عالم البنات النسائي كل ما يخص المرأة العربية من ازياء وجمال والحياة الزوجية والمطبخ
والله حبيباتي حلوى خذت المركز الاول من كثر حلاتها طريقة سهلة وحلوة وبسيييييييييطة
المقادير
14ملعقة ساجو تنقع في كوبين ماء وتترك ساعتين او اكثر بس مو اقل ثم تخلط بالخلاط
2كوب سكر
2اصبع زبدة لورباك
1/2كوب ماء ورد مضاف الية ملعقة هيل مطحون وملعقة زعفران
مكسرات فستق كازو لوز طبعا المكسرات حسب الرغبة
الطريقة
تضعين السكر على النار الى ان يذوب ويصبح لونة اشقر انتبهي مو بني علشان مايحترق ويصبح طعمة مر
بعدين اتضيفيلة الزبدة ثم الساجو وتقلبين راح اتطيح ايدك في التقليب ماعليه تحملي بالنهاية تطلعين بنتيجة حلوه
لماتجمد شوي اتضيفين لها ماء الورد المخلوط وتستمرين في التقليب
حبيباتي ممكن يتكتل عندك السكر لاتخافين مع التقليب راح يذوب السكر بعد ماتجمد شوي
انتبهي موجامدة حيل لانك اذا صبيتيها في الصحن راح تجمد عندما تبرد
تجهزين صحن التقديم واتصبينهل واهي حارة جدا علشان تاخذ شكلها وتزينينها بتامكسرات ايضا وهي حارة جدا ممكن تحطينها بصحون صغيرة للتقديم لشخص واحد فقط
ارجو اني ماطولت عليكم وفهمتوا الطريقة واي استفسار انا حاضرة
لاتنسين توقيعك اذا قريتي موتمرين مرور الكرام
اشهد الله اني احبكم بالله جميع المشرفات والفراشات والزائرات
