القلب والنبض والروح يا سارة … تفضلوا حيااكم .

خاطرتي هالمرة بين الروح وساارة >> سارة أحس ما يليق للكتابة إلا اسم ساارة 💡

سارة
آلا يا وسع هالكون وكبر سماءه وبعد أقصاه
آلا يا كثر ناسه غير أشكال وغير وجوه وغير قلوب

وسع هالكون على ناس وضاق الكون على ناس
وسع الناس و بعد أقصاه وصار الناس به أصحاب
وضاق بناس وقرب أقصاه وصار الناس به أغراب
صرت غريب وحولي أغراب وملامح غير مفهومة
وجه يضحك وقلب أسود ووجه جامد وقلب أبيض
ووجه يضحك وقلب أبيض ووجه جامد وقلب أسود
ملامح غير مفهومة عجز من هو يفهمني

وجاءت الروح تفهمني تبيني أرجع إنسانة
وتعيد البسمة لشفاتي عقب ما راحت مع نفسي

الروح :
ترى هالكون يا سارة خلقه ربي دوم يدور
تصير الضيقة بالإنسان ويجيه العزم ويتصدى

سارة :
بس الكون عندي ثبت وما ظني بنوب يدور
والضيقة صارت غطائي يجيني العزم وتتصدى

الروح :
شيلي غطاك يا سارة عسى يجيك دفء وسرور
أنا ما جيت إلا من شوفة الناس بخير و تتهنى

سارة :
هذولا الناس يا روحي عاشوا بنفس جباره
وانا منهم صارت نفسي مكسورة وتتشكى

الروح …
أجبري كسرك بنفسك وخلي الناس مقهورة
عشان النفس أمحي القيل والقال وخلي النفس تتعافى .

سارة :
والجرح ..

الروح :
وين الجرح ..

سارة :
ما راح يلتئم …

الروح :

في القلب ..

سارة :
القلب مات عقب الجرح ..

الروح:

والنبض ..

سارة :

ضاقت عليه النفس وما قدر ينبض ..

الروح :

القلب والنبض والروح ياسارة
نريد نعيد الدم لشرايينك وتشوف البسمة من شفاتك ..

سارة :

يا روح روحي في أمانة الله ..
والدم ما عاد بيمشي في شراييني ..
إنسانتك يا روح ..
أعلنت وفاتها وما عاد للروح رجعه
وتنتظر من الكون يحضنها داخل ترابه ..