عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
هذي اول مشاركه لي بالمنتدى بعد
ماحسيت براحه للاخوات وتفاعلهم مع
المشاكل قلت اطرح مشكلتي عندكم
يمكن اتخففون عني اشوي لو على
الاقل بدعوه في ظهر الغيب…
انا عمري 20 سنه ومشكلتي هي اني
احب 😳 واحد من اقاربي يصير ولد خال
ابوي واكتشفت انه يحبني 👿
بس لايروح بالكم بعيد ترى حبنا طاهر
وشريف ولاعمري كلمته…
هو كان دايم
يجي يجلس في بيتنا مع اخواني وانا
اتعلقت فيه وحبيته من كثر ما اخواني دايم يمدحون فيه ➡
المهم ماطول عليكم في مره من المرات طبعا اختي الي اكبر مني هي الوحيده الي تدري اني احبه وطبعا
قالت الى رجلها اني احب ولد خال ابوي وفي مره كنا رايحين محل ورد 😡 وهدايا كنت قاعده اختار هديه الى صديقتي
قام رجل اختي اخد ورد وقال بروح اوديه الى حبيب القلب وبكدا بيعرف انك اتحبيه وانا خلاص استحيت وعصبت في اختي ليش اتقول الى رجلها عني ومن هالكلام… ❗
وقلت لا الله ايخيلك لاتوديها وهو اصر
انه يوديه وفعلا راح عطاه اياه قال له خد هذي لك 😉
قال له غريبه جايب لي وردة 😆 hy:
قال له مو من عندي من عند ناس يحبوك 😥
استغرب هو قال مين الي يحبني 😆 hy:
قال له في وحدة اتحبك وتموت فيك قال له لا ما اقدر اقبلها لانه انا في بالي وحده واحبها 😡
قال له رجل اختي مين. 😈 ؟؟
وقال له انه انا 😳
قال وهذي الورده من عندها هي الي تحبك وتموت فيك ❗
وهو خلاص طار من الفرحه ماصدق عمره 😉 قال اكيد انت اتكدب علي او تمزح معي:D
وقام وصل الي كلام عن طريق رجل اختي انه يبغاني استناه وانه مابياخذ وحده غيري
وانا قررت اني استناه وصار خمس سنين وانا استناه وكل من جاني رفضته عشانه اتقدمو لي ناس كثيييير وانا ارفض وفي هالفتره اتقدم لي واحد وواهلي كلهم موافقين ومبسوطين ايصير اخو مرت اخوي
وانا خلاص ماعرفت اسوي شي كيف ارفض واهلي موافقين 😆 🙄
قام رجل اختي اتصل له وقال له بالموضوع قال خلاص انا كلمت اهلي وهم رافضين اني اخد من هالعايله
بس برجع اكلمهم مره ثانيه وبحاول اقنعهم الين يقتنعو بس ماقال لاتخليها اتوافق 😆 🙄
ايقول انا خايف اقطع نصيبها وبعدين مايصير نصيب بينا…
والله يابنات انا خايفه اتخيلو هو قال الى رجل اختي انه يوم ثاني بيرد عليه عشان اهله وافقو او لا وصار له اربع ايام ولا اتصل وحتى رجل اختي يتصل عليه مايرد وفوق هدا قفل جواله بعد
وانا محتاره ويش اسوي … 😆 🙂
انا خايفه عليه خايفه صار له شي:)
وفي نفس الوقت مو عارفة كيف اتصرف
اقسم بالله اني في حيره كبيره
احس انه اهله رفضوني عشان كذا هو يتهرب 😥
الله يجزاكم خير ادعو لي انه يصير نصيبي بحق هاليوم الفضيل…
آآآآآآآآسفه طولت عليكم بس من كثر الهم الي فيني..
