اللي تبي وظيفة بمدارس تحفيظ القران تتفضل

شوفوا وش صار لي يوم رحت اقدم لمدارس تحفيظ القران 😳
في يوم من الايام اللي كنت اتمنى يكون يوم حلو للاسف التقيت بناس !!!! خلوني اشك واحسب حساب للأشخاص اللي اقابلهم المووووهم
رحت لمركز الاشراف المسؤول عن مدارس تحفيظ القران ومنه يكون طلب التوظيف ويصير عن طريق نفس المدرسه , المهم رحت عند السكرتيره وقلت لها ابي اقدم وجلست تشرحلي الشروط اللي من ضمنها تقولي لازم تكونين حافظه مدري كم جزء حطوا تحتها خط والشرط الغريب الثاني اللي للحين مافهمته تقولي لازم تكونين مو متزوجه وش دخل الزواج بالوظيفه وشوا بتوظف حارس عماره انا 😥 وغير التقدير وغير وغير اشياء صراحه تعجيز كنها تقولي اقضبي الباب 😳 ولاحظوا انا اتكلم عن اي فئه بالمجتمع فئه الملتزمين واللي يتكلمون عن الاخلاق واهل الندوات
المهم خلصت الاخت شروطها وطلعت وانا للحين علامات التعجب لانه الي اعرفه غير
ومرت الايام وفي يوم من الايام كلمنى الوالد الله يحفظه وقالي كلمني فلان وقال خل بنتك تروح مكتب الاشراف لتحفيظ القران انا مكلم لها ناس وقلت للوالد انا رايحه من قبل وصار كذا وكذا قال ماعليك هذي المره غير يعني واسطه خخخخ 😥 مسكينه صدقت روحي ورحت ماكنت اعرف انه الناس اجناس ورحت ونفس السكرتيره صاحبه الوجه البشوش استقبلتني شكلي ابي انطق ههههه المهم هذي المره صار فيه تقدم يعني دخلتني على المديره حقت المركز وياليتني مادخلت طلعت اعرفها ومدرستني بالكليه:(لا ومشاء الله عرفتني من زووود الشطاره خخخخ المهم وجلسنا نتكلم وعطتني الشمس بأيد والقمر بأيد قلت انا خلااااص جاء الفرج لااا وأزيد لكم من الشعر بيت لما قلت لها عن الشروط اللي قالتها لي السكرتيره قالت مين قالك لا احنا مانشترط كذا 💡 قلت بقلبي استغفر الله هذا المكان اللي المفروض مستحيل يصير فيه الكذب لا وتقولي انه السكرتيره قالت لها انها عطتني ارقام مدارس اقدم فيها والسكرتيه ماعطتني الرقم اللي تقول عليه استغفر اللله بس والله اني بذاك اليوم انصدمت المهم , قالت لي المديره اني بدق عليك وحددت لي اليوم قلت لها خلاص وجا ذاك اليوم ولاااااحظوااا انها تدرس بالكليه ودين وراعيه محاضرات وندوات تلقيها بكل مكان !!! ولما جا ذاك اليوم مادقت واستنى يومين واسبوع جا الاسبوع الثاني ودقيت بعد تفكير وحوسه دقيت وردت علي قلت لها انا فلانه وكلام منه ومناك قالت ايه انا قلت لك دقي علي ولا دقيتي ➡ انا شفتوا اللي طرطعت وقلت لها انتي قلتي انك راح تدقي قالت لاااااااا انا قلت لك انتي قلت اسكت احسن لي من بعد كلام السكرتيره غسلت يدي , حتى لما قلت للوالد قالي مو انتي قايله لي انها هي راح تدق عليك هذا الوالد بعد مانسى بس وش اقول الشكوى لله , المهم جلست تماطل بالكلام وتقول الحين المدارس مايحتاجون ومن هل الكلام انا عرفت بعدين انها ماتبي توظفني وبعدين قالت لي اذا توفر شئ بكلمك قلت لها قبل لا اسكر انا ادق ولا انتي قالت لا لا تدقين انا بدق خخخخخخخخخ عرفت بعدين انها ماتبي توظفني حتى الرجال اللي يعرفه الوالد استغرب من تصرافاتها يقول الحين احنا مكلمينها وبالاخير يطلع كله كلاااام !!! وبعد فتره كلم الرجال الوالد وقاله خلي بنتك تروح ومو على كيفها انا كلمت ناس هناك خخخخخ مين هل الناس اذا هذي المديره كذا قلت للوالد لا تجيب لي طاري هل المكان كرامتي فوق كل شئ وانا اساسا كنت ابي تحفيظ القران منها اجر واستفيد مع انها رواتبهم متدنيه , بس اللي طلعت فيه من هل التجربه في ناس سبحان الله ظاهرهم الصلاح واللي والله يشوفها يقول هذي ملاك ماتوقعت توصل لكذا لا وايش الكذب هي وسكرتيرتها والله يرحمنا برحمته ويغنينا من فضله وسامحوني على الاطاله بس والله هذا من حرقتي واحس اني كنت شايفه انسانه مشاء الله وكنت اسمع ندواتها ماتوقعتها كذا والله يسامحني اذا غلطت بشئ والله يهديها وترا انا شايفه ناس كذا كثر يتكلمون بالدين وينصحون وهم يبغالهم النصح والارشاد . (لا حول ولا قوة الا بالله)