عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مثل ماوعد اخواتي انقل لهم عن لسان سيدة كبيرة في السن عندما سالتها كيف ينظفون المنطقه الحساسة قديما
وهم لا يعرفون كريم ولا حلاوة ولا مكينه ولا يحزنون
نقلت لها ما قرأته من النت حول الموضوع وقلت ياام احمد المواضيع ذي لقيتها في النت وش رايك انتي وكيف كنتوا تصرفون قديما؟
قالت
يابنتي زمانكم احسن من زمانا فيه اشياء كثيرة وسهله لكن احنا لول (( لول)) يعني قديما
ماعندنا ذا كله ولا نعرف هذا ولكن كان فيه طريقتين كنا نستخدمها والحمد لله يابنتي ماعرفنا الاسوداد ولا الترهل ذا اللي انتوا تحكوا عنه بالعكس يمكن احنا الحين وبذا السن احسن منكم وهذا رايكم يابنتي والشعر اللي عندنا قليل.
انا قلت كيف ياام احمد ؟
قالت هناك طريقتين وحده بسيطه ومتوفره والثانيه صعبة في الاعداد والوفره لكنه احسن والشعر يطول شهور لحتى يظهر .
قلت قولي
قالت الطريقه الهينه السهله الاولى الرماد ويابنتي ماهو اي رماد لا رماد الحطب اللي احنا ناخذه من السمر الجاف
بعد ما نشعله ويصبح رما د نستخدمه زي البودره العاديه ننثره على المنطقه ومن ثم نفرك المنطقه التي بنبدا بها قبل وننتف بها بعد الفرك.
ليه الفرك ام احمد ؟
الفرك ينوم المنطقه (( ينوم )) يعني يخدر.
ثم ناخذ الشعر بالتدريج فيكون سهل كثير ونظيف مره
الطريقه الثانيه تبي يابنتي شغل كثير
اولا ناخذ الحب (( الحب هو الفخار الذي يوضع فيه الماء قديما للتبريد)
ناخذ كسرة منه ونرميها وسط نار حاميه حيل ولما تنتهي النار ناخذ قطعة الحب ونسحنها (( نسحنها اي نطحنها ناعما ثم نستخدمها كبودره مع الفرك والنتف ويبطي الشعر حتى يطلع (( يبطي يتاخر نموه )) وحتى بعد يمكن مايطلع!!!
هاه وش رايكم ؟
الصراحه السالفه ماتبي سكوت انا لن اتوقف عند هذه النقطه لكن راح اسال واسال واسال وراح نزودكم باخر الاخبار
المهم والشاهد الله اني سالت بنتها قالت يالناعسة تصدقي على ان امي في الثمانين الا انها كنها طفلة يعني الشعر ان وجد اشقر وخفيف وماله طاري!!
هنا لازم اسال طبيب جلد لكن صبركم علي
هذا الموضوع واتمنى اشوف ردودكم عليه ولي عوده
شكرا للجميع
الناعسة
