الشيخ قالي فيك نفس قديمه…تعالـــــــــــوا

المهم رحت للشيخ وقرا علينا انا وزوجي الحمدلله ماحسيت بشي
بالعكس كنت طبيعيه بس حسيت ان اطراف اصابعي باااارده بالمره
وسالني وش تحسين فيه قلت له اطراف اصابعي بااارده قالي فيك نفس قديمه
قالي فيك قالون قلت ايووه قالي فيك غازات بالبطن قلت ايووه قالي فيك التهاب بالمعده وحرقان قلت ايوووه وطبعا هذا كله من زمااان فيني قالي ايه هذي اعراضها
وقالي الحمدلله ماتحتاجين قرايه مرة ثانيه لان النفس بتروح
بس قالي استعملي العلاج كويس وعطاني مويه وعسل نوعين واحد للصباح واحد بالليل استخدمه
وعطاني عود وقالي اطحنيه وحطيه بزيت زيتون وتدهني فيه كل ليله
وعطاني عزايم وقالي استمري اشربي منها طول اليوم ورشي على نفسك
واذا حملتي تعالي علشان اعطيك عسل نوع ثاني

ايه صح نسيت وقالي اول ماتوصلين البيت تسبحي بالمويه المقري فيها وراح تحسين بشوية تعب
اعرفي ان النفس اللي فيك راحت

وقالي لاتصدقين كلام الحريم يقولون تابعه ولا قرينه هذا كله كذب

الزبده من هالكلام كله
انا متابعه العلاج وتسبحت بتلمويه بس ماحسيت بشي

بالعكس اكثر شي حسيته انو كثرت مشاكلي مع زوجي على اتفه شي مالسبب؟؟؟؟

واليوم جتني الدوره عادي استخدم العلاج واشرب المويه والعزايم ولا اوقف ؟؟؟

والشيخ اللي رحت له اسمه وليد الخميس ابو زيااد احد يعرفه ولا لا ؟؟

ومشكورات مقدما وجزاكم الله الف خير