عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
مساء الورد..لأحلى اخوات..
بصراحه عجبتوني بتعاونكم واشتراككم في هموم بعض..وارائكم المفيده.
فلم اجد من ابوح له بهمي بعد الله سواكم..
الموضوع بإختصار:عمري (19)…اهلي غالين على قلبي لكن للإسف ينظرون لي دائما نظره دونيه
يعني أي شيء سلبي يحطوه فيني مباشرة واي شيء ايجابي ينسبوه لأختي الأكبر مني بسنه وسبع شهور(ن) وان كانت ماسوت شي!!
طبعا لأن شكلها حلو وانا في نظرهم شييييييينه(اهلي ماقدروا قيمتي وفيه بنات منهبلين على شكلي آآآآآآآآآخ يالقهر)..والله مو وهم او احساس فقط فيه مواقف كثييير تثبت كذا..جينا من السوق انا واختي الجميله وورينا اخواتي الكبار(متزوجات وهن في العشرينات) اغراضنا اذا شافوا شيء حلو يقولون اكيد هذا ذوق(ن) طبعا انا اتحطم لإني لما اناقشهم واقول انا
يقولون انتي غايره منها..
الحمدلله الذي يعلم اني لااغار وانا احفظ قوله تعالى:(ام يحسدون الناس على ماآتاهم الله من فضله)..(والله يرزق
من يشاء بغير حساب)..في البدايه كنت اعلم(ن) وافضفض لها رغم انها هي الطرف الآخر في المشكله لكن
لأني تلقائيا كنت احبها ولا اغار وافرح لها ..وبعد اعلمها ان صديقاتي يمدحونها على شكلها رغم
تعليقاتهم وتجريحاتهم لي ..واعلمها مدح قريباتي لها وافرح لها ..
لكن الآن كثر المدح وكثروا الخطاب وصارت امي تمووووووووت فيها موووت واخواتي يفتخرووون بها جدااا
وابوي واخواني يخافوا عليه من العيييييين..فاغترت كنتيجه طبيعيه..وشافت نفسها انها واااو ملكة جمال
مع ان فيه بنات احلى منها كثيير..
ولما ابوح لها مره ثانيه بكثرة المواقف الي تأتيني من ورائها بحكم الأخوه الي بينا تنظر لي اني اغار منها وصرحت لي بطرف لسانها إني سأقتل نجاحها..طبعا لإنها ماتبغى تعترف او تحس انها سبب في تحطيم إنسان مع ان كل الي ابغاه منها تسمعني بس ارتاح افضفض لأن انا حساسه جدا وعندي قولون( لإني من طفولتي امتهن واحتقر بسبها والأطفال يتركوني ويروحون معها)..ولااحب اطلع مشاكل البيت لزميلات الكليه علما بأن صديقاتي من دخلنا الكليه تفرقنا و(خانوا العشره)ابغى اسولف اقول لأحد حتى يحسسني انه واثق فيني وبقدراتي وبشكلي واني ما أغار..اخواتي وامي مستحييييل لأنهم يعتبروني أغار..
ياربي شخصيتي خربت صرت امنع نفسي من حركات وكلمات واكتم مشاعري حتى مايقولوا غايره..
صرت ارتبك اذا اجتمعت انا و(ن) عند احد افراد العائله واكره اتكلم واتمنى الأرض تنشق وتبلعني..
احس ان الناس يقارنون بيننا ويقولون سبحان الله ماكأنكم اخوات لأني بالفعل دائما اسمعها..
قطعت زياراتي لأقاربنا وماشكيت في اهلي على بالي انهم بيتفهمون وضعي لكن الإسف انقلب علي وصار من صالح(ن) صاروا يقولون انتي معقده وراعية مظاهر تخربين الروحات علينا..
و(ن) ماشاء الله عليها عسل من يوم هي صغيره اي روحه تروح لها (طبعا مستحيل تفوت على نفسها المدح والشهره التي بتجيها من هذه الزيارات)
ولازم اكون قاسيه حتى اخذ حقي ..تعلمت الجرح والسفه عشان اكون مستعده لأي صدمه من اهلي..طبعا لما مانجح معهم الين والصبر ومقابلة الإساءة بالإحسان..
كثير ماأتمنى ان الإنتحار حلال عشان ارتاح من دنيا الحقر والسفه والإهانه من طفولتي إلى الآن تلازمني..
وش اسوي يارب فرج همي ..وهم اخواتي الي بيعطوني حلولهم يارب..
عن romechul
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …