الصداقه والزواج موضوع مهم

بنات كيفكم انشاء الله تكونوا في احسن حال .موضوعي اليوم عن الصداقه والزواج بسألكم من فيكم كانت لها صديقه وتعتبرها زي اختها وكاتمه اسرارها وكل شي في دنيتتها تفرح مع فرحها وتحزن لحزنها وتواسيها في مأسيها باختصار تكون مثل الهوى الي تتنفسيه واحلام ورديه مع بعض ودكريات الى اخرة …..فجاة يتغير كل دا بس عشان هيا اتزوجت كيف وقتها بتحسين ؟؟أنا اولكم بجاوب لاني مريت بتجربه تركت جرح بقلبي انا اولا مشاء الله عندي صديقات الحمدلله موبس اعتبرهم صديقات بالعكس اعتبرهم كاخوات ليا وهداي الي بتكلم عنها الحين وحدة من صديقاتي بس هادي غير عنهم كلهم لانها معاي من المتوسطه الين الحين انا هادي السنه تخرجت من الجامعه والحمد لله تعرف كل شي عني واعرف كل شي عنها والكل في العيله يعرفها ويحبها كنا على طول مع بعض لين ماخشيت الجامعه وهيا لا عشانها ماجابت مجموع كفايه يدخلها الجامعه طبعا كنت بموت من القهر عشانها كان نفسي ندخل الجامعه مع بعض بس ربي ماقدر تدخل معاي المهم طول فترة جلستها بالبيت وهيا متكدرة ما تضحك زي اول وسارت امها تخلي الشغل كلو عليها وخلاص كانت كل يوم تشتكيلي وتبكي وتقولي سرت احس اني وحيدة مع اني في وسط اهلي بس احس ان الدنيا ضايقه بوجهي وكنت على طول اقلها ان الحياة حلوة ويوم من الايام بتضحكلك كانت ترتاح لكلامي خلاص مرت سنه ودخلت صديقتي قسم حاسب بس دبلوم عشان تضيع وقتها وفي نفس الوقت تستفيد بديت احس انها انبسطت عشانها تطلع من البيت وتروح وتنبسط مع البنات خلصت الدبلوم وبدات ترجع لحالتها الاولى ماتضحك ولا تسولف بس طول الوقت تبكي ومتضايقه المهم تغير تفكيرها وسار كله انها تبغى تتزوج وانها لحد الان ماجاء احد يخطبها وانا اقولها يوم من الايام بيجي نصيبك ويوم عن يوم يزداد تفكيرها حتى سارت تطلع للافراح كثير عشان تنخطب وقعدت سنتين على هادي الحال كل تفكيرها بالزواج حتى يوم من الايام دقت عليا وهيا طايرة من الفرح تقريبا كان دا في الاجازة الي فاتت وقالتلي بكل فرح انها انخطبت وقتها ماعرفت ايش اسوي اضحك ولا ابكي كانت مشاعري متضاربه مو عارفه ايش اسوي شوي حسيت ان دموعي نزلت من الفرح المهم قلتلها تحكيني بالتفصيل واول ماقفلت السماعه جلست ابكي ابكي من غير مااشعر جاء على طول في بالي الايام الي قضيناها مع بعض وكيف انها راح تتزوج وتسيبني قعدت الليله بكاملها وانا افكر وجات وساوس انها ببتغير زي مااسمع من البنات بس في نفس الوقت اقول مستحيل تسيني المهم مر شهر وجاء وشافها وبعدها باسبوعين الملكه وبعدها بشهر كان الزواج يعني زواجها كان كله في ثلاث شهور وتزوجت وخلصت ومر اسبوع اسبوعين وانا مااكلمها دقت عليا في الا سبوعين هادي مرة وحدة وكانت على طول ترسلي رسايل انها مرح تنساني ولا تتبتعد عني وان الزواج مرح يغير فيها شي المهم انا كنت مطمنه وكانو البنات يقولوي رح يجي يوم وتتغير عليك وانا كنت اطنشهم لانها على طول ترسلي رسايل تتطمني فيها مر كم شهر وهيازي ماهيا ماتغيرت تحكيني عن كل شي عن حياتها مع زوجها وانها تحبه زي دا الكلام المشكله انها سارت لمى تكلمني كلامها كله يكون عن زوجها يعني سرت مااقدر احكيها عن شي يسير ليا لانها ماتعطيني فر صه اكلمها بدات ازعل منها وصارحتها كم مرة وهيا زي ماهيا ولا كانها تسمع لا وكمان زاد على كلامها اهله وحماتها وعمتها الزبدة انو سارت حياتها الجديدة مسيطرة عليه كليا مايهمها احد غير زوجها سرت انا انزعج منها ماسرت ادق عليها الا لمن هيا تدق قل الكلام بيننا حتى حسيت ببعدها عني لدرجه انو شهر كنا مانكلم بعضنا وانا لمن اكلمها اكلمهابشوق واني مشتاقه لها اما هيا يدوب تقلي كيفك ايش اخبارك وبس ويكل برود زمان لمى كنا مانكلم بعض يوم نسير زي المجانين ونقعد نحكي لبعض ايش سار في دا اليوم بالتفصيل لكن الحين تقعد اسابيع ماتدق عليا خلاص طبعا بدات احاول انساها طبعا عندي صديقات في الجامعه سرت على طول معاهم طلعاتنا مع بعض فمع مرور الايام سرت انسهاا حتى لمن تدق عليا اكلمهابكل برود يعني سار الوضع عادي عندي لاكن الي صدمني وجرحني انو ليا شهرين ماكلمتها ولادقت عليا وهيا تدري انو عندي اختبارات لاكن مادقت خلصت الاختبارات ومر اسبوع بعدين دقت عليا رديت عليها قالتلي اطلعي بسرعه انا برة واقفه عند البيت وقتها طرت من الفرحه وجريت بكل سرعه فتحت الباب ودخلت كنت اتوقع تحضني تبوسني تقلي ايش مسويه لاكن توقعاتي كانت في غير محلها دخلت مدتلي يدها صافحتني عطتني كروت تعزمني لزواج احد اقربائها كنت وقتها في حاله صدمه قلتلها تفضلي قالتلي ماقدر زوجي مستعجل يلا باي وقفلت الباب وانا موصدقه الي جالسه اشوفه دخلت وكان احد طعنني في جسمي بسكين موقادرة امشي ولا قادرة اشيل نفسي دخلت على طول في غرفتي وانهرت والمنضر مو راضي يروح عن بالي وسار يمر في بالي شريط دكرياتي انا وياها واكل ماتدكرت شي ابكي بحرارة ولحد الان وانا في حاله صدمه ومافي الاانتو اشارككم احزاني داريه اني طولت عليكم وغثيتكم معاي بس اعدروني كنت ابغى اكتبلكم قصتي عشان تخففوا عليا واقول لكل وحدة راح تتزوج لاتتخلي عن الصداقه عشان الزواج لان الصداقه شي لا يقدر بثمن وانو مهما مرت الايام راح تحتاجين لصديقه توقف معاك في افراحك واحزانك انتضر ردودكم وابغى تفاعلكم معايا وشكرا:D