عالم البنات النسائي كل ما يخص المرأة العربية من ازياء وجمال والحياة الزوجية والمطبخ
http://vb.eqla3.com/images/icons/072.gif العناية بشعرك من الألف إلى الياء.. مهما كانت نوعيته
هاااااي يا حلوات
جبت لكم شوية نصائح للعنايه بالشعر والصراحه مررره مفيده واكتشفت اشياء كنت اسويها بشعري غللللط مثل اني امشطه وهو مبلول او اني اقرب السشورا من كشتي http://vb.eqla3.com/images/smilies/007.gif
عشان تعتنين بشعرك مهما كانت نوعيته لازم تعرفين ان لكل نوع من الشعر عناية خاصه تفرق عن غيره
واول شي نبدى فيه طرق تنظيف الشعر :
غسل الشعر
تغسلين شعرك جيدا بالماء الين الجذور قبل ما تحطين عليه الشامبو اللي طبعا لازم يكون ملائم لنوعية شعرك
وفيه طريقه مفضلة هي انك تحطين الشامبو في يدك وتحطين عليه مويه شوي وبعدين تحطينه في فروة شعرك وانتبهي تتحممين بموية حاره لانه تسبب الاضرار لشعرك وتتلفه وبعدين دلكي شعرك بلطف وانتبهي تخدشين فروة راسك بأظافرك مع الحماس لللنظافة
تلطيف الشعر
استعملي بلسم خاص لنوعية شعرك عشان يعيد الرطوبه لشعرك وصحته ويعزز مقاومته أمام كل العوامل الضاره زي مثلا شمس الجامعه المخيسه http://vb.eqla3.com/images/smilies/n/sm1.gif استعملي البلسم بعد ما تغسلينه بالشامبو وحاولي تعصرين كل المويه الموجوده فيه وبعدين حطي شوي بلسم وخليه تقريبا لمدة 3 دقائق وبعدين غسليه كويس
تمشيط الشعر
التمشيط شي مرررره مهم في الحفاظ على تألق الشعر وتحسين بنيته وتعزيز لمعانه عشان تتوزع افرازات فروه الراس الطبيعيه بالتساوي على كل الشعر وتساعد على فك التشابك عشان كذا خبراء العناية بالشعر ينصحون بتمشيطه وخصوصا اذا كان طويل ومن النوع اللي يتشابك
استعملي المشط الي يكون اسنانه عريضه وانتبهي تمشطين شعرك وهو مبلل لانه اضعف بكثير من الجاف ويتكسر بسهوله اذا مشطتيه بدفاشه http://vb.eqla3.com/images/smilies/007.gif اعصري شعرك كويس قبل ما تبدين بالتمشيط وانتبهي تفركينه بقوه عشان ما يتكسر ويتقصف
وعشان تحمين شعرك قبل التمشيط انصحك انك تستخدمين ملطف ما بعد الاغتسال زي (Cristal) تلقونه في زهرة مي اللي في الملك عبدالله او اي مكان يبيع ادوات العنايه بالشعر مرررره حلو يساعد في فك التشابك خصوصا للناس اللي شعرهم عراده وانواع الطقاق فيه
اما اذا كان شعرك مجعد ينصح الخبراء بتمشيطه وهو مبلل ومنقوع بالملطف لانه تمشيطه وهو جاف يؤدي الى وقوفه وتكسره http://vb.eqla3.com/images/smilies/007.gif
تجفيف الشعر
بعد الانتهاء من غسل الشعر يحين وقت تجفيفه ، جففيه أولاً بالمنشفة حتى يصير رطباً ثم باشرى تجفيفه إن شئت او اتركيه يجف تلقائياً اذا قررت تجفيفه بالمجفف الكهربائى لا تعتمدى خيار الهواء الساخن لأنه لا يؤذى شعرك ويجففه فقط بل يصيب فروة رأسك بالحروق . اياك أيضا تقريب المجفف من رأسك كثيراً بل أبقيه بعيداً عنه مسافة معقولة ولا توجهيه إلى الخصلات وقتاً طويلاً .
