عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
طبعا كل الامهات عارفين ان الدكاترة بيكتبوا كالسيوم للأطفال غالبا من 4 شهور مع انه كمان المفروض من شهرين بس اغلب الدكاترة بتكتبة من 4 والام غالبا بتهمل اصلة فيتامين مش مضاد حيوى مثلا ومرة تدية ومرة تنسى ومرة تكسل ومرة الطفل يتفة وهكذا وترجع تشتكى الواد ما بيسحفش الواد ما بيسننش الواد ما بيقفش او غلبنى فى التسنين وسحف متأخر اوى
طب دى غلطة مييييييييييييييييييييين ؟
طبعا الام
تعالا نشوف ايه أهمية الكالسيوم للأطفال وانه لازم الأطفال تاخدة
اولا طبعا عارفين الطفل المفروض ما يشربش لبن خارجى غير لبن الأم قبل سنة واعتمادة بس على لبن الام لبن الأم ده مفتقر جدااا للكالسيوم اصل غالبا الأم بيبقى عندها نقص كالسيوم ومش بتشرب لبن كويس صح ولا انا غلطانة؟
ثانيا طب تعرضية للشمس ؟ لا طبعا اصل اغلب بيتنا مابتدخلهاش الشمس اصلا
لكن لو عندك بلكونة حلة بتبقى فيها الشمس الصبح قبل الساعة 10 حطيه ده بيساعد فى تكوين الكالسيم فى الجسم عريرله ايدة ورجللللةعشان بيتحول فى الجلد مش حاطه بكامل هدومة بالايس كاب كمان ومفيش فتفوتة جلد معرض ووكمان مهم اوى لغاية الساعة 10 مش الظهر لان فى الوقت ده بيبقى فيه اشعة ضارة فى الشمس يعنى يا الصبح بدى يا قبل المغرب على طول
ثالثا الأكل مادام مش قادرين نشربة لبن قبل ما يتم سنة طب فى أكل تانى فيه فيتامين دى اللى بيحل الكالسيوم زى كبدة الفرخة صفار البيضة يبدأ الطفل يا خده من بعد ما يتم 6 شهر عشان ما يبقش تقال علية قبل كدة
لو انتى ام حلوة بقى انتظمى فى الكالسيوم قعدية فى الشمس ان شاء الله 10 دقايق بس واكلية صفار بيض و كبدة فرخة
طب لو ماعملتيش كدة اصلا اغلب الاطفال بيبقى عندها نقص كالسيوم لاننا كامهات عندنا نقص هيحصل ايه ؟
1-هتلاقية اتاخر فى التسنين ا بيسنن بصعبة شديدة ويضل لثتة مورمة كام شهر على ما يشق
2-هيتأخر فى السحف و بالتالى القوف والمشى
3-فتحة دماغة اللى من فوق هتلاقيها اتاخرت فى القفل وممكن تأثر على شكل دماغة لان دماغة بتكبر طول ماهى مفتوحة زيادة شوية عن الطبيعى
4-واكبر مشكلة لو عنده نقص كالسيوم جامد هو تقوص العظام ولين العضام وكسااااااح طبعا مشاكل كبيرة مع ان حلها بسيط معلقة صغيرة كالسيوم كل يوم
اغلب الدكاترة بيكتوا بيديكال
ودى وصور للكساح عشان تخافوا على اولادكوا وماتهملوش
بس البنوتة امورة ازاى لكن رجلها عاملة ازاى
ربنا يحفظ اولادنا واولاد المسلمين يبارك فيهم يااااااااااااااارب
