عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخواتي الفراشات السنعات الذربات
اولا : اللي تفيدني باي معلومه اقول لها
اسأل الله الذي رفع السماء بلا عمد وخلق الاراضين السبع
ان الله يرزقها ماتتمنى ,, اسال الله الواحد الاحد الفرد الصمد الذي لم يلد ولم يولد ان يفرج همها ويسعد قلبها
اسأل الله ان يرزقها بزوج صالح تقي نقي القلب يخاف الله فيها ومايشوف غيرها من نساء الدنيا
ويجملها بنظره ويرزقها بذريه صالحه لازياده فيهم ولانقصان اصحاب خلق وخلقه صالحين مصلحين في الارض
بنات جعل والديكم بالجنه جعل اللي تفيدني ربي يرضى عليها ويغفر لها ذنوبها
بقولكم معاناتي وعسى ربي يسخر لي بنت الاجاويد اللي تفيدني
الموضوع ومافيه (,,,يديني,,,)
بنات انا عندي معاناة من يديني اللي يشوفها يقول يد وحده عمرها 50 سنه مو يد وحده عمرها 25 سنه
انا يديني جااااااااااافه بمعنى الكلمه عدوها اللدود الماء .. ايه الماء يعني من اغسل يدي على طول تجف وتتجعد
فما بالكم اتوضأ 5 مرات باليوم
مواصفاة يدي:1-سماااار فظييع عن باقي الجسم.
2- تجااعيد..
3-جفااااااااااااف..
4- خشونه…
لدلرجه احيانا مقدر اثنيها بشكل طبيعي من الجفاف
بتقولون رطبيها بنات فلوسي كلها على الكريمات لدرجه حاطه وانتوا بكرامه بدورة المياه جنب المغسله زيت اللوز
بحيث اول مااخلص متروشه او مغسله يدي ارطبها>>>> بس كانك يازيد ماغزيت
تترطب شغلة ابو نص ساعه وبعدين تدريجيا ترجع لوضعها الاول
الفازلين من كثر مااستخدمه سمررررت يديني وغير كذا شوي ثقيل احيانا يضايق بالشغل واخاف
يمنع الوضوء عن اليد..صرت استخدمه بالليل..
كثرت من شرب الماء بشكل ماتتصورونه… شريت من بدي شوب كريم بزيت اللوز ممتاز بس نفس الشئ اول ماتلمس يدي المويه راح كل شئ
تقولون الصنفره تصدقون اخر العصر صنفرتها بسكر وزيت زيتون >>ممتاز نعومه وترطيب بس الحين قسم بالله
تقولون عكرة ضب>> اللهم لااعتراض على خلقتك يارب
استخدمت كريم طبي بس الشروط مااطلع للشمس واول مااصحى اغسل بصابون>>مادخلت مزاجي الحين ارطب من جهه واخربه بالصابون,, وغير كذا لازم اطلع تحت الشمس فكنسلت الكريم
والله يابنات نفسي البس ساعات واحط متناكير واساور وخواتم بس يدي ماتساعد وغير كذا احس لو البس بتنجذب الانظار ليدي
وبرووح فيها 😆 idea:
يبنات وصل فيني الحال ان عيني على يد غيري بس اناظر يدين هالخلق>> لاتلوموني محرومه من هالشئ
والله ماعاد ادري وش اسوي مليت كل خمس دقايق كريم ❗
بنات من تساعدني وتقولي وش الدبره .. وش السوات
من تدلني على خلطه فتاكه ولا كريم فتاك ولا صابون اي شئ
يبيض-او يشد-او يرطب-اوينعم
بنات تكفون قولوا لي وش اسوي فرجوا عني الله يفرج عنكم كل ضيقه
انا لو مستخدمه خلطة كريمات كان قلت يمكن منها لو مقشره يدي كل يوم كان اقول من كثر مااقشر
بنات الله يخلي لكم كل من يعز عليكم ساعدوني
وغير كذا بتكسبون اجر لكل وحده تستفيد منكم…
ولكم مني اجمل تحيه من القلب
