغني عن عباده ..
نام يابه ..
واوعدك لاكبر على الايمان واحيا بالعباده ..
ان خفت طمن روحي القرآن ،
واتلحف ان جا البرد سجّاده ..
نام وانا اوعدك يابه ..
ما أنتظر حتى حماس وفتح .. تحضى بفرصة صلح
وإني لاحزّم خصري بأعتى القنابل ذبح ..
واعلّق ارواح امي واخواني على رقبتي قلاده
وادعي لي يابه بالشهاده ..
؛
إنتهى ( المحكي ) من المشهد وما لم ينحكى !!
بعضنا ما قاوم العرض .. وبكى !!
بكى .. بكى .. بكى .. بكى
حتى تعب .. ثم سحب ، مركى وحط ايده عليها وارتكى !!
وبعضنا سب الحكومة والرؤساء العرب ..
وبعضنا شال الريموت بكل برود ..
وحط روتانا طرب !!
فقلت : الثمي يًتمك ونامي يا هدى ..
كلنا مكسور بالعبرة .. ولا به فاعلٍ أو مبتدأ ..
ياليل ما بعدك نهار ..
ويا ذلنا المدرار .. ما منك فرار ..
لله در : النفط ، والتاريخ ، والأجداد الابرار ..
ما خلّوا لنا اعذار !!
ويا أمة المليار :
يا للعار .. يا للعار .. يا للعار ..!!
وسلامتكم
معليش طولت عليكمـ
جواهير
