القسم كله يبي ينحف .. طيب انا ابي اسمن < بتنطرد :)

السلام عليكم ورحمة الله وبركاته

شسمه

اخباركم ..؟!

< تحسون وحده خايفه 😉

انا عن نفسي للي تبي تسأل عني بخير ونعمه والحمد لله

بس عاد واصله حدي ومحبطه

ويوم دخلت هالقسم زدت احباط 😈

حسيت انه محد حيشجعني 😀

كلكم ماشاء الله تدورون الرشاقه .. وتبون تنحفون .. وانا ادور الرشاقه .. بس ابسمن شوي

خلااص وربي اكتئبت

المعروف ان الوحده لاتزوجت وولدت .. تسمن شوي

انا واعوذ بالله من كلمة انا كسرت القاعده 😆 🙄

كل من شافني يحسب ان الرجال يصومني ويااكل غداي 😛

جد قهههر

وزني هو وزني على الميزان .. لكن شكليا تغييييييير كثيير

قبل زواجي صح يتراوح من 43 الى 46 هذا ان زاد زاد

لكن يرجع جسمي انثوي .. فيه معالم

تزوجت وحملت وعلى الشهور الاخيره تنفخت من الحمل .. بس كمان مو ذاك الزود

يوم ولدت ماتغير جسمي كثير

الا اللهم اني على اخر الاربعين صرت اشتري اكبر من مقاسي بمقاس

وفرحت ومحد قدي وقتها

الحين كل ملابسي اللي تقضيتها بعد نفاسي غير اطويها من عند الخصر عشان تمسك ❗

وحتى ملابسي حقت زواجي .. صاارت مرره واسعه .. الا مارحم ربي

على كثر مافي دولابي .. ماالبس غير كم طقم ومن القطنيات عشان تطلع شوي مرتبه

وكله كووم ولا لبست البديهات اللي تنربط من وراء الرقبه كوم ثاني

من وراء اجي كأني هيكل عظمي يشرحون عليه بحصة علوم 😆 hy:

جد مكتئبه وواصله حدي

كل اللي حولي يبون ينقصون اوزانهم .. وانا ابي ازيد

يعني .. اغسلوا يديكم احد يشجع 🙂

من اسبوع قررت قرار .. الا وهو

البند الاول 😆 🙂

اني اسوي تحاليل واشوف وش فيني .. سويت تحاليل كبد وكلى وتحليل شامل للدم

والحمد لله نتائج التحاليل كلها اوكي الا اللهم نقص بسيط بالهيموجلوبين نتيجة النزيف اللي جاني من كم يوم 😳

البند الثاني ..

اني اكثف اكلي بشكل واركز على الاشياء اللي تزيد الوزن

بدأت .. فطور افطر سندويش فلافل .. بعدها بساعتين معمول وبسكوت ووطقطقه .. الغداء كمان شيء دسم ..

المهم اني يوم السبت قست وزني لقيته 45

اليوم قسته على اخر الدوام لقيته 44 وربع 😈

جد انصدمت واسودت الدنيا بوجهي < يمديكم على التعبير 🙁

لااحد يجي يقولي كثري كذا وكثري كذا

ابغى زي مالدبيات < بررا 😆 hy:

زي ماصاحبات الوزن الزائد يسوون قروبات .. ورانا حنا يالهياكل مانسوي ➡

عطووني حل

والله صرت استحي من زوجي لما يجلس يتلمس ظهري < احس انه بينه وبين نفسه جالس يعد كم عظمه 😀

عندي مناسبه بنص شهر 7 .. ومافيني والله اروح اضيق باللبس اللي ابشتريه

بعدين كل اللي بيحضرون هالمناسبه .. ناس انتقاديه درجه اولى .. ومايتكلمون بوجهي .. بالعكس يروحون يسالون امي وش فيها ووش مافيها

عاد هي تجي زعلانه وضايقه وتهاوش 😆 🙂

جد مالي خلق اسئله غبيه .. ولا تعبيرات اغبى واغبى

ابغى وحده تكون جربت شيء ونفع معها اكيد

وابغى ناس تشجعني 🙁

شرايكم .. نسوي قروب < وحده غارت من القروبات الباقيه 😆 🙂