الطيبه ماتنفع مع هالاشكال

صراحه مو عارفه كيف أبدأ موضوعي بس عندي سؤال ليييش بعض البنات الله يهديهم فيهم الغيرة والحقد
وخصوصا على الطيبات ؟
يعني جد أستغرب كيف يقابلون الحسنه باساءه ؟ ليش مايخجلون من أنفسهم
صراحه أنا كنت أحب أخوات زوجي وأحترمهم جدا وكنت أعتبرهم
أخوات الي وماكنت أقصر معهم في شئ كانت عمتي تقول اذا عندك ملابس ماتبيها جيبيها لبناتي وأنا والله
كنت أخجل أعطيهم ملابس ملبوسه كنت أعطيهم ملابسي الجدد
وماقصرت معهم بأي شئ لا بملابس ولا عطور ولاغيره و بالعكس أفرح لو يبون من عندي شئ
وكنت ومازلت طيبه معهم وأنا حقيقه مو ناقصني شئ الحمد لله
بنت متعلمه ومثقفه وجميله وقبل هذا كله أخلاقي ماعليها كلام
بس لاحظت غيرتهن مني والله لدرجة انهم يتكلمون بشويش بينهم ويتقصدون
انهم يتكلمون علي ويضحكون أنا وحده واثقه من نفسي واذا يبون يضحكون على خيابتهم وحظهم الطايح وهالحركة بالعكس تزيد ثقتي بنفسي لأن تحسسني شكثر أنا مأثره فيهم وانهم ميتين غيره مني ولا مافي داعي لحركة الهمج هذي حتى لما قلت
لأختي عن حركتهم قالت والله حاله ماباقي الا هالأشكال تتكلم عليك وقالت لي
أقطع علاقتي فيهم ولما قلت لزوجي قال أكيد غيرانين منك
ولا ما أشوف فيك شئ ينعاب أخلاق وجمال ومو ناقصك شئ
وقال لي لاتبيني الهم انك زعلانه وطنشيهم
السؤال أنا تهمني عمتي وما أبي أزعلها مو عشان شئ لشخصي لا عشان زوجي بس
وأخواته دائما معها ولو جلست معها الصباح راح
تطلب مني أجي في المساء أجلس مع بنااتها
راح أوضح الكم شئ هم غيرانين مني ليش اني أجمل منهم
ودايم أتكشخ طيب أنا أتكشخ لزوجي ولنفسي وما أحب أظل مثلهم
مبهدله يعني والله العظيم يمكن تمر سنه وهم ب 3 بيجامات قديمه مايغيرونها
مو ماعندهم فلوس لا, بخل واهمال وفلوسهم للأكل بس
هذا غير شعورهن اللي مايمشطونها وياليت بعد شعورهن حرير الا
بقمة التجعيد يعني عشان أعجبهم يبوني مبهدله مثلهم ؟ مستحيل هالشئ يكون
وطبعا أنا ما أبالغ بترتيب نفسي
شعري بطبيعته طويل وحلو فاللي أسويه مثل أي بنت تهتم بحالها أستحم في اليوم مرتين
وألبس ملابس ناعمه غير متكلفه وأحط لي مسحة بودره وكحل وروج خفيفه
وشعري أخليه على طبيعته لاتساريح ولا غيره
وين الغلط اللي سويته عشان يعاملوني هالمعامله؟
وفي حركة … دائما يقولون لي شرينا هذا بسعر كذا يعني فستان ب 300
يقولون خذيناه ب 2500 أو 3000 يحطون سعر مبالغ فيه هذي لو غبيه بتعرف كذبهم !!!
وخذينا منام بسعر 1600 وأنا شايفه مثله بالضبط ب 350 ولما أنا أشتري شئ وأقول سعره
يسوون حالهم مو مصدقين تخيلو وأنا أقول سعره الحقيقي وجدا معقول
يعني ما أروح أتباهى بالعكس أنا أفتخر لما أخذ شئ حلو بسعر رخيص
أحس انو مو منصوب علي بقيمته ؟
السؤال كيف التعامل مع هذول ؟وهل أقطع علاقتي فيهم ؟
وأيش أسوي عشان زوجي مايزعل مني علما لو زوجي خبر أمه راح ينكرون ويتقولون علي ويطلعوني أنا الغلطانه
وهذا اللي يبونه