عالم البنات النسائي كل ما يخص المرأة العربية من ازياء وجمال والحياة الزوجية والمطبخ
المريض:
ياترى يادكتور أنا ممكن أعيش لحد مايبقى عندي 100سنة؟
الطبيب:
أنت بتشرب أو بدخن أو بتتعاطى؟
المريض:
لا أبداً عمري مادقت سيجارة أو كأس ولا حتى شديت نفس من شيشة
الطبيب:
بتلعب قمار؟
المريض:
لا ولاحتى كوتشينة ولادومينو ولاشطرنج
الطبيب:
بتسهر قدام التلفزيون أو الفيديو أو الدش؟
المريض:
ولا بأفتهم من أساسه
الطبيب:
ولا بتسهر على القهوة؟
المريض:
ولا عمري عتبتها برجلي
الطبيب:
بترهق صحتك ونظرك بالقراءة كتير؟
المريض:
بالعكس أنا أطيق العمى ولا أطيقش الكتب
الطبيب:
طيب بتقعد كتير قدام الكمبيوتر أو الانترنت؟
المريض:
ولا كبيوتر ولا إنترنت
الطبيب:
طيب بتسافر على طرق خطيرة أو بتسوق كتير؟
المريض:
أنا لا عندي عربية ولا بسافر من أصلة
الطبيب:
طيب بتلعب أي رياضة عنيفة أو مرهقة؟
المريض:
ولا عمري عتبت نادي ولا لعبتش حاجة من أيام ثانوي
الطبيب:
بتحب؟
المريض:
لا بحب البنات ولا بيحبوني
الطبيب:
أمال عايز مية سنة تهبب فيها إيييييييييييييييه ❗ 😥
