عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن
السلام عليكم ورحمة الله وبركاته
العيد باقي عليه أيام
واكيد الكل الحين يفكر يجهز نفسه من بدري وان كان به ناس على اخر لحظه من لليل العيد< مثلي
لابد هالنزله ياكثر ما اقول بخلص من بدري افضى للبيت وترتيبه بس لازم هالخرابيط اللي ماتخلص حلويات
هدايا للصغار واشياء واشياء يالله اللي بي اسوي له هديه يعلمني ترى انا اختارها حبه حبه
المهم على هالعيد وملابسه جايه ملابس الشتاء وذا صغر على البنت وذا قصر على الولد
ولا سمعت ان فيه حريم مهبل لازم تخسر على اللبس الواحد 1500 او 700 على الاقل وكلها لبسه وحده الله من زود هالبطره
ماسمعت ان الزين زين لو لبس خيشه والله يعينك يا رجلها ياويله وسواد لليله ان ماجاب لها الا تبي ولا بعد زد عليه الكوافيره ومشتاقتها
الا من رحم ربي تلاقيها ترضى بالقليل يالبا قلبها بس وقلبي معها <
غير كذا تحبق في رأس بعض الحريم التغير كل عيد في البيت وتعال لازم يترمي هالكنبه ما اعجبتها يا تحرق السجاده بالعاني وتقول انحرقت
المهم الدعوه كلها مصاريف وماصاريف وخاصه لما نكون على موسم
طيب هل فكرت هل فكرتي في يتيم ارمله مطلقه وش حالهم
يــبه تذكرتــك وانا بأول العيــــد .. وقت الصــلاة ودمعتى عايدتـــنى
ماعنده اب يصرف عليه ماعندها زوج يصرف عليها وعلى عيالها
اكيد ويمكن البعض يقول اي بالله فكرنا ايه طيب فكرتو انكم تعطونهم ملابسكم القديمه اللي صغرت على عيالكم او اللي ماعد تبونها صح وهذي مافيه شئ الجود من الموجود
لكن وش يضايق لو لما تشتري او تشترين الى عيالكم او انفسكم تاخذوه لبسه لبستين زايد لليتيم او لبسه للأرمله
وتقدمونها لهم راح يفرحون بها اكثر لانها جديده ولا انها ما قد لبسه احد ورماه عليهم لما استغنى؟
شفتو قد الفرحه اللي تدخلونها عليهم كيف جزاه اعظم عند الله
يعني وخيتي خلي عنتس البهلله الزايد والفشخره على الفاضي تكادين بنت عمك ولا اخت رجلك انا احسن وعيالي احسن
وفري لأخرتك ابرك لتس ترى ماهن نافعينتس هالحريم وماكيدتهم!؟
فرحي قلب مشتاق من يفرحه وصابه ماصابه من يتيم وفرحي ارمله فقدت عمود بيتها
وانت اخوي اكيد هالعيد غير عيد اللحمه مثل مايقولو لو تفرح قلب اسر فقيره بداخل خروف عليهم لك الاجر عادي حتى لو تيس اهم شئ يحسون ان ماجيوب لهم اهم
منقوووووووول بتصرف