جففي شعرك اول شي بالمنشفه الين يصير رطب وبعدين جففيه بالسشوار ولا خليه الين ما ينشف من نفسه واذا كنتي ناويه تجففينه بالسشوار لا تحطين على الساخن لانه يؤذي الشعر ويصيب فروة الراس بالحروق وحاولي انك ما تحطينه على الخصل وقت طويل منعا للتلف
عاد كلش الا شعورنا http://vb.eqla3.com/images/smilies/004.gif
بعد ما عرفنا كيف طرق العنايه بالشعر الاوليه نجي الحين لمشاكل الشعر المخيسه
تساقط الشعر
للتساقط اسباب كثيره اهمها سوء التغذية اللي تسلب الشعر ميزاته الرائعه وخصائصه فبالتالي تسبب تساقطه وضعفه وتخليه رقيق <<<خصوصا للناس اللي يعملون دايت ، الشعر القوي والصحي هو نتيجة نظام غذائي غني بالفيتامينات والمعادن والاشياء الخضراء زي الجرجير والخس وذي الاشياء انا ما ادانيها احس اني ارنب لما ااكلها
عشان كذا انصحكي اذا لاحظتي شعرك ضعف عدلي نظامك الغذائي او سوي زيي خذي فيتامينات من GNC مرررره تجنن للشعر والاظافر والبشره واستعملي مستحضرات العنايه بالشعر وسوي حمام زيت مره وحده على الاقل كل اسبوع عشان تغذيه وترجع تالقه ولمعانه ونعومته في وقت قصير انشالله
الأطراف المتقصفة
رغم انه لا يوجد حل جذري لهذي المشكله الا انك تقصين شوي من اطراف شعرك كل شهر تقريبا عشان تحمينه من التقصف واستعملي مستحضرات اللي بعد الشاور للعنايه بالشعر المائل للتقصف
لمعان الشعر
يفقد الشعر لمعانه بسبب نقص الرطوبه الطبيعيه عشان كذا حاولي قد ما تقدرين على ترطيبه باستعمال اقنعه خاصه وكريمات مرطبه عشان ترجع له الرطوبه من بعد ذا الجو الاليم اللي عندنا http://vb.eqla3.com/images/smilies/n/sm17.gif وانصحك انك تحاولين ما تستعملين السشوار كثير واذا كنتي فاضيه وما عندك شي حاولي تدلكي فروة راسك عشان تحفزينها لافراز الافرازات الطبيعيه خصوصا اذا كان شعرك مجعد
تشابك الشعر
لان تشابك الشعر مشكله يعانونها اغلب البنات ينصحون الخبراء بالمحافظه على نعومته عن طرق استعمال البلسم بعد غسل الشعر وتجفيفه، حطي البلسم على شعرك من الاطراف والين فوق مع تجنب تمشيطه من الجذور لانه يؤدي الى ضعفه وتساقطه والاحسن انك تمشطينه من الاطراف اول شي عشان تفكين التشابك
الشعر والبرد
طبعا احنا ما عندنا ذاك البرد يا حسره ما غير خايسين في ذا الجفاف المقحط
بس في حالة انك كنتي في جو بارد اول شي تسوينه هي لف شعرك بشال او تلبسين ice cap قبل ما تطلعين للهواء الطلق واستعملي مستحضرات اللي تخليه ناعم طول الوقت عشان ما يتعب شعرك وهو متغطي زينا مثلا من الطرحه
الشعر الملون
الشعر الملون الحين صار على راس كل بنت قليل ما تشوفين بنت شعرها اسود واذا كان اسود تلقينها صابغته الزبده اغلب البنات يصبغون شعرهم بس الحمدلله ان اغلب الصبغات يكون فيها ملطفات وملمعات اللي تخلي الشعر يلمع انتبهي تبخلين وتشترين صبغه رخيصه لانها بتعدم شعرك وانا انصحك بويلا او مس كليرول لان تركيبتها مررره حلوة ولطيفه على الشعر
اتمنى تكونون استفدتوا من النصائح اللي جبتها لكم واهتموا بشعركم ترى احلى شي في البنت شعرها http://vb.eqla3.com/images/smilies/060.gif
وتراااااااااه منقووول
