الله يوريني فيها يوم .. .. مشكلتي معاها

انا عمري 15 وفي اولى ثانوي ..
بصراحة مالقيت مشاكل بثانويتي الين ماشفتها .. وحبيتها .. ايوا حبيتها وعشقتها
هيا بنت وبسنه ثالث .. وهيا بوية .. شدني ليها اسلوبها وحركاتها . كـــــــــــــــــــــل شي فيها حبيته ..
مع انو ماعديت في المدرسة 3 شهور بس صارو كل البنات يدرو اني احبها .. كان واضح حبي لها في تصرفاتي ونظراتي وكلامي وسلامي ..
مع اني اعرف انها ما تحبني .. كنت اطنش الموضوع وعادي اعتبره حب من طرف واحد .. وخصوصا انو هادي الحاله منتشرة في مدرستنا .. وقلت لنفسي .. اذا فيني عاطفة زايدة اطلعها ببنت ولا اني اطلعها بولد

عرفت انها تحب الهدايا والشوكلاتا .. كنت كل يوم اجبلها كيس مليان شوكلاتا .. كل الانواع اللي تحبها .. كنت مدلعتها .. وشايلتها فوق راسي .. مستحييل بتلقى احد حبها زي منا حبيتها .. مستحيـــل
حتى اني كتبتلها بدمي …. احبك .. والله لايحرمني منك
في 3 شهوور عيشتها اللي ماعاشتو عمرها .. وفي النهاية شوفو كيف جازتني

انا اعطيتها صورة ليا ورسايل وكل شي اقدر عليه . . لاتقولو اني ماعندي ثقة بالعكس .. انا عندي صحبات كتير وبدون مبالغة انا حلوة .. وعندي معجبات كثـــــــــير بس مدري ليش هيا بالذات اللي حبيتها زي كيدا

وعشان مره جرحتني رسلتلها رسالة فيها .. ( انا اكرهك وانتي ماعدتي تسوي عندي شي ) وكلام مرررره يجرح ..
جات واعطتني قدام كل بنات المدرسة كف .. وانا اللي عشقي مشاكل ومتضاربة كم مره مع بنات ما رديت عليها بضرب بس قلتلها .. ترى عيب اللي بتسوية .. احنا مننا صغار على كيدا .. ورجعت وردتو بكف تاني .. ورجعت وقلتلها .. ازا انتي نزلتي نفسك لدى المستوى انا ماراح اتنازل وانزل لمستواكي .. وجات تاني ردتو بكف وتبى تتضارب معايا .. بس صحبتي ضربتها كف بالقوة .. وجلست انا ابكي واقول لصحبتي تسيبها .. ما ادري ليش بس كنت خايفة عليها .. كنت ما ابغاها تزعل .. واقول للبنات على قلبي زي العسسل .

هيا كانت تقلي انها ما تكرهني وتعزني .. وصحباتي ياما حاولو يبعدوني عنها واني اطنشها عشان هيا تجي عندي بس انا ما كنت اقدر ..

ودا الكلام مالو اسبوع .. وانا كل يوم دحين اشوفها في المدرسة
والله انو حالتي اتدهورت ودراستي صايرة زفت وانا اللي كنت اجيب 97 صرت اجيب 77 ..

يا بنات بليــــــــــز ادعولي انساها وانها تنـــــــدم انصحوني قولولي ايش اسوي .. انا بعدت عنها وخلاص بطلت احوبها بس ما اقدر انساها صرت بس اقول عسى ربي يوريني فيها يوم .. وان شاء الله تلقى احد يسوي فيها نفس اللي سوتو فيا لانها في ال3 شهور هادي ظلمتني بكل معنى الكلمة وجرحتني وهانتني .. وهيا حبي الاول ..